ಹ್ಯುಂಡೈ ಕ್ರೆಟಾ ಮೇಲೆ ಬಿದ್ದ ಟ್ರಕ್: ಕಾರು ಸಂಪೂರ್ಣ ನಜ್ಜುಗುಜ್ಜು, ಬದುಕುಳಿದ ಡ್ರೈವರ್

ಭಾರತದ ರಸ್ತೆಗಳಲ್ಲಿವಾಹನ ಚಲಾಯಿಸುವುದು ಒಂದು ಸವಾಲ್ ಆಗಿದೆ. ಎಲ್ಲಾರಿಗೂ ಸಮಯ ಇಲ್ಲದ ರೀತಿಯಲ್ಲಿ ದುಡುಕಿ ವೇಗವಾಗಿ ಡ್ರೈವಿಂಗ್ ಮಾಡುತ್ತಾರೆ. ಕಾರ್ ಅನ್ನು ನಿಧಾನ ಮಾಡಲು ಸಿಟ್ಟಿನಿಂದಲೇ ನಿಧಾನ ಮಾಡುತ್ತಾರೆ. ರಸ್ತೆಗಳು ಸ್ಥಿತಿಯು ಸುಧಾರಿಸುತ್ತಿರುವಾಗ ಅಪಘಾತಗಳ ಸಂಖ್ಯೆ ಕಡಿಮೆಯಾಗುತ್ತಿಲ್ಲ. ಅಜಾಗರೂಕ ಅಥವಾ ಅತಿವೇಗದ ಚಾಲನೆಯ ಇಂತಹ ಅಪಘಾತಗಳಿಗೆ ಕಾರಣವಾಗಿವೆ.

ಭಾರತದ ರಸ್ತೆಗಳಲ್ಲಿದನಗಳು, ಬೀದಿನಾಯಿಗಳು ಮತ್ತು ಇತರ ಪ್ರಾಣೆಗಳು ಎದುರು ಬಂದು ಅಪಘಾತಗಳು ಸಂಭವಿಸುತ್ತದೆ. ಪ್ರತಿದಿನ ರಸ್ತೆ ಅಪಘಾತದಲ್ಲಿ ಜನರು ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಟ್ರಕ್ ತನ್ನ ಹ್ಯುಂಡೈ ಕ್ರೆಟಾ ಎಸ್‌ಯುವಿ ಮೇಲೆ ಬಿದ್ದ ನಂತರ ವ್ಯಕ್ತಿಯೊಬ್ಬರು ಅಪಘಾತದಿಂದ ಹೇಗೆ ಅದ್ಭುತವಾಗಿ ಪಾರಾಗಿದ್ದಾರೆ ಎಂಬುದನ್ನು ತೋರಿಸುವ ವೀಡಿಯೊವೊಂದು ಭಾರೀ ವೈರಲ್ ಆಗಿದೆ. ಈ ವೈರಲ್ ವೀಡಿಯೊವನ್ನು ಪ್ರತೀಕ್ ಸಿಂಗ್ ಅವರು ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಅಪ್‌ಲೋಡ್ ಮಾಡಿದ್ದಾರೆ.

ಹಿಮಾಚಲ ಪ್ರದೇಶದ ಸೋಲನ್ ಪ್ರದೇಶದಲ್ಲಿ ಈ ಅಪಘಾತ ಸಂಭವಿಸಿದೆ. ವೀಡಿಯೊದ ಪ್ರಕಾರ, ಇದ್ದಿಲು ತುಂಬಿದ ಟ್ರಕ್ ಹ್ಯುಂಡೈ ಕ್ರೆಟಾ ಮೇಲೆ ಬಿದ್ದಿದೆ. ಅಪಘಾತದ ನಿಖರವಾದ ವಿವರಗಳು ಪ್ರಸ್ತುತ ಲಭ್ಯವಿಲ್ಲ. ಅಪಘಾತ ಹೇಗೆ ಸಂಭವಿಸಿತು ಎಂಬುದನ್ನು ವೀಡಿಯೊ ತೋರಿಸುವುದಿಲ್ಲ. ಇದು ರಸ್ತೆಯ ಒಂದು ಬದಿಯಲ್ಲಿ ಹ್ಯುಂಡೈ ಕ್ರೆಟಾ ಎಂಬ ಕಾರಿನಲ್ಲಿ ಬಿದ್ದ ಟ್ರಕ್ ಅನ್ನು ಮಾತ್ರ ತೋರಿಸುತ್ತದೆ.

