ಇದೇ ಆಟೋ ವಿಸ್ಮಯ; ಬಹುಕೋಟಿ ವೆಚ್ಚದ ಭೂಗತ ಗ್ಯಾರೇಜ್

ಗೊನ್ಜಾಲೆಸ್ ತಮ್ಮ ಈ ಮಿಲಿಯನ್ ಡಾಲರ್ ಮೊತ್ತದ ಗ್ಯಾರೇಜ್‌ಗೆ 'ಟಾಯ್ ಬಾಕ್ಸ್' ಎಂದು ಹೆಸರಿಸಿದ್ದಾರೆ. ಇನ್ನು ಹೆಣ್ಣಕ್ಕಳು ಕಾರು ಬೈಕ್‌ಗಳನ್ನು ಹೆಚ್ಚು ಇಷ್ಟಪಡುವುದರಿಂದ ತಾವು ವಾಹನ ಕಲೆಕ್ಷನ್ ಆರಂಭಿಸಿರುವುದಾಗಿ ಗೊನ್ಜಾಲೆಸ್ ತಿಳಿಸುತ್ತಾರೆ.

ಬೃಹತ್ ಎಸ್ಟೇಟ್‌ನಲ್ಲಿರುವ ಗ್ಯಾರೇಜ್ ಒಳಪ್ರವೇಶಿಸಿದ ತಕ್ಷಣ ನಿಮಗೆ ಟಾಮ್ ಅವರ 100ಕ್ಕೂ ಹೆಚ್ಚು ಅತಿ ನೂತನ ಬೈಕ್‌ ಬ್ರಾಂಡ್‌ಗಳು ಕಾಣಸಿಗುವುದು. ಇದರ ವಿಶೇಷತೆ ಏನೆಂದರೆ ಒಂದು ಬಾರಿಯೂ ರೈಡಿಂಗ್ ಮಾಡದ ಈ ಬೈಕ್‌ಗಳಿಗೆ ರಿಜಿಷ್ಟ್ರೇಷನ್ ಕೂಡಾ ಆಗಿಲ್ಲ.

ಮೊದಲ ನೋಟದಲ್ಲಿ ಅಲ್ಲಿ ಗ್ಯಾರೇಜ್ ಇದೆಯೇ ಎಂಬ ಅನುಮಾನ ನಿಮ್ಮಲ್ಲಿ ಮೂಡಬಹುದು. ಯಾಕೆಂದರೆ ನೆಲದಡಿಯಿಂದ ವಿಮಾನ ಎಲಿವೇಟರ್ ಬಳಸಿ (ಲಿಫ್ಟ್ ತಂತ್ರಜ್ಞಾನ) ಇದನ್ನು ತೆರೆಯಲಾಗುತ್ತದೆ. ಈ ಸಂದರ್ಭದಲ್ಲಿ ಮಾನವ ನಿರ್ಮಿತ ಭೂಪ್ರದೇಶ ಮೇಲಕ್ಕೆ ಸರಿಯಲ್ಪಡುತ್ತದೆ.

ಬೈಕ್ ತರಹನೇ ಕಾರು ಪಾರ್ಕಿಂಗ್‌ಗೂ ಆಡಂಬರದ ಕೋಣೆಗಳನ್ನು ಬಳಸಲಾಗಿದೆ. ಇಲ್ಲೂ ವಿವಿಧ ವರ್ಣೀಯ ಕಾರುಗಳು ಕಾಣಸಿಗುತ್ತವೆ.

ಈ ಭೂಗತ ಗ್ಯಾರೇಜ್ 6,000 ಚದರ ಅಡಿ ಸುತ್ತಳತೆಯನ್ನು ಹೊಂದಿದೆ. ಇದು ಅಮೆರಿಕದ ಅತಿದೊಡ್ಡ ಮೋಟಾರುಖಾನೆಗಳಲ್ಲಿ ಒಂದಾಗಿದೆ.

