ಮುದ್ದು ಕಂದನ ತಪ್ಪಿಗೆ ಭಾರೀ ಬೆಲೆ ತೆತ್ತ ಪೋಷಕರು

ಚೀನಾದ ಗುಯಿಲಿನ್ ನಗರದಲ್ಲಿ ನಡೆದಿರುವ ಘಟನೆಯಲ್ಲಿ ಮೂರು ವರ್ಷದ ಬಾಲಕಿಯ ಕೆಲಸಕ್ಕೆ ಆಕೆಯ ಪೋಷಕರು ಸುಮಾರು 29 ಸಾವಿರ ಡಾಲರ್ ಅಂದರೆ ಸುಮಾರು ರೂ.22 ಲಕ್ಷ ಪರಿಹಾರನೀಡಬೇಕಾದ ಪರಿಸ್ಥಿತಿ ಎದುರಾಗಿದೆ. ದಂಪತಿಗಳು ತಮ್ಮ ಹೆಣ್ಣು ಮಗುವಿನೊಂದಿಗೆ ಆಡಿ ಶೋರೂಂಗೆ ಭೇಟಿ ನೀಡಿದ್ದಾರೆ.

ತಮ್ಮ ಮೂರು ವರ್ಷದ ಬಾಲಕಿಯನ್ನು ಶೋರೂಂನಲ್ಲಿ ಬಿಟ್ಟ ದಂಪತಿಗಳು ಕಾರುಗಳ ಬಗ್ಗೆ ಮಾಹಿತಿ ಪಡೆಯಲು ಶೋರೂಂನಲ್ಲಿ ಸುತ್ತಾಡಿದ್ದಾರೆ. ಈ ವೇಳೆ ಬಾಲಕಿಯೂ ಸಹ ಶೋರೂಂ ತುಂಬೆಲ್ಲಾ ಓಡಾಡಿದ್ದಾಳೆ. ಮಗಳು ಕಾರುಗಳನ್ನು ನೋಡುತ್ತಿರಬಹುದೆಂದು ಪೋಷಕರು ಆಕೆಯ ಕಡೆಗೆ ಹೆಚ್ಚು ಗಮನ ನೀಡಿಲ್ಲ.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

ಆದರೆ ಶೋರೂಂನಲ್ಲಿದ್ದ ಪುಟ್ಟ ಬಾಲಕಿ ತನ್ನ ಕೈಯಲ್ಲಿ ಸಣ್ಣ ಕಲ್ಲನ್ನು ಹೊಂದಿದ್ದಾಳೆ ಎಂದು ಆಕೆಯ ಪೋಷಕರಿಗೆ ತಿಳಿದಿರಲಿಲ್ಲ. ಶೋರೂಂನಲ್ಲೆಲ್ಲಾ ಓಡಾಡಿದ ಆ ಬಾಲಕಿ ಶೋರೂಂನಲ್ಲಿದ್ದ ಆಡಿ ಕಂಪನಿಯ ಹೊಚ್ಚ ಹೊಸ ಕಾರುಗಳನ್ನು ತನ್ನ ಕೈನಲ್ಲಿದ್ದ ಕಲ್ಲಿನಿಂದ ಗೀಚಿದ್ದಾಳೆ.

ಹೀಗೆ ಆ ಬಾಲಕಿ ಶೋರೂಂನಲ್ಲಿದ್ದ 10 ಕಾರುಗಳ ಮೇಲೆ ಕಲ್ಲಿನಿಂದ ಗೀಚಿ ಅವುಗಳನ್ನು ಹಾನಿಪಡಿಸಿದ್ದಾಳೆ. ಆದರೆ ಇದನ್ನು ಆ ಬಾಲಕಿಯ ಪೋಷಕರು ಗಮನಿಸಿಲ್ಲ.

MOST READ:ಮನೆ ತಲುಪಲು 1800 ಕಿ.ಮೀ ಸೈಕಲ್ ತುಳಿದ ಯುವಕ..!

ಬಾಲಕಿಯ ಪೋಷಕರು ಈ ಘಟನೆ ಬಗ್ಗೆ ಏನನ್ನೂ ಹೇಳಿಲ್ಲ. ಘಟನೆಯ ಬಗ್ಗೆ ತಿಳಿದ ಶೋರೂಂ ಮಾಲೀಕರು ಬಾಲಕಿಯ ಪೋಷಕರಿಂದ 2 ಲಕ್ಷ ಯುವಾನ್ ಪರಿಹಾರ ಕೋರಿದ್ದಾರೆ. ಅಂದರೆ ಸುಮಾರು 29 ಸಾವಿರ ಡಾಲರ್‌ಗಳನ್ನು ಪರಿಹಾರವಾಗಿ ಕೋರಿದ್ದಾರೆ.

ಬಾಲಕಿಯ ಪೋಷಕರು ಇಷ್ಟೊಂದು ಮೊತ್ತವನ್ನು ನೀಡಲು ಸಾಧ್ಯವಿಲ್ಲವೆಂದು ತಿಳಿಸಿದ್ದಾರೆ. ಶೋರೂಂ ಮಾಲೀಕರು ಪರಿಹಾರದ ಮೊತ್ತವನ್ನು ಪಡೆಯಲು ಕಾನೂನಿನ ಮೊರೆ ಹೋಗಿದ್ದು, ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ಮೂಲ: ಸಿಂಚೆವ್ ಡೈಲಿ