ತಂದೆಯ ಹಳೆ ಕಾರನ್ನು ಹೊಸ ರೀತಿಯಲ್ಲಿ ಗಿಫ್ಟ್ ನೀಡಿದ ಮಗ

ಎಷ್ಟೋ ವರ್ಷಗಳ ಹಿಂದೆ ಮಾರಾಟವಾದ ತಮ್ಮ ಜೀವನದ ಮೊದಲ ಕಾರನ್ನು ಪಡೆದರೆ ಅದರಿಂದ ಉಂಟಾಗುವ ಖುಷಿಯನ್ನು ಹೇಳಲಾಸಾಧ್ಯ. ಇದೇ ರೀತಿಯ ಘಟನೆಯ ಬಗ್ಗೆ ಈ ಲೇಖನದಲ್ಲಿ ನೋಡೋಣ. ಕೇರಳದ ಕೋಝಿಕೋಡ್‌ನ ಅಬ್ದುಲ್ ನಜೀರ್ ರವರೇ 13 ವರ್ಷಗಳ ಹಿಂದೆ ಮಾರಾಟವಾದ ತಮ್ಮ ಜೀವನದ ಮೊದಲ ಕಾರನ್ನು ಮರಳಿ ಪಡೆದವರು.

ಅಬ್ದುಲ್ ನಜೀರ್ 1992ರಲ್ಲಿ ತಮ್ಮ ಮೊದಲ ಕಾರ್ ಆಗಿ ಮಾರುತಿ 800 ಅನ್ನು ಖರೀದಿಸಿದ್ದರು. ಅಂದಿನಿಂದ ಈ ಕಾರು 15 ವರ್ಷಗಳ ಕಾಲ ಕುಟುಂಬದ ಭಾಗವಾಗಿತ್ತು. ಅಬ್ದುಲ್ ನಜೀರ್ ಜೊತೆಗೆ ಅವರ ಮಗ ನಿಯಾಸ್ ಅಹ್ಮದ್ ಕೂಡ ಈ ಕಾರನ್ನು ಪ್ರೀತಿಸುತ್ತಿದ್ದರು.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಕಾರಿನ ಮೂಲಕ ಅಬ್ದುಲ್ ನಜೀರ್ ಕಾರು ಚಾಲನೆಯನ್ನು ತಮ್ಮ ಮಗ ನಿಯಾಸ್‌ಗೆ ಕಲಿಸಿದರು. ಅಬ್ದುಲ್ ನಜೀರ್ ಈ ಕಾರನ್ನು 2007ರಲ್ಲಿ ಕೋಝಿಕೋಡ್‌ನ ವ್ಯಕ್ತಿಯೊಬ್ಬರಿಗೆ ರೂ.42,000ಗಳಿಗೆ ಮಾರಾಟ ಮಾಡಿದರು.

ಕಾರನ್ನು ಮಾರಾಟ ಮಾಡಿದ ಕೆಲ ತಿಂಗಳ ನಂತರ ಅವರಿಗೆ ಈ ಕಾರಿನ ನೆನಪು ಕಾಡಲಾರಂಭಿಸಿದೆ. ಕಾರನ್ನು ಮಾರಾಟ ಮಾಡಿದ ಸುಮಾರು ಮೂರು ವರ್ಷಗಳ ನಂತರ ಮಾರಾಟವಾದ ಕಾರನ್ನು ಮರಳಿ ಪಡೆಯಬೇಕೆಂಬ ಆಸೆಯನ್ನು ವ್ಯಕ್ತಪಡಿಸಿದ್ದಾರೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ತಮ್ಮ ತಂದೆಯ ಆಸೆಯನ್ನು ನೆರವೇರಿಸಲು ಮುಂದಾದ ನಿಯಾಸ್ ಮಾರಾಟವಾದ ಮಾರುತಿ 800 ಕಾರ್ ಅನ್ನು ಹುಡುಕಲಾರಂಭಿಸಿದ್ದಾರೆ. ನಿಯಾಸ್, ಕಾರು ಖರೀದಿಸಿದ್ದ ವ್ಯಕ್ತಿಯನ್ನು ಭೇಟಿಯಾದರು. ಆದರೆ ಆ ವ್ಯಕ್ತಿ ಕಾರನ್ನು ಬೇರೊಬ್ಬರಿಗೆ ಮಾರಾಟ ಮಾಡಿದ್ದರು.

