23 ಕಾರನ್ನು ಸಾಗಿಸುತ್ತಿದ್ದ ಟ್ರಕ್ ಸೇತುವೆ ಮೇಲಿಂದ ಪವಾಡ ಸದೃಶ ಪಾರು

ಗುವಾಂಗ್ ಡಾಂಗ್ ಪ್ರಾಂತ್ಯದ ಖಿಂಗ್ ಯುವಾನ್ ಟ್ರಾಫಿಕ್ ಲಿಂಕ್ ಹೆದ್ದಾರಿ ಸೇತುವೆಯಲ್ಲಿ ಎರಡು ಡಜನ್ ಗಳಷ್ಟು ಕಾರುಗಳನ್ನು ತುಂಬಿಕೊಂಡು ಟ್ರಕ್ ಸಂಚರಿಸುತ್ತಿತ್ತು.

ನೆಲದಿಂದ 150 ಮೀಟರ್ ಎತ್ತರದಲ್ಲಿ ಸೇತುವೆಯನ್ನು ಕಟ್ಟಲಾಗಿದೆ. ಇದರ ಸುತ್ತಲೂ ಕಣಿವೆಗಳಿಂದ ಸುತ್ತುವರಿದುಕೊಂಡಿದೆ.

ಚಾಲಕನ ನಿಯಂತ್ರಣ ತಪ್ಪಿರುವುದೇ ಅಪಘಾತಕ್ಕೆ ಕಾರಣ ಎನ್ನಲಾಗುತ್ತಿದೆ. ಅದೃಷ್ಟವಶಾತ್ ಇಬ್ಬರು ಚಾಲಕರು ಸಣ್ಣ ಪುಟ್ಟ ಗಾಯಗಳಿಂದ ಅವಘಡದಿಂದ ಪಾರಾಗಿದ್ದಾರೆ.

ಟ್ರಕ್ ಮುಂಭಾಗವು ಸೇತುವೆಯಿಂದ ಪೂರ್ಣವಾಗಿಯೂ ಹೊರದಬ್ಬಲ್ಟಟ್ಟರೂ ಹಿಂಬದಿಯಲ್ಲಿ ತುಂಬಿಸಲಾಗಿದ್ದ ಕಾರುಗಳ ಭಾರದ ಬಲದಿಂದಾಗಿ ದೊಡ್ಡ ದುರಂತದಿಂದ ಪಾರಾಗುವಂತಾಗಿದೆ.

ಟ್ರಕ್ ನಲ್ಲಿ ಒಟ್ಟು 23 ಹೊಸ ಕಾರುಗಳನ್ನು ಸಾಗಿಸಲಾಗುತ್ತಿತ್ತು. ಎಮರ್ಜನ್ಸಿ ಬ್ರೇಕ್ ಸಹ ಕೆಟ್ಟು ಹೋಗಿರುವುದು ಮಹಾ ದುರಂತವನ್ನೇ ಆಹ್ವಾನಿಸುವಂತಾಗಿತ್ತು.

ಬಳಿಕ ಟ್ರಾಫಿಕ್ ಅಧಿಕಾರಿಗಳಿಗೆ ಟ್ರಕ್ ತೆರಳುಗೊಳಿಸಲು 1.5 ತಾಸುಗಳಷ್ಟು ಸಮಯ ಬೇಕಾಯಿತು. ಇದರಿಂದ ಇತ್ತ ಸಂಚರಿಸುವ ವಾಹನಗಳ ಸುಗಮ ಸಂಚಾರಕ್ಕೆ ತೊಡಕುಂಟಾಗಿತ್ತು.

ರೋಚಕ ವಿಡಿಯೋ ವೀಕ್ಷಿಸಿ