ಹಿಮಾಚಲ ಪ್ರದೇಶವು ಪರ್ವತಗಳನ್ನು ಹೊಂದಿರುವ ರಾಜ್ಯವಾಗಿದೆ ಮತ್ತು ಈ ಪ್ರದೇಶದ ಅನೇಕ ರಸ್ತೆಗಳು ಕಿರಿದಾದವು ಮತ್ತು ಹೇರ್‌ಪಿನ್ ಕರ್ವ್‌ಗಳನ್ನು ಹೊಂದಿವೆ. ಇದರಿಂದ ದೊಡ್ಡ ದೊಡ್ಡ ಟ್ರಕ್ ನಂತಹ ವಾಹನಗಳು ಚಲಾಯಿಸುವುದು ಸುಲಭವಲ್ಲ್. ಇದ್ದಿಲು ಸಾಗಿಸುತ್ತಿದ್ದ ಟ್ರಕ್ ಡ್ರೈವರ್ ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಲಾಗುತ್ತಿತ್ತು ಎಂದು ಹೇಳಲಾಗುತ್ತಿದೆ.

ಟ್ರಕ್ ಒಂದು ತಿರುವು ಸಮೀಪಿಸಿದಾಗ, ಸಂಪೂರ್ಣವಾಗಿ ತುಂಬಿದ ಈ ಟ್ರಕ್‌ನ ಚಾಲಕ ಅದನ್ನು ನಿಧಾನಗೊಳಿಸಲು ಸಾಧ್ಯವಾಗಲಿಲ್ಲ, ಮತ್ತು ಅದು ಸಾಗಿಸುತ್ತಿದ್ದ ಸರಕುಗಳ ತೂಕದಿಂದಾಗಿ, ಟ್ರಕ್ ಬಲಭಾಗಕ್ಕೆ ವಾಲಿತು. ಇದರಿಂದ ಟ್ರಕ್ ಪಲ್ಟಿ ಹೊಡಿತು. ಇದೆಲ್ಲವೂ ಕೆಲವೇ ಸೆಕೆಂಡುಗಳಲ್ಲಿ ಸಂಭವಿಸಿದೆ. ಟ್ರಕ್ ವಾಲಿದಾಗ, ಹ್ಯುಂಡೈ ಕ್ರೆಟಾ, ಚಾಲಕನೊಂದಿಗೆ ಟ್ರಕ್ ಅಡಿಯಲ್ಲಿ ಸಿಲುಕಿಕೊಂಡರು. ಟ್ರಕ್ ಅಡಿಯಲ್ಲಿ ಹುಂಡೈ ಕ್ರೆಟಾ ಸಂಪೂರ್ಣವಾಗಿ ನಜ್ಜುಗುಜ್ಜಾಗಿದೆ ಎಂಬುದು ಚಿತ್ರಗಳಿಂದ ಸ್ಪಷ್ಟವಾಗಿದೆ.

