ಕಾರು ಟ್ಯೂನಿಂಗ್ ಶೋದಲ್ಲಿ 'ಮಿಸ್' ಟ್ಯೂನಿಂಗ್

ವಿಶ್ವದ ಪ್ರಮುಖ ವಾಹನ ತಯಾರಕ ಸಂಸ್ಥೆಗಳು ಜರ್ಮನಿ ತಲೆಯೆತ್ತಿ ನಿಂತಿದೆ. ಇದೇ ಕಾರಣಕ್ಕಾಗಿ ಏನೇ ಬೆಳವಣಿಗೆ ನಡೆದರೂ ಜರ್ಮನಿಯ ವಾಹನ ಸಂಸ್ಥೆಗಳು ಪಾತ್ರ ಮಹತ್ತರವಾಗಿರುತ್ತದೆ.

ಅಂತಹ ಜರ್ಮನಿಯಲ್ಲಿ Tuning World Bodensee ಎಂಬ ಅಂತರಾಷ್ಟ್ರೀಯ ಕಾರು ಟ್ಯೂನಿಂಗ್ ಹಬ್ಬ ಪ್ರತಿ ವರ್ಷವೂ ನಡೆದು ಬರುತ್ತದೆ.

ಇಲ್ಲಿ ಜಗತ್ತಿನ ಎಲ್ಲ ವಾಹನ ತಯಾರಿಕ ಸಂಸ್ಥೆಗಳಿಗೂ ತಮ್ಮ ಜೀವನಶೈಲಿ ಅಥವಾ ಕಾರು ಟ್ಯೂನಿಂಗ್ ಪ್ರದರ್ಶಿಸಲು ಅವಕಾಶ ದೊರಕುತ್ತದೆ.

2003ನೇ ಇಸವಿಯಲ್ಲಿ ಆರಂಭವಾದ ಈ Tuning World Bodensee ಕಾರ್ಯಕ್ರಮವು ಬರ ಬರುತ್ತಾ ಭಾರಿ ಪ್ರಚಾರವನ್ನು ಗಿಟ್ಟಿಸತೊಡಗಿದೆ.

ಜರ್ಮನಿಯಲ್ಲಿ ಆಯೋಜನೆಯಾಗುವ ಯುರೋಪ್ ನ ಈ ಅತಿ ದೊಡ್ಡ ಕಾರು ಟ್ಯೂನಿಂಗ್ ಶೋದಲ್ಲಿ ಅನೇಕ ಸಂಸ್ಥೆಗಳ ಜೊತೆಗೆ ಕ್ಲಬ್ ಗಳು ನೂತನ ಅವಿಷ್ಕಾರದೊಂದಿಗೆ ಮುಂದೆ ಬರುತ್ತದೆ.

ವಿಶೇಷವಾಗಿ ಮಾರ್ಪಾಡುಗೊಳಿಸಲಾದ ಕಾರುಗಳು ಪ್ರಮುಖ ಆಕರ್ಷಣೆಯಾಗಿರುತ್ತದೆ. ಇದಕ್ಕೆ ವಿಶಿಷ್ಟ ಮೈಬಣ್ಣವನ್ನು ಬಳಿಯಲಾಗುತ್ತದೆ.

ಕಾರಿನೊಳಗೆ ವೈವಿಧ್ಯತೆಯನ್ನುಂಟು ಮಾಡುವ ಸೌಂಡ್ ಸಿಸ್ಟಂ ಆಳವಡಿಸಲಾಗುತ್ತದೆ.

ಒಟ್ಟಿನಲ್ಲಿ ಒಂದು ಕಾರಿಗೆ ವಿಭಿನ್ನತೆಯನ್ನು ಹೇಗೆ ತರಬಹುದು ಎಂಬುದಕ್ಕೆ ಈ ಟ್ಯೂನಿಂಗ್ ಮೇಳದಲ್ಲಿ ಉತ್ತರ ದೊರಕುತ್ತದೆ.

ಇದು ಶ್ರೀಮಂತ ಜೀವನ ಶೈಲಿಯ ಭಾಗವೂ ಆಗಿದೆ. ಐಷಾರಾಮಿ ಕಾರುಗಳನ್ನು ಹೊಂದಿರುವವರು ಇದಕ್ಕಾಗಿ ಕೋಟಿ ಗಟ್ಟಲೆ ರುಪಾಯಿ ವ್ಯಯ ಮಾಡುತ್ತಾರೆ.

ಇದರಂತೆ ಆಯೋಜಕರು ವರ್ಷಂಪ್ರತಿ ಮಿಸ್ ಟ್ಯೂನಿಂಗ್ ಕ್ಯಾಲೆಂಡರ್ ರೂಪಿಸುತ್ತಾರೆ.

