Click it and Unblock the Notifications
ಫ್ರೆಂಚ್ ಚಾಂಪಿಯನ್ ನಡಾಲ್ಗೆ ಕಿಯಾ ಕಾರು ಉಡುಗೊರೆ
ದಾಖಲೆಯ ಎಂಟನೇ ಬಾರಿಗೆ ಫ್ರೆಂಚ್ ಓಪನ್ ಟೆನಿಸ್ ಪಂದ್ಯಾವಳಿ ಕಿರೀಟ ಮುಡಿಗೇರಿಸಿಕೊಂಡಿರುವ ಸ್ಪೇನ್ನ ರಾಫೆಲ್ ನಡಾಲ್ ಅವರಿಗೀಗ ಸಂಭ್ರಮ ಆಚರಿಸಿಕೊಳ್ಳಲು ಎರಡೆರಡು ಕಾರಣಗಳಿವೆ.
ಒಂದೆಡೆ ಗ್ರಾನ್ಸ್ಲಾಮ್ ಗೆದ್ದಿರುವುದು ಖುಷಿಯಾಗಿದ್ದರೆ ಮತ್ತೊಂದೆಡೆ ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ನಡಾಲ್ಗೆ ನೂತನ ಕಿಯಾ ಪ್ರೊಸಿಡ್ ಜಿಟಿ (kia pro_cee'd GT) ಕಾರು ಉಡುಗೊರೆಯಾಗಿ ಲಭಿಸಿದೆ.
ನಿಮ್ಮ ಮಾಹಿತಿಗಾಗಿ, ನಡಾಲ್ ಪ್ರಸ್ತುತ ಕಿಯಾ ಮೋಟಾರ್ಸ್ ಕಂಪನಿಯ ಜಾಗತಿಕ ಪ್ರಚಾರ ರಾಯಭಾರಿಯಾಗಿದ್ದಾರೆ. ಇದೇ ಕಾರಣಕ್ಕಾಗಿ ಕಂಪನಿಯಿಂದ ನೂತನ ಉಡುಗೊರೆ ಕೂಡಾ ಲಭಿಸಿದೆ.
ಆ ಬಳಿಕ ಪ್ರತಿಕ್ರಿಯಿಸಿದ ನಡಾಲ್, ಕಿಯಾ ಕಾರನ್ನು ನಾನು ಡ್ರೈವಿಂಗ್ ಮಾಡಿದ್ದು, ಅದ್ಭುತ ಅನುಭವ ನೀಡುತ್ತಿದೆ ಎಂದಿದ್ದಾರೆ.
ಇದೀಗ ಜೂನ್ 24ರಿಂದ ಆರಂಭವಾಗಲಿರುವ ವಿಂಬಲ್ಡನ್ ಚಾಂಪಿಯನ್ಶಿಪ್ ಎದುರು ನೋಡುತ್ತಿರುವ ನಡಾಲ್, ಹೊಸ ಕಾರು ಹೆಚ್ಚು ಸ್ಫೂರ್ತಿ ತುಂಬುವ ನಂಬಿಕೆ ವ್ಯಕ್ತಪಡಿಸಿದ್ದಾರೆ.
ಅಂದ ಹಾಗೆ ಇದು ಮೊದಲ ಬಾರಿಯೇನಲ್ಲ ಟೆನಿಸ್ ಜಗತ್ತಿನ ಜತೆ ಕಿಯಾ ಮೋಟಾರ್ಸ್ ನಂಟು ಬೆಳೆಸಿರುವುದು. ಈ ಹಿಂದೆ 2008ರ ವರೆಗೆ ಆಸ್ಟ್ರೇಲಿಯನ್ ಓಪನ್ ಪ್ರಮುಖ ಪ್ರಯೋಜಕತ್ವವನ್ನು ವಹಿಸಿತ್ತು.
ಹಾಗೆಯೇ ಕಳೆದ ದಶಕದಲ್ಲಿ ಅಮೆರಿಕದ ಟೆನಿಸ್ ದಿಗ್ಗಜ ಆಂಡ್ರೆ ಆಗಾಸ್ಸಿ ಅವರನ್ನು ಪ್ರಚಾರ ರಾಯಭಾರಿಯನ್ನಾಗಿ ನೇಮಕಗೊಳಿಸಿತ್ತು.
ಇದೇ ವೇಳೆ ರಾಫೆಲ್ ನಡಾಲ್ ಅವರು ಕಿಯಾ ಸೊರೆಂಟೊ ಕಾರಿನ ಕೀ ಕೂಡಾ ಪಡೆದಿದ್ದಾರೆ.
Continue with Google