ಕಾಶ್ಮೀರ ಹಿಮದಲ್ಲಿ ಸಿಲುಕಿದ ಸಚಿನ್ ಇದ್ದ ಕಾರು: ಕ್ರಿಕೆಟ್ ದೇವರ ರಕ್ಷಣೆ!

ಕಾಶ್ಮೀರವನ್ನು "ಭೂಮಿಯ ಮೇಲಿನ ಸ್ವರ್ಗ" ಎಂದು ಕರೆಯಲಾಗುತ್ತದೆ ಏಕೆಂದರೆ ಅದರ ಸುಂದರವಾದ ರಮಣೀಯ ಸ್ಥಳಗಳು ಮತ್ತು ಹಿಮದಿಂದ ಆವೃತವಾದ ಪರ್ವತಗಳ ಮೋಡಿಮಾಡುವ ಸ್ಥಳವಾಗಿದೆ. ಇತ್ತೀಚೆಗೆ, ಭಾರತೀಯ ಕ್ರಿಕೆಟ್ ದಂತಕಥೆ ಸಚಿನ್ ತೆಂಡೂಲ್ಕರ್ (Sachin Tendulkar) ಅವರು ತಮ್ಮ ಇನ್ಸ್ಟಾಗ್ರಾಮ್ ಪ್ರೊಫೈಲ್ ಮೂಲಕ ಸುಂದರವಾದ ಕಾಶ್ಮೀರ ರಾಜ್ಯಕ್ಕೆ ಭೇಟಿ ನೀಡುತ್ತಿರುವ ಬಗ್ಗೆ ಮಾಹಿತಿಗಳನ್ನು ಶೇರ್ ಮಾಡಿದ್ದಾರೆ.

ಮಾಸ್ಟರ್‌ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರುಹಿಮಭರಿತ ಪರ್ವತಗಳ ಮೂಲಕ ಅವರ ಸಾಹಸದ ಮಾಡುವ ಸಮಯದಲ್ಲಿ, ಅವರ ಟೊಯೋಟಾ ಫಾರ್ಚುನರ್ ಸಿಲುಕಿಕೊಂಡಿದೆ. ಅವರನ್ನು ATV ಯಲ್ಲಿ ರಕ್ಷಿಸಬೇಕಾಯಿತು ಎಂದು ಈಗ ವರದಿಯಾಗಿದೆ. ಸಚಿನ್ ಅವರ ಫಾರ್ಚೂನರ್ ಹಿಮದಲ್ಲಿ ಸಿಲುಕಿರುವ ವೀಡಿಯೊವನ್ನು ಆನ್‌ಲೈನ್‌ನಲ್ಲಿ ವೈರಲ್ ಆಗಿದೆ. ಸಚಿನ್ ತೆಂಡೂಲ್ಕರ್ ಅವರ ಟೊಯೊಟಾ ಫಾರ್ಚೂನರ್ ಪರ್ವತದ ಮೇಲೆ ಹಿಮಪಾತದ ಸಮಯದಲ್ಲಿ ಸಿಲುಕಿರುವ ವೀಡಿಯೊವನ್ನು ಆಸಿಫ್ ರಶೀದ್ ಅವರು ತಮ್ಮ ಚಾನಲ್‌ನಲ್ಲಿ ಯೂಟ್ಯೂಬ್‌ನಲ್ಲಿ ಹಂಚಿಕೊಂಡಿದ್ದಾರೆ.

ದೆಹಲಿ ನಂಬರ್ ಪ್ಲೇಟ್ ಹೊಂದಿರುವ ಕಪ್ಪು ಟೊಯೊಟಾ ಫಾರ್ಚೂನರ್ ಇಳಿಜಾರಿನಲ್ಲಿ ಕಾಣಿಸಿಕೊಂಡಿರುವುದನ್ನು ವೀಡಿಯೊದಲ್ಲಿ ಗಮನಿಸಬಹುದು, ಅಲ್ಲಿ ಅದು ಏರಲು ಪ್ರಯತ್ನಿಸುತ್ತಿದೆ. ಆದರೆ ಮುಂಭಾಗದ ಎಡ ಚಕ್ರವು ಅಂಟಿಕೊಂಡಿರುವುದು ಕಂಡುಬಂದಿದೆ ಮತ್ತು ಜನರು ಈ ಕಾರಿನ ಮುಂಭಾಗದಿಂದ ಐಸ್ ಅನ್ನು ತೆಗೆದುಹಾಕಲು ಪ್ರಯತ್ನಿಸುತ್ತಿದ್ದಾರೆ. ಫಾರ್ಚುನರ್ ಪಕ್ಕದಲ್ಲಿ ಹಲವಾರು ಸೇನಾ ಅಧಿಕಾರಿಗಳು ನಿಂತಿದ್ದರು ಎಂಬುದನ್ನು ಸಹ ಗಮನಿಸಬಹುದು.