ಕಾರುಗಳಲ್ಲಿ ವಿವಿಧ ಭಂಗಿಗಳೊಂದಿಗೆ ಪ್ರದರ್ಶನ ನೀಡುವ ಮಾಡೆಲ್ ಗಳು ತಮ್ಮ ಮೈಮಾಟವನ್ನು ಪ್ರದರ್ಶಿಸುತ್ತಾರೆ.

ಇದಕ್ಕಾಗಿ ವಿಶೇಷ ಸ್ಪರ್ಧೆಯನ್ನು ಏರ್ಪಡಿಸಲಾಗುತ್ತದೆ. ಬಳಿಕ ಮಿಸ್ ಟ್ಯೂನಿಂಗ್ ಪಟ್ಟವೆಂಬ ಗೌರವವನ್ನು ನೀಡಲಾಗುತ್ತದೆ.

2003ನೇ ಇಸವಿಯಲ್ಲಿ ನಡೆದ ಮೊದಲ ಟ್ಯೂನಿಂಗ್ ಶೋದಲ್ಲೇ 150ಕ್ಕೂ ಹೆಚ್ಚು ಪ್ರದರ್ಶಕರು, 80 ಕ್ಲಬ್ ಹಾಗೂ ಸಾವಿರಕ್ಕೂ ಹೆಚ್ಚು ವಾಹನಗಳು ಭಾಗವಹಿಸಿರುವುದು ಭಾರಿ ಯಶಸ್ಸಿಗೆ ಕಾರಣವಾಗಿತ್ತು.

ಅಂತೆಯೇ 2005ರ ವೇಳೆಯಾಗುವಾಗ ಒಂದು ಲಕ್ಷದಷ್ಟು ಮಂದಿ ವಾಹನ ಪ್ರೇಮಿಗಳು ಟ್ಯೂನಿಂಗ್ ಶೋಗೆ ಭೇಟಿಯನ್ನಿತ್ತಿದ್ದರು.

2006ರಲ್ಲಿ ಭಾಗವಹಿಸಿದ ಕ್ಲಬ್ ಗಳ ಸಂಖ್ಯೆ 150ಕ್ಕೆ ಏರಿಕೆಯಾಗಿತ್ತು. ಅಂತೆಯೇ 256ರಷ್ಟು ಅಂತರಾಷ್ಟ್ರೀಯ ಪ್ರದರ್ಶಕರು ಭಾಗವಹಿಸಿದ್ದರು.

ಹೀಗೆ ವರ್ಷದಿಂದ ವರ್ಷಕ್ಕೆ ಬೆಳೆಯುತ್ತಾ ಸಾಗಿರುವ ಈ ಕಾರು ಟ್ಯೂನಿಂಗ್ ಮೇಳವೂ ವಾಹನ ಜಗತ್ತಿನಲ್ಲಿ ತನ್ನದೇ ಆದ ವಿಶಿಷ್ಟತೆಯನ್ನು ಕಾಪಾಡಿಕೊಂಡಿದೆ.

ಒಟ್ಟಿನಲ್ಲಿ ಕಾರುಗಳ ಜೊತೆಗೆ ಮಾಡೆಲಿಂಗ್ ನಲ್ಲಿ ವೃತ್ತಿ ಜೀವನ ತೊಡಗಿಸಲು ಬಯಸುವ ಯುವ ತಾರೆಯರಿಗೆ ಇದೊಂದು ಅತ್ಯುತ್ತಮ ವೇದಿಕೆ ಒದಗಿಸುತ್ತದೆ.

ಬಳಿಕ ವಿಜೇತ ಮಾಡೆಲ್ ಜೊತೆಗೆ ಪ್ರತ್ಯೇಕ ಫೋಟೊ ಶೂಟ್ ವ್ಯವಸ್ಥೆಯನ್ನು ಏರ್ಪಡಿಸಲಾಗುತ್ತದೆ. ಇದು ಹೆಚ್ಚಿನ ಪ್ರಚಾರ ಗಿಟ್ಟಿಸಿಕೊಳ್ಳಲು ನೆರವಾಗಿದೆ.

ಅಂದ ಹಾಗೆ ಇಳ್ಲಿ 2014 ಹಾಗೂ 2015ನೇ ಸಾಲಿನ ಮಿಸ್ ಟ್ಯೂನಿಂಗ್ ಕ್ಯಾಲೆಂಡರ್ ಚಿತ್ರಗಳನ್ನು ನಮ್ಮ ಜೊತೆಗೆ ಹಂಚಿಕೊಳ್ಳಲಾಗಿದೆ.

ಈಗ ಇಂತಹದೊಂದು ಕಾರು ಟ್ಯೂನಿಂಗ್ ಶೋದ ಅಗತ್ಯ ಭಾರತಕ್ಕೆ ಅಗತ್ಯವಿದೆಯೇ ? ದೇಶದಲ್ಲಿ ಇದರ ಯಶಸ್ಸು ಎಷ್ಟರ ಮಟ್ಟದಲ್ಲಿರಬಹುದು? ಈ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ತಿಳಿಸಿರಿ.