ಟ್ರಕ್‌ನ ಹಿಂದಿನ ಸರಕುಗಳ ತೂಕದಿಂದಾಗಿ, ಎಸ್‌ಯುವಿಯ ರೂಫ್ ಸಂಪೂರ್ಣವಾಗಿ ನಜ್ಜುಗುಜ್ಜು ಆಗಿದೆ. ಹೆವಿ ಡ್ಯೂಟಿ ಕ್ರೇನ್ ಬಳಸಿ ಟ್ರಕ್ ಅನ್ನು ಮೇಲೆತ್ತಲಾಯಿತು. ಅದೃಷ್ಠವಶಾತ್ ಹುಂಡೈ ಕ್ರೆಟಾದ ಚಾಲಕ ಜೀವಂತವಾಗಿದ್ದರು. ಚಾಲಕ ಎಸ್‌ಯುವಿ ಮತ್ತು ಟ್ರಕ್ ನಡುವೆ ಕನಿಷ್ಠ 3 ಗಂಟೆಗಳ ಕಾಲ ಸಿಕ್ಕಿಹಾಕಿಕೊಂಡಿದ್ದರು. ಅಪಘಾತದಲ್ಲಿ ವ್ಯಕ್ತಿ ಪವಾಡ ಸದೃಶವಾಗಿ ಪಾರಾಗಿದ್ದಾರೆ.

ಈ ಎಸ್‍ಯುವಿಗೆ ಸಂಬಂಧಿಸಿದಂತೆ, ಅಪಘಾತದಲ್ಲಿ ಅದು ಸಂಪೂರ್ಣವಾಗಿ ನಾಶವಾಯಿತು, ಅಪಘಾತದ ನಂತರ ಮುಂಭಾಗದ ಬಂಪರ್ ಹಾರಿಹೋಯಿತು. ಹ್ಯುಂಡೈ ಕ್ರೆಟಾ ಮೇಲೆ ಬಿದ್ದ ಟ್ರಕ್ ಪಕ್ಕದಲ್ಲಿ ಮತ್ತೊಂದು ಟ್ರಕ್ ಇದೆ. ಅಪಘಾತಕ್ಕೆ ಈ ಟ್ರಕ್ ಕೂಡ ಕಾರಣವೇ ಅಥವಾ ಟ್ರಕ್ ಕೆಳಗೆ ಬೀಳುವ ಮೊದಲು ಇತರ ಲಾರಿಗೆ ಡಿಕ್ಕಿ ಹೊಡೆದಿದೆಯೇ ಎಂಬುದು ಸ್ಪಷ್ಟವಾಗಿಲ್ಲ. ಈ ರೀತಿಯ ಭಾರೀ ವಾಹನಗಳನ್ನು ಓಡಿಸುವವರು ಹೆಚ್ಚಿನ ಎಚ್ಚರಿಕೆ ವಹಿಸಬೇಕು.

ದೊಡ್ಡ ದೊಡ್ಡ ವಾಹನಗಳ ಡ್ರೈವರ್ ಗಳು ಹೆಚ್ಚು ಅಜಾಗರೂಕತೆಯಿಂದ ಚಾಲನೆ ಮಾಡಬಾರದು, ಏಕೆಂದರೆ ಅಂತಹ ವಾಹನದ ಮೇಲೆ ನಿಯಂತ್ರಣವನ್ನು ನಿರ್ವಹಿಸುವುದು ಅತ್ಯಂತ ಕಷ್ಟಕರವಾಗಿದೆ. ವಿಶೇಷವಾಗಿ ಲೋಡ್ ಅನ್ನು ಸಾಗಿಸುವಾಗ. ನೀವು ಎಂದಾದರೂ ಭಾರೀ ವಾಹನದ ಹಿಂದೆ ನಿಮ್ಮನ್ನು ಕಂಡುಕೊಂಡರೆ, ಯಾವಾಗಲೂ ಸುರಕ್ಷಿತ ಅಂತರವನ್ನು ಕಾಪಾಡಿಕೊಳ್ಳಿ ಮತ್ತು ಓವರ್‌ಟೇಕ್ ಮಾಡಲು ಪ್ರಯತ್ನಿಸುವ ಮೊದಲು ಟ್ರಕ್ ಡ್ರೈವರ್‌ನಿಂದ ಕೈ ಸಂಕೇತಗಳಿಗಾಗಿ ಕಾಯಿರಿ.