ಪ್ರಪಂಚದಲ್ಲಿರುವ ಟಾಪ್ 10 ರೇಸಿಂಗ್ ಟ್ರಾಕ್‌ಗಳಿವು

ವಿಶ್ವದಲ್ಲಿ ಸಾವಿರಾರು ಸಂಖ್ಯೆಯ ರೇಸಿಂಗ್ ಟ್ರಾಕ್‌ಗಳಿವೆ. ಆದರೆ ಅವುಗಳಲ್ಲಿ ಕೆಲವನ್ನು ಮಾತ್ರ ಅತ್ಯುತ್ತಮವೆಂದು ಪರಿಗಣಿಸಲಾಗುತ್ತದೆ. ವಿಶ್ವದಲ್ಲಿರುವಟಾಪ್ 10 ರೇಸ್ ಟ್ರಾಕ್‌ಗಳು ಯಾವುವು, ಅವುಗಳ ಪ್ರಮುಖ ಲಕ್ಷಣಗಳು ಯಾವುವು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.

ನೂರ್ಬರ್ಗ್ರಿಂಗ್ ನಾರ್ಡ್ಸ್ಕ್ಲೀಫ್

ನೂರ್ಬರ್ಗ್ರಿಂಗ್ ನಾರ್ಡ್ಸ್ಲೀಫ್ ವಿಶ್ವದ ಅತ್ಯುತ್ತಮ ರೇಸ್ ಟ್ರಾಕ್‌ಗಳಲ್ಲಿ ಒಂದಾಗಿದೆ. ಜರ್ಮನಿಯಲ್ಲಿರುವ ಈ ರೇಸ್‌ಟ್ರಾಕ್‌ನಲ್ಲಿ ಒಂದೇ ಬಾರಿ 1,50,000 ಜನರು ಕುಳಿತುಕೊಳ್ಳಬಹುದು. ಈ ರೇಸ್‌ಟ್ರಾಕ್‌ನಲ್ಲಿ ಹಲವಾರು ಐತಿಹಾಸಿಕ ಮಹತ್ವದ ರೇಸ್‌ಗಳನ್ನು ನಡೆಸಲಾಗುತ್ತದೆ.

MOST READ:ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ದಟ್ಟವಾದ ಕಾಡಿನಂತಿರುವ ಈ ರೇಸ್‌ಟ್ರಾಕ್‌ 21 ಕಿ.ಮೀ ಉದ್ದದ 154 ಕರ್ವ್'ಗಳನ್ನು ಹೊಂದಿದೆ. ಈ ಕರ್ವ್'ಗಳು ಊಹೆಗೂ ನಿಲುಕದಂತಿವೆ. ಈ ರೇಸ್ ಟ್ರಾಕ್‌ನಲ್ಲಿ ಇನ್ನೂ ವಿವಿಧ ಸ್ಪರ್ಧೆಗಳನ್ನು ನಡೆಸಲಾಗುತ್ತದೆ.

ಸ್ಪಾ ಫ್ರಾಂಕೋರ್ಸ್‌ಚಾಂಪ್ಸ್

ಈ ರೇಸ್ ಟ್ರಾಕ್ ಬೆಲ್ಜಿಯಂನ ಸ್ಟಾವ್ಲಾಟ್ ಪ್ರದೇಶದಲ್ಲಿದೆ. ಎಫ್ 1 ನಂತಹ ಪ್ರಮುಖ ಮೋಟಾರ್ ಸ್ಪೋರ್ಟ್‌ಗಳು ಈ ರೇಸ್‌ಟ್ರಾಕ್‌ನಲ್ಲಿ ನಡೆಯುತ್ತವೆ. ಸ್ಪಾ ಫ್ರಾಂಕೋರ್ಸ್‌ಚಾಂಪ್ಸ್ ಸುಂದರವಾದ ಹಳ್ಳಿಯ ಬಳಿ ಇದೆ.

MOST READ:ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ಇದರಿಂದಾಗಿ ಈ ಟ್ರಾಕ್ ಸುತ್ತ ಸದಾ ಹಸಿರು ಹಾಗೂ ನೈಸರ್ಗಿಕವಾದ ಟ್ರಾಕ್ ನೋಡಬಹುದು. ಈ ಟ್ರಾಕ್ ಅತ್ಯುತ್ತಮ ರೇಸಿಂಗ್ ಅನುಭವವನ್ನು ನೀಡುತ್ತದೆ ಎಂಬುದು ಸ್ಪರ್ಧಿಗಳ ಅಭಿಪ್ರಾಯ.