ಈ ಮೊದಲೇ ಸೂಚಿಸಿದಂತೆ ಏರ್‌ಕ್ರಾಫ್ಟ್ ಎಲಿವೇಟರ್ ಕಾರುಗಳನ್ನು ಮೇಲಕ್ಕೆ ತರುವಲ್ಲಿ ನೆರವಾಗುತ್ತವೆ. ಅಷ್ಟೇ ಯಾಕೆ ಅತಿ ಭಾರದ ಬಸ್ಸನ್ನು ಕೂಡಾ ಇದೇ ತಂತ್ರಜ್ಞಾನದಲ್ಲಿ ಹೊರಕ್ಕೆ ತರಲಾಗುತ್ತಿದೆ.

ಈ ವಿಮಾನ ಎಲಿವೇಟರ್‌ನ ತಲಹದಿಯು 60 ಫೀಟ್ ಉದ್ದ, 12 ಫೀಟ್ ಅಗಲ ಹಾಗೂ 15 ಫೀಟ್ ಎತ್ತರ ಹೊಂದಿದೆ. ಇದು ಆರು ಹೈಡ್ರಾಲಿಕ್ ರಾಂಪ್‌ಗಳಿಂದ ಕೆಲಸ ಮಾಡುತ್ತದೆ.

ಸಂಪೂರ್ಣವಾಗಿ ಗಣಕ ಯಂತ್ರದಿಂದ ನಿಯಂತ್ರಿಸಲ್ಪಟ್ಟಿರುವ ಈ ವಿಮಾನ ಎವಿಯೇಟರ್ 2,50,000 ಪೌಂಡ್‌ ಭಾರವನ್ನು ಮೇಲೆತ್ತುವುದರಲ್ಲಿ ಸಕ್ಷಮವಾಗಿದೆ.

ಈ ಎಲ್ಲ ವಿನ್ಯಾಸವನ್ನು ಸ್ವತ: ಗೊನ್ಸಾಲೆಸ್ ರೂಪಿಸಿದ್ದು, ಅವರ ಪ್ರಕಾರ ಯಾವುದೇ ಪ್ರಕೃತಿ ವಿಪತ್ತನ್ನು ನಿರ್ವಹಿಸುವ ಶಕ್ತಿಯನ್ನು ಈ ಎಲಿವೇಟರ್ ಹೊಂದಿದೆ.

ಹೊರಗಿನಿಂದ ಎಲೆವೇಟರ್ ಮುಚ್ಚಿಡುವ ಸಲುವಾಗಿ ಇದರ ಮೇಲೆ ಕೃತಕ ಮರ, ಕಲ್ಲುಗಳನ್ನು ಇಡಲಾಗಿದೆ. ಹಾಗೆಯೇ ಒಮ್ಮೆ ಮೇಲಕ್ಕೆಕ್ತಲು 25 ಡಾಲರ್ ವೆಚ್ಚದ ವಿದ್ಯುತ್ತಿನ ಅಗತ್ಯವಿದೆ.

ಬಹುಕೋಟಿ ವೆಚ್ಚದ ಭೂಗತ ಗ್ಯಾರೇಜ್‌ನ ಸುಂದರ ನೋಟ

ಬಹುಕೋಟಿ ವೆಚ್ಚದ ಭೂಗತ ಗ್ಯಾರೇಜ್‌ನ ಸುಂದರ ನೋಟ

ಇದೀಗ ಇಲ್ಲಿ ಕೊಡಲಾಗಿರುವ ವೀಡಿಯೋ ಲಿಂಕ್ ವೀಕ್ಷಿಸುವ ಮೂಲಕ ನಿಮಗೆ ಭೂಗತ ಗ್ಯಾರೇಜ್ ಬಗ್ಗೆ ಸ್ಪಷ್ಟ ಮಾಹಿತಿ ಲಭಿಸಲಿದೆ.