ವಿಡಿಯೋ ರೆಕಾರ್ಡ್ ಮಾಡುತ್ತಿರುವ ವ್ಯಕ್ತಿ ಇದು ಸಚಿನ್ ತೆಂಡೂಲ್ಕರ್ ಅವರ ಫಾರ್ಚೂನರ್ ಎಂದು ಹೇಳಿಕೊಂಡಿದ್ದಾರೆ. ಅವರು ಸಚಿನ್‌ನನ್ನು ಒಳಗೆ ತೋರಿಸಲು ಫಾರ್ಚುನರ್ ಹತ್ತಿರ ಚಲಿಸುತ್ತಾರೆ ಮತ್ತು ಅವರು ಮುಂಭಾಗದ ಪ್ರಯಾಣಿಕರ ಸೀಟಿನಲ್ಲಿ ಕುಳಿತಿರುವುದನ್ನು ಕಾಣಬಹುದು. ವಿಡಿಯೋ ರೆಕಾರ್ಡ್ ಮಾಡುತ್ತಿದ್ದ ವ್ಯಕ್ತಿ ಕಾರಿನ ಬಳಿ ಬರುತ್ತಿದ್ದಂತೆಯೇ ಚಾಲಕ ತಕ್ಷಣ ವೀಂಡೋ ಮುಚ್ಚಿದ್ದನ್ನು ಗಮನಿಸಬಹುದು.

ವೀಡಿಯೊದಲ್ಲಿ ತೋರಿಸದಿದ್ದರೂ, ಸ್ವಲ್ಪ ಸಮಯ ಪ್ರಯತ್ನಿಸಿದರೂ ಫಾರ್ಚೂನರ್ ಹಿಮದಿಂದ ಹೊರಬರಲಿಲ್ಲ ಎಂದು ವರದಿಯಾಗಿದೆ. ಮತ್ತು ಇದರಿಂದಾಗಿ, ಎಟಿವಿಯಲ್ಲಿ ಸಚಿನ್ ಅವರನ್ನು ರಕ್ಷಿಸಲಾಯಿತು. ಈ ವೀಡಿಯೋದಲ್ಲಿರುವ ಫಾರ್ಚೂನರ್‌ಗೆ ಸಂಬಂಧಿಸಿದಂತೆ, ಇದು ಭಾರತೀಯ ಕ್ರಿಕೆಟ್ ಐಕಾನ್ ತಂಗಿದ್ದ ಹೋಟೆಲ್‌ಗೆ ಸೇರಿದೆ ಎಂದು ವರದಿಯಾಗಿದೆ. ಈ ಘಟನೆ ನಡೆದ ಗುಲ್ಮಾರ್ಗ್‌ನ ರಮಣೀಯ ಸ್ಥಳಗಳಿಗೆ ಹೋಟೆಲ್‌ನ ಅತಿಥಿಗಳನ್ನು ಸಾಗಿಸಲು ಇದನ್ನು ಬಳಸಲಾಗುತ್ತದೆ.

ಮಾಸ್ಟರ್‌ ಬ್ಲಾಸ್ಟರ್‌ ಸಚಿನ್‌ ತೆಂಡೂಲ್ಕರ್‌ ಕ್ರಿಕೆಟ್ ಇತಿಹಾಸದಲ್ಲಿ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರು. ನವೆಂಬರ್ 1989 ರಲ್ಲಿ, ಅವರು ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಕಾಲಿಟ್ಟರು. ಕರಾಚಿಯಲ್ಲಿ ಪಾಕಿಸ್ತಾನದ ವಿರುದ್ಧ ಪಾದಾರ್ಪಣೆ ಮಾಡಿದ ಅವರು ಭಾರತದ ಅತ್ಯಂತ ಕಿರಿಯ ಆಟಗಾರ ಎನಿಸಿಕೊಂಡರು. ಮಾಸ್ಟರ್‌ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರು ಕ್ರಿಕೆಟ್ ಕ್ಷೇತ್ರದಲ್ಲಿ ಹಲವು ದಾಖಲೆಗಳನ್ನು ನಿರ್ಮಿಸಿದ್ದಾರೆ. ಅವರ ಕೆಲವು ದಾಖಲೆಗಳ ಹತ್ತಿರ ಯಾರೂ ಕೂಡ ಈವರೆಗೂ ಬಂದಿಲ್ಲ.

ಸಚಿನ್ 2013ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದರು. ಸಚಿನ್ ತೆಂಡೂಲ್ಕರ್ ಅವರು ಭಾರತೀಯ ಸಂಸತ್ತಿನ ಮೇಲ್ಮನೆಯಾದ ರಾಜ್ಯಸಭೆಯ ಸದಸ್ಯರಾಗಿದ್ದರು. 2014 ರಲ್ಲಿ, ಅವರಿಗೆ ಭಾರತದ ಅತ್ಯುನ್ನತ ನಾಗರಿಕ ಗೌರವವಾದ 'ಭಾರತ ರತ್ನ' ಪ್ರಶಸ್ತಿಯನ್ನು ನೀಡಲಾಯಿತು. ಇಂತಹ ಗೌರವಕ್ಕೆ ಪಾತ್ರರಾದ ದೇಶದ ಏಕೈಕ ಆಟಗಾರ ಸಚಿನ್ ಆಗಿದ್ದಾರೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡಿರಿ.