ಸಂಚಾರಿ ಪೊಲೀಸರ ಕೈಗೆ ಬಂತು ಹೈಟೆಕ್ ಚಲನ್ ಮಷಿನ್

ಕಳೆದ ಶುಕ್ರವಾರ ಗ್ರೇಟರ್ ಚೆನ್ನೈನ ಟ್ರಾಫಿಕ್ ಪೊಲೀಸರಿಗೆ 352 ಇಂಟರ್ನೆಟ್ ಆಧಾರಿತ ಇ-ಚಲನ್ ಯಂತ್ರಗಳನ್ನು ನೀಡಲಾಗಿದೆ. ಇ-ಚಲನ್ ವ್ಯವಸ್ಥೆಯನ್ನು ಮೊದಲ ಬಾರಿಗೆ ಪರಿಚಯಿಸಿಲ್ಲ. 2011ರಲ್ಲಿ ಮೊದಲ ಬಾರಿಗೆ, ಸಂಚಾರಿ ನಿಯಮಗಳನ್ನು ಉಲ್ಲಂಘಿಸುವವರಿಗೆ ಸ್ಥಳದಲ್ಲಿಯೇ ದಂಡ ಹಾಕುವ ಉದ್ದೇಶದಿಂದ ಪರಿಚಯಿಸಲಾಗಿತ್ತು. ಆದರೆ ಅಷ್ಟೊಂದು ಪರಿಣಾಮಕಾರಿಯಾಗಿರಲಿಲ್ಲ. ಈಗ ಬಿಡುಗಡೆಗೊಳಿಸಲಾಗಿರುವ ಹೊಸ ಯಂತ್ರವನ್ನು ದೇಶದಲ್ಲಿರುವ ಎಲ್ಲಾ ಆರ್‍‍‍ಟಿ‍ಒಗಳೊಂದಿಗೆ ಲಿಂಕ್ ಮಾಡಲಾಗಿದೆ.

ಕೇಂದ್ರ ಸರ್ಕಾರದ ರಸ್ತೆ ಹಾಗೂ ಹೆದ್ದಾರಿ ಸಚಿವಾಲಯದ ವಾಹನ್ ಹಾಗೂ ಸಾರಥಿಯ ಸಾಫ್ಟ್ ವೇರ್‍‍ಗಳ ಜೊತೆ ಲಿಂಕ್ ಆಗಿರುವ ಈ ಯಂತ್ರವನ್ನು ನ್ಯಾಷನಲ್ ಇನ್ಫಾರ್ಮೆಟಿಕ್ ಸೆಂಟರ್ (ಎನ್ ಐ ಸಿ) ಅಭಿವೃದ್ಧಿಪಡಿಸಿದೆ.

ಈ ಹೊಸ ಯಂತ್ರದಿಂದ ವಾಹನದ ಮೇಲೆ ಬೇರೆ ರಾಜ್ಯಗಳಲ್ಲಿ ಯಾವುದಾದರೂ ನಿಯಮ ಉಲ್ಲಂಘನೆಯ ಪ್ರಕರಣ ದಾಖಲಾಗಿದೆಯೇ ಎಂದು ಪರಿಶೀಲಿಸಬಹುದು. ಇದರ ಜೊತೆಗೆ, ಬೇರೆ ರಾಜ್ಯಗಳ ವಾಹನಗಳ ಮೇಲೆ ಪ್ರಕರಣ ದಾಖಲಿಸಿ ಮಾಹಿತಿಯನ್ನು ಸಂಬಂಧಪಟ್ಟ ಆರ್‍‍ಟಿ‍ಒಗಳಿಗೆ ಕಳುಹಿಸಲಿದೆ.

ಈ ಯಂತ್ರದಲ್ಲಿ ಡ್ರೈವಿಂಗ್ ಲೈಸೆನ್ಸ್ ಅನ್ನು ಅಮಾನತುಗೊಳಿಸಲು ಶಿಫಾರಸ್ಸು ಮಾಡುವ ಆಯ್ಕೆಯನ್ನು ನೀಡಲಾಗಿದೆ. ಈ ಹೊಸ ಯಂತ್ರದಲ್ಲಿ ಸೇಲ್ ಮೆಷಿನ್‍‍ಗಳನ್ನು ನೀಡಲಾಗಿರುವುದರಿಂದ ಸಂಚಾರಿ ಪೊಲೀಸರಿಗೆ ಅನುಕೂಲವಾಗಲಿದೆ. ಯಾವುದೇ ಹೆಚ್ಚುವರಿ ಯಂತ್ರಗಳನ್ನು ಜೊತೆಯಲ್ಲಿ ಕೊಂಡೊಯ್ಯದೇ ಈ ಯಂತ್ರದ ಸಹಾಯದಿಂದಲೇ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್‍‍ಗಳನ್ನು ಉಪಯೋಗಿಸಿ ದಂಡವನ್ನು ವಸೂಲಿ ಮಾಡಬಹುದಾಗಿದೆ.

MOST READ: ಟ್ಯೂಬ್‍‍ಲೆಸ್ ಟಯರ್ ಟ್ರೆಂಡ್ ಮುಗಿತು, ಇನ್ನು ಏರ್‍‍ಲೆಸ್ ಟಯರ್ ಸದ್ದು ಶುರು

ಈ ಯಂತ್ರದಲ್ಲಿ ಕ್ಯಾಮೆರಾವನ್ನು ಅಳವಡಿಸಲಾಗಿದ್ದು, ನಿಯಮ ಉಲ್ಲಂಘಿಸುವ ವಾಹನಗಳ ಫೋಟೊಗಳನ್ನು ತೆಗೆಯುವುದರ ಜೊತೆಗೆ, ನಿಯಮ ಉಲ್ಲಂಘನೆಯ ಮಾಹಿತಿಯನ್ನು ಸಂಬಂಧಪಟ್ಟ ಆರ್‍‍ಟಿ‍ಒ‍‍ಗಳಿಗೆ ಕಳುಹಿಸಲಿದೆ.

MOST READ: ಈ ಹುಚ್ಚು ಸಾಹಸಕ್ಕೆ ಬಹುದೊಡ್ಡ ಸಲಾಂ..!

ಈ ಬಗ್ಗೆ ಮಾತನಾಡಿದ ಸಂಚಾರಿ ವಿಭಾಗದ ಜಂಟಿ ಪೊಲೀಸ್ ಕಮೀಷನರ್ ಆರ್.ಸುಧಾಕರ್‍‍ರವರು ಗೂಗಲ್ ಮ್ಯಾಪ್‍‍ನ ಸಹಾಯದಿಂದ ಈ ಯಂತ್ರಗಳು ಯಾವ ಸ್ಥಳದಲ್ಲಿ ಕಾರ್ಯ ನಿರ್ವಹಿಸುತ್ತವೆ ಎಂಬುದನ್ನು ಮೇಲಾಧಿಕಾರಿಗಳು ವೀಕ್ಷಿಸಲಿದ್ದಾರೆ ಎಂದು ತಿಳಿಸಿದರು.

MOST READ: ಮ್ಯಾನುವಲ್ ಕಾರ್ ಡ್ರೈವಿಂಗ್ ಮಾಡದಿದ್ರೆ ಲೈಸೆನ್ಸ್ ಸಿಗೋದಿಲ್ಲ

ಸಂಚಾರಿ ವಿಭಾಗದ ಹೆಚ್ಚುವರಿ ಆಯುಕ್ತರಾದ ಎ ಅರುಣ್‍‍ರವರು ಮಾತನಾಡಿ, ನಿಯಮಗಳನ್ನು ಉಲ್ಲಂಘಿಸುವವರು ದಂಡವನ್ನು ಪಾವತಿಸದೇ ಹೋದರೆ, ಅವರು ಫಿಟ್‍‍ನೆಸ್ ಸರ್ಟಿಫಿಕೇಟ್ ಪಡೆಯಲು ಹಾಗೂ ವಾಹನಗಳನ್ನು ಮಾರಾಟ ಮಾಡಲು ತೊಂದರೆಯಾಗಲಿದೆ ಎಂದು ತಿಳಿಸಿದರು.