ಸುಜುಕಾ

ಸುಜುಕಾ ರೇಸ್‌ಟ್ರಾಕ್ ಜಪಾನ್‌ನ ಗ್ರ್ಯಾಂಡ್ ಪ್ರಿಕ್ಸ್‌ನಲ್ಲಿದೆ. ನೋಡಲು ಭಯ ಹುಟ್ಟಿಸುವಂತಿರುವ ಈ ರೇಸ್‌ಟ್ರಾಕ್‌ನಲ್ಲಿ ವಿವಿಧ ರೀತಿಯ ಭಯಾನಕ ಕರ್ವ್'ಗಳಿವೆ.

MOST READ:ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಎಸ್ ಹಾಗೂ ಟೆಕ್ನರ್ ಎಂಬ ಈ ಟ್ರಾಕ್‌ನಲ್ಲಿ ಕೆಲವು ಭಯಾನಕ ಕರ್ವ್'ಗಳಿವೆ. ಈ ರೇಸ್ ಟ್ರಾಕ್ ಹೆಚ್ಚು ರೋಮಾಂಚನವನ್ನು ನಿರೀಕ್ಷಿಸುವ ರೇಸರ್'ಗಳಿಗೆ ಸೂಕ್ತವಾದ ಟ್ರಾಕ್ ಆಗಿದೆ. ಈ ಟ್ರಾಕ್ 1925ರಿಂದ ಬಳಕೆಯಲ್ಲಿದೆ ಎಂದು ಹೇಳಲಾಗಿದೆ.

ಚಿತ್ರಕೃಪೆ: ಎಫ್‌ಐಎ ಡಬ್ಲ್ಯುಇಸಿ

ಸರ್ಕ್ಯೂಟ್ ಡೆ ಲಾ ಸಾರ್ತೆ

ಈ ರೇಸ್ ಟ್ರಾಕ್ ಫ್ರಾನ್ಸ್‌ನ ಲೆ ಮ್ಯಾನ್ಸ್‌ನಲ್ಲಿದೆ. ಈ ಟ್ರಾಕ್‌ನಲ್ಲಿ ವಿವಿಧ ವಿಶ್ವ ಪ್ರಸಿದ್ಧ ಮೋಟಾರು ರೇಸ್‌ಗಳು ನಡೆಯುತ್ತವೆ. ಇದೂ ಸಾರ್ವಜನಿಕ ರಸ್ತೆಯೂ ಹೌದು. ರೇಸಿಂಗ್ ಸಮಯದಲ್ಲಿ ಇದು ಟ್ರಾಕ್ ಆಗಿ ಬದಲಾಗುತ್ತದೆ.

MOST READ:ಕರೋನಾ ಸೋಂಕಿತರ ಪಾಲಿಗೆ ದೇವರಾದ ಕರೋನಾ ಸೋಂಕಿನಿಂದ ಗುಣಮುಖರಾದ ವ್ಯಕ್ತಿ

ಈ ಟ್ರಾಕ್ ಸಾರ್ವಜನಿಕ ರಸ್ತೆ ಹಾಗೂ ರೇಸಿಂಗ್ ಟ್ರಾಕ್ ಎರಡರ ಸಂಯೋಜನೆಯನ್ನೂ ಹೊಂದಿದೆ. ಈ ಕಾರಣಕ್ಕೆ ಈ ಟ್ರಾಕ್ ಅನೇಕ ಸ್ಪರ್ಧಿಗಳ ನೆಚ್ಚಿನ ಟ್ರಾಕ್‌ಗಳಲ್ಲಿ ಒಂದಾಗಿದೆ. ಈ ಟ್ರಾಕ್‌ಗೆ ಡನ್‌ಲಾಪ್, ಎಸೆಕ್ಸ್ ಹಾಗೂ ಪೋರ್ಷೆ ಕರ್ವ್'ಗಳ ಹೆಸರನ್ನು ಇಡಲಾಗಿದೆ.

ಮೌಂಟ್ ಪನೋರಮಾ

ಈ ಜನಪ್ರಿಯ ರೇಸ್ ಟ್ರಾಕ್ ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್ ಪ್ರದೇಶದಲ್ಲಿದೆ. ಈ ಟ್ರಾಕ್ ಅನ್ನು ಅತ್ಯಂತ ಸುಂದರವಾದ ರೇಸ್ ಟ್ರಾಕ್ ಎಂದು ಹೇಳಲಾಗುತ್ತದೆ. ಜೊತೆಗೆ ಈ ಟ್ರಾಕ್ ವಿಶ್ವದ ಅತ್ಯುತ್ತಮ ರೇಸಿಂಗ್ ಟ್ರಾಕ್‌ಗಳಲ್ಲಿ ಒಂದಾಗಿದೆ.