ಈ ಕಾರನ್ನು ಖರೀದಿಸಿದ್ದವರು ಕೊಟ್ಟಾಯಂನಲ್ಲಿರುವುದಾಗಿ ತಿಳಿದು ಬಂದಿದೆ. ಆದರೆ ಕಾರು ಖರೀದಿಸಿದ್ದವರ ವಿಳಾಸವಾಗಲಿ ಬೇರೆ ಯಾವುದೇ ಮಾಹಿತಿಯಾಗಲಿ ದೊರೆತಿಲ್ಲ. ನಿಯಾಸ್ ತಮ್ಮ ಪ್ರಯತ್ನವನ್ನು ಬಿಡದೇ ಕಾರು ಖರೀದಿಸಿದ್ದವರನ್ನು ಹುಡುಕುತ್ತಲೇ ಇದ್ದರು.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಕೊನೆಗೆ 2019ರಲ್ಲಿ ಕಾರು ತಿರುವನಂತಪುರಂನ ಉಮೇಶ್ ಎಂಬುವವರ ಬಳಿ ಇರುವುದು ತಿಳಿಯುತ್ತದೆ. ನಿಯಾಸ್, ಉಮೇಶ್ ಅವರನ್ನು ಖುದ್ದಾಗಿ ಭೇಟಿಯಾಗಿ ಈ ಮಾರುತಿ 800 ಕಾರನ್ನು ಖರೀದಿಸುವುದಾಗಿ ತಿಳಿಸಿದರು.

ಆದರೆ ಉಮೇಶ್ ಕಾರನ್ನು ಮಾರಾಟ ಮಾಡಲು ನಿರಾಕರಿಸಿದ್ದಾರೆ. ಆದರೂ ನಿಯಾಸ್, ಉಮೇಶ್ ಅವರೊಂದಿಗೆ ಸಂಪರ್ಕದಲ್ಲಿದ್ದರು. ಆ ಕಾರು ತಮಗೆ ಹಾಗೂ ತಮ್ಮ ಕುಟುಂಬಕ್ಕೆ ಎಷ್ಟು ಮುಖ್ಯ ಎಂಬುದನ್ನು ಉಮೇಶ್ ಅವರಿಗೆ ಮನವರಿಕೆ ಮಾಡಿಕೊಟ್ಟರು.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಕೊನೆಗೆ ಉಮೇಶ್ ತಮ್ಮ ಬಳಿಯಿದ್ದ ಕಾರನ್ನು ಮಾರಾಟ ಮಾಡಲು ಒಪ್ಪಿಕೊಂಡರು. ಕಳೆದ ತಿಂಗಳು ನಿಯಾಸ್, ಉಮೇಶ್ ರವರಿಗೆ ರೂ.ಒಂದು ಲಕ್ಷ ನೀಡಿ ಕಾರು ಖರೀದಿಸಿದರು. ನಿಯಾಸ್ ಈ ಮಾರುತಿ 800 ಕಾರನ್ನು ತಮ್ಮ ತಂದೆ ಅಬ್ದುಲ್ ನಜೀರ್ ಅವರಿಗೆ ಅವರ 54ನೇ ಹುಟ್ಟುಹಬ್ಬದಂದು ಕಾಣಿಕೆಯಾಗಿ ನೀಡಿದರು. ಈ ಬಗ್ಗೆ ಮಾತೃಭೂಮಿ ವರದಿ ಮಾಡಿದೆ.