ಸ್ಕೂಟರ್ ಹೆಡ್‌ಲ್ಯಾಂಪ್‌ನಲ್ಲಿದ್ದ ಹಾವು ಹೊರಬಂದಿದ್ದು ಹೇಗೆ ಗೊತ್ತಾ?

ಮಾನವರು ವಾಸ ಮಾಡುವ ಪ್ರದೇಶಗಳಿಗೆ ಆನೆಗಳು ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತವೆ. ಆನೆಗಳಿಗಿಂತ ಹೆಚ್ಚಾಗಿ ಹಾವುಗಳು, ಹೆಚ್ಚು ಜನಸಂಖ್ಯೆ ಹೊಂದಿರುವ ಪ್ರದೇಶಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಹಾವುಗಳು ಸಾಮಾನ್ಯವಾಗಿ ನೀರು ಹಾಗೂ ಖಾಲಿ ಜಾಗಗಳಲ್ಲಿ ಕಾಣಿಸಿಕೊಳ್ಳುತ್ತವೆ.

ಹಾವುಗಳು ರಾತ್ರಿ ವೇಳೆಯಲ್ಲಿ ತಂಪು ವಾತಾವರಣದಲ್ಲಿ ಹಾಗೂ ಹಗಲು ವೇಳೆಯಲ್ಲಿ ಬೆಚ್ಚಗಿರುವ ಪ್ರದೇಶದಲ್ಲಿರಲು ಬಯಸುತ್ತವೆ. ಈ ಕಾರಣಕ್ಕೆ ಮನೆಗಳ ಗದ್ದಲವಿಲ್ಲದ ಜಾಗಗಳಿಗೆ ಹೋಗುತ್ತವೆ. ಕೆಲವೊಮ್ಮೆ ಯಾವುದಾದರೂ ವಾಹನಗಳಲ್ಲಿ ನೆಲೆಸುತ್ತವೆ.

MOST READ:ಕರೋನಾದಿಂದ ಬೈಕ್ ಕಳೆದುಕೊಂಡ ಯುವಕನಿಗೆ ಸರ್ ಪ್ರೈಸ್ ಗಿಫ್ಟ್ ನೀಡಿದ ಟಿವಿಎಸ್

ಇದೇ ರೀತಿಯ ಘಟನೆಯೊಂದು ತೆಲಂಗಾಣದ ರಾಜಧಾನಿ ಹೈದರಾಬಾದ್‌ನಲ್ಲಿ ನಡೆದಿದೆ. ಕರೋನಾ ವೈರಸ್ ಕಾರಣಕ್ಕೆ ದೇಶಾದ್ಯಂತ ಲಾಕ್‌ಡೌನ್ ಜಾರಿಗೊಳಿಸಿರುವ ಕಾರಣಕ್ಕೆ ಎಲ್ಲಾ ವಾಹನಗಳು ನಿಂತಲ್ಲೇ ನಿಂತಿವೆ.

ಇಂತಹ ಸಮಯದಲ್ಲಿ ವಿಷಕಾರಿ ಹಾವೊಂದು ಹೋಂಡಾ ಆಕ್ಟಿವಾ ಸ್ಕೂಟರ್‌ನ ಹೆಡ್‌ಲ್ಯಾಂಪ್‌ನೊಳಗೆ ಸೇರಿಕೊಂಡಿದೆ. ಅದೃಷ್ಟವಶಾತ್, ಈ ಹಾವು ಯಾರಿಗಾದರೂ ಕಡಿಯುವ ಮುನ್ನವೇ ಹಾವನ್ನು ಕಂಡ ಸ್ಕೂಟರ್‌ನ ಮಾಲೀಕರು, ಹಾವು ಹಿಡಿಯುವವರನ್ನು ಕರೆಸಿ ಹಾವನ್ನು ಸುರಕ್ಷಿತವಾಗಿ ಹಿಡಿಸಿದ್ದಾರೆ.

MOST READ:ಮನೆ ತಲುಪಲು 1800 ಕಿ.ಮೀ ಸೈಕಲ್ ತುಳಿದ ಯುವಕ..!

ಹಾವುಗಳು ವಾಹನಗಳೊಳಗೆ ಹೋಗುವುದು ಇದು ಮೊದಲ ಸಲವಲ್ಲ. ಕಾಡುಗಳು ಹತ್ತಿರವಿರುವ ಹಳ್ಳಿಗಳಲ್ಲಿ, ಇದು ಸಾಮಾನ್ಯವಾದ ಸಂಗತಿಯಾಗಿದೆ.

ಆದರೆ, ಈ ಘಟನೆ ಹೈದರಾಬಾದ್‌ನಂತಹ ನಗರದಲ್ಲಿಯೇ ನಡೆದಿದೆ. ಸರಿಯಾದ ಸಮಯಕ್ಕೆ ಹಾವನ್ನು ಹಿಡಿಯುವುದರೊಂದಿಗೆ ಹೆಚ್ಚಿನ ಅನಾಹುತವಾಗುವುದನ್ನು ತಪ್ಪಿಸಿದ್ದಾರೆ.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

ಹಾವನ್ನು ಹಿಡಿಯಲು ನೀರಿನ ಕ್ಯಾನ್‌ಗಳನ್ನು ಬಳಸಲಾಗಿದೆ. ಹಲವು ಗಂಟೆಗಳ ಹೆಣಗಾಟದ ನಂತರ ಹಾವನ್ನು ಕ್ಯಾನ್‌ನೊಳಗೆ ಸೇರಿಸಲಾಗಿದೆ. ನಂತರ ಹಾವನ್ನು ಹತ್ತಿರದಲ್ಲಿರುವ ಕಾಡಿನೊಳಗೆ ಬಿಟ್ಟಿದ್ದಾರೆ.

ಈ ಲಾಕ್‌ಡೌನ್ ಜನರನ್ನು ನಾನಾ ರೀತಿಯಲ್ಲಿ ಕಾಡುತ್ತಿದೆ. ದಿನಗೂಲಿ ನೌಕರರು ಹಾಗೂ ಕೂಲಿ ಕಾರ್ಮಿಕರು ಹೆಚ್ಚು ತೊಂದರೆಗೆ ಸಿಲುಕಿದ್ದಾರೆ. ಇದರ ಜೊತೆಗೆ ನಿಂತಿರುವ ವಾಹನದಲ್ಲಿ ಹಾವು ಸೇರಿಕೊಂಡಿರುವ ಘಟನೆ ನಡೆದಿದೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಈ ಘಟನೆಯು ಹೆಚ್ಚು ಕಾಲ ವಾಹನಗಳನ್ನು ಒಂದೇ ಕಡೆ ನಿಲ್ಲಿಸುವ ವಾಹನ ಚಾಲಕರಿಗೆ ಪಾಠವಾಗಿದೆ. ಒಂದೇ ಕಡೆ ಹೆಚ್ಚು ಕಾಲ ವಾಹನವನ್ನು ನಿಲ್ಲಿಸಿದರೆ ಆಗಾಗ ಆ ವಾಹನಗಳನ್ನು ಸ್ಟಾರ್ಟ್ ಮಾಡುವುದು ಒಳ್ಳೆಯದು. ಇದರ ಜೊತೆಗೆ ವಾಹನವನ್ನು ಹೊರತೆಗೆಯುವ ಮುನ್ನ ಕೂಲಂಕುಷವಾಗಿ ಪರಿಶೀಲಿಸಿದರೇ ಉತ್ತಮ.