MOST READ:ಜೀವದ ಹಂಗು ತೊರೆದು ಮಗುವಿನ ಪ್ರಾಣ ಉಳಿಸಿದ ರಿಯಲ್ ಹೀರೋಗೆ ಬೈಕ್ ಉಡುಗೊರೆ ನೀಡಿದ ಜಾವಾ ಕಂಪನಿ

ಈ ಟ್ರಾಕ್ ಅನ್ನು ರೇಸರ್'ಗಳು ಬಾತ್ರಸ್ಟ್ ಎಂದು ಕರೆಯುತ್ತಾರೆ. ಈ ಟ್ರಾಕ್ ಸಹ ಸಾರ್ವಜನಿಕ ರಸ್ತೆಯಾಗಿದ್ದು, ರೇಸಿಂಗ್ ಸಮಯದಲ್ಲಿ ರೇಸ್ ಟ್ರಾಕ್ ಆಗಿ ಬದಲಾಗುತ್ತದೆ. ಕಡಿದಾದ ಇಳಿಜಾರು ಹಾಗೂ ಕರ್ವ್'ಗಳನ್ನು ಹೊಂದಿರುವ ಈ ಟ್ರಾಕ್ ಉದ್ದವಾದ ನೇರ ಮಾರ್ಗವನ್ನು ಹೊಂದಿದೆ.

ಚಿತ್ರಕೃಪೆ: ಮಜ್ದಾ ರೇಸ್ ವೇ

ಲಗುನಾ ಸೆಕಾ

ಈ ಟ್ರಾಕ್ ಸೆಂಟ್ರಲ್ ಕ್ಯಾಲಿಫೋರ್ನಿಯಾದಲ್ಲಿದೆ. ಈ ರೇಸ್‌ಟ್ರಾಕ್ 11 ಕಾರ್ನರ್'ಗಳನ್ನು ಹೊಂದಿದೆ. ಈ ರೇಸ್‌ಟ್ರಾಕ್ ಅಪಾಯಕಾರಿ ಹಾಗೂ ರೋಮಾಂಚಕ ಕರ್ವ್'ಗಳನ್ನು ಹೊಂದಿದೆ. ಈ ಟ್ರಾಕ್ 1957 ರಿಂದ ಬಳಕೆಯಲ್ಲಿದೆ.

MOST READ:ವರ್ಷಗಳ ಕಾಲ ಉಪ್ಪು ನೀರಿನಲ್ಲಿದ್ದರೂ ಹಡಗುಗಳ ಆಂಕರ್‌ಗಳಿಗೆ ತುಕ್ಕು ಹಿಡಿಯದಿರಲು ಕಾರಣಗಳಿವು

ಚಿತ್ರಕೃಪೆ: ಫಾರ್ಮುಲಾ 1

ಸರ್ಕ್ಯೂಟ್ ಡಿ ಮೊನಾಕೊ

ಸರ್ಕ್ಯೂಟ್ ಡಿ ಮೊನಾಕೊ ರೇಸ್‌ಟ್ರಾಕ್ 1950 ರಿಂದ ಬಳಕೆಯಲ್ಲಿದೆ. ಕೆಲವು ಸಣ್ಣ ಮಾರ್ಪಾಡುಗಳೊಂದಿಗೆ ಈ ರೇಸ್‌ಟ್ರಾಕ್ ಬಳಕೆಯಲ್ಲಿದೆ ಎಂಬುದು ಗಮನಾರ್ಹ. ಒಂದು ಬಾರಿ ಒಟ್ಟು 37,000 ಪ್ರೇಕ್ಷಕರು ಈ ಈ ರೇಸ್‌ಟ್ರಾಕ್'ನಲ್ಲಿ ಕುಳಿತು ರೇಸಿಂಗ್ ಸ್ಪರ್ಧೆಗಳನ್ನು ವೀಕ್ಷಿಸಬಹುದು.

ಈ ರೇಸ್‌ಟ್ರಾಕ್'ನಲ್ಲಿ ರೇಸರ್'ಗಳು ಗೆಲ್ಲುವುದು ಅಷ್ಟು ಸುಲಭವಲ್ಲ. ಈ ಟ್ರಾಕ್ ಕರ್ವ್ ಹಾಗೂ ತಿರುವುಗಳನ್ನು ಹೊಂದಿದೆ. ಈ ರೇಸ್‌ಟ್ರಾಕ್ ಎಫ್ 1 ರೇಸಿಂಗ್‌ಗೆ ಸೂಕ್ತವಾದ ಟ್ರಾಕ್ ಆಗಿದೆ.

MOST READ:10 ಲಕ್ಷ ಬೆಲೆಯ ಕಾರಿಗೆ 20 ಲಕ್ಷದ ಬಿಲ್ ನೀಡಿದ ಸರ್ವೀಸ್ ಸೆಂಟರ್

ಮೊನ್ಜಾ

ಈ ರೇಸ್‌ಟ್ರಾಕ್ ಅನ್ನು 1922ರಲ್ಲಿ ನಿರ್ಮಿಸಲಾಗಿದೆ. ಈ ರೇಸ್‌ಟ್ರಾಕ್ ವಿಶ್ವದ ಅತ್ಯಂತ ಹಳೆಯ ರೇಸ್‌ಟ್ರಾಕ್‌ಗಳಲ್ಲಿ ಒಂದಾಗಿದೆ. ಈ ರೇಸ್‌ಟ್ರಾಕ್ ಹತ್ತಿರದ ಕರ್ವ್ ಹಾಗೂ ಉದ್ದವಾದ ನೇರ ಮಾರ್ಗಗಳಿಗೆ ಪ್ರಸಿದ್ಧವಾಗಿದೆ.

ಈ ರೇಸ್‌ಟ್ರಾಕ್ ಬಹಳ ವಿಶಿಷ್ಟವಾದ ಮಾರ್ಗ ವ್ಯವಸ್ಥೆಯನ್ನು ಹೊಂದಿದೆ. ಈ ರೇಸ್‌ಟ್ರಾಕ್'ನಲ್ಲಿ ಒಂದು ಬಾರಿಗೆ 1,18,865 ಜನರು ಕುಳಿತು ರೇಸಿಂಗ್ ಸ್ಪರ್ಧೆಗಳನ್ನು ವೀಕ್ಷಿಸಬಹುದು.

MOST READ:ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಖರೀದಿಗೂ ಮುನ್ನ ಪರಿಶೀಲಿಸಬೇಕಾದ ಸಂಗತಿಗಳಿವು

ಸಿಲ್ವರ್‌ಸ್ಟೋನ್

ಸಿಲ್ವರ್‌ಸ್ಟೋನ್ ಇಂಗ್ಲೆಂಡಿನಲ್ಲಿರುವ ಜನಪ್ರಿಯ ರೇಸಿಂಗ್ ಟ್ರಾಕ್ ಆಗಿದೆ. ಈ ರೇಸ್‌ಟ್ರಾಕ್ ಮೋಟಾರು ವಾಹನ ಪ್ರಪಂಚದ ತಾಯ್ನಾಡು ಎಂದು ಕರೆಯಲಾಗುವಇಂಗ್ಲೆಂಡಿನಲ್ಲಿರುವುದು ವಿಶೇಷ.

ಈ ರೇಸ್‌ಟ್ರಾಕ್'ನಲ್ಲಿ ಕಾಲಕಾಲಕ್ಕೆ ಸ್ಪರ್ಧೆಗಳನ್ನು ಆಯೋಜಿಸಲಾಗುತ್ತದೆ. ಈ ರೇಸ್‌ಟ್ರಾಕ್ ಅನ್ನು 1948ರಲ್ಲಿ ಬ್ರಿಟಿಷ್ ಗ್ರ್ಯಾಂಡ್ ಪ್ರಿಕ್ಸ್ ನಿರ್ಮಿಸಿತು.

MOST READ:ವಾಹನ ಖರೀದಿಸುವವರಿಗೆ, ಮಾರಾಟ ಮಾಡುವವರಿಗೆ ನೆರವಾಗುವ ಆರ್‌ಟಿಒ ಫಾರಂಗಳಿವು!

ಇಂಟರ್ ಲಾಗೋಸ್

ಈ ಕ್ಲಾಸಿಕ್ ರೇಸಿಂಗ್ ಟ್ರಾಕ್ ಬ್ರೆಜಿಲ್'ನಾ ಸಾವೊ ಪಾಲೊದಲ್ಲಿದೆ. ಈ ರೇಸ್‌ಟ್ರಾಕ್'ನಲ್ಲಿ ಇದುವರೆಗೂ ಸಾವಿರಾರು ಪಂದ್ಯಗಳನ್ನು ಆಯೋಜಿಸಲಾಗಿದೆ. ಸೊಗಸಾದ ಕರ್ವ್ ಹಾಗೂ ನಿಕಟ ತಿರುವುಗಳಿಂದಾಗಿ ಈ ರೇಸ್‌ಟ್ರಾಕ್ ವಿಶ್ವದ ಅತ್ಯುತ್ತಮ ರೇಸ್ ಟ್ರಾಕ್‌ಗಳಲ್ಲಿ ಒಂದಾಗಿದೆ. 1940ರಿಂದ ಬಳಕೆಯಲ್ಲಿರುವ ಈ ಈ ರೇಸ್‌ಟ್ರಾಕ್'ನಲ್ಲಿ ಸುಮಾರು 60,000 ಒಟ್ಟಿಗೆ ಕುಳಿತುಕೊಳ್ಳಬಹುದು.