ಕಿವಿ ಒತ್ತಿ ಹಿಡಿದು ಕಣ್ತೆರೆದು ಕಣ್ತುಂಬ ಆನಂದಿಸಿ

ವೈಬ್ ತಯಾರಿಸಿರುವ ಆಡಿಯೋ ಸಿಸ್ಟಂಗಳು ಸಂಚಾರಿ ನಿಯಮಗಳಿಗೆ ಒಳಪಡುತ್ತಿದೆಯೇ ಎಂಬುದು ದೊಡ್ಡ ಪ್ರಶ್ನೆಯಾಗಿಯೇ ಉಳಿದಿದೆ. ಯಾಕೆಂದರೆ ಇದು ಇಡೀ ಕಾರನ್ನು ಆವರಿಸಿದ್ದು, ಅತಿ ಹೆಚ್ಚು ಶಬ್ದವನ್ನು ಹೊರಸೂಸುತ್ತಿದೆ.

ಸಹಜವಾಗಿಯೇ ಶಬ್ದ ಮಾಲಿನ್ಯಕ್ಕೆ ವೈಬ್ ಆಡಿಯೋ ಸಿಸ್ಟಂ ಕಾರಣವಾಗಲಿದೆ. ಆದರೆ ವಿದೇಶದಲ್ಲಿ ಇಂತಹದೊಂದು ಸಾಹಸಕ್ಕೆ ಕೈ ಹಾಕಿರುವ ವೈಬ್ ಆಡಿಯೋವನ್ನು ಮೆಚ್ಚಲೇಬೇಕಾಗುತ್ತದೆ.

ವೈಬ್ ಆಗಿನಿಂದಲೂ ನಾವೀನತ್ಯೆಯ ಹಾಗೂ ವಿಶೇಷ ವಿನ್ಯಾಸ ಪಡೆದ ಶ್ರಣವ ಉಪಕರಣ ತಯಾರಿಸುವುದಲ್ಲಿ ಹೆಸರುವಾಸಿಯಾಗಿದೆ.

ಜಾಗತಿಕವಾಗಿ 50ಕ್ಕೂ ಹೆಚ್ಚು ರಾಷ್ಟ್ರಗಳಲ್ಲಿ ಕಾರ್ ಆಡಿಯೋ ಮಾರುಕಟ್ಟೆ ಹೊಂದಿರುವ ವೈಬ್‌ನ BlackAir Vented 12 Bass Enclosures, LiteAir Amplifiersಗಳಂತಹ ಉತ್ಪನ್ನಗಳು ಜನಪ್ರಿಯತೆ ಪಡೆದಿವೆ.

ಕಾರ್ ಆಡಿಯೋ ಸಿಸ್ಟಂಗಳಲ್ಲಿ ಸಾಧಿಸಿರುವ ಯಶಸ್ಸಿನ ಬಳಿಕ ವೈಬ್, ಟ್ರಕ್, ಸಿನೆಮಾ ಹಾಗೂ ನೌಕೆಗಳಿಗೂ ತನ್ನ ವ್ಯಾಪಾರವನ್ನು ಕುದುರಿಸಿಕೊಂಡಿತ್ತು.

ಪಕ್ಕಾ ಸಂಗೀತ ಆಲಿಸುವವರಿಗೆ ವೈಬ್ ಆಡಿಯೋ ಸಿಸ್ಟಂ ನೂತನ ಅನುಭವವಾಗಲಿದೆ.

1993ನೇ ಇಸವಿಯಲ್ಲಿ ವೈಬ್ ಆಡಿಯೋ ಸ್ಥಾಪಿಸಲಾಯಿತು. ಇದು ಗುಣಮಟ್ಟದ ಆಡಿಯೋ ಸಿಸ್ಟಂ ಕಸ್ಟಮೈಸ್ಡ್ ಮಾಡಿ ವಾಹನಗಳಿಗೆ ಲಗತ್ತಿಸುತ್ತಿದೆ.

ಪ್ರಸ್ತುತ ಬ್ರಿಟನ್‌ನಲ್ಲಿ ಸ್ವತಂತ್ರ ಡೀಲರ್‌ಶಿಪ್ ಜಾಲ ಹೊಂದಿರುವ ವೈಬ್ ಆಡಿಯೋ, ವೂಫರ್ ಲಗತ್ತಿಸುವುದರಲ್ಲಿ ನಿಸ್ಸೀಮವೆನಿಸಿದೆ.

2006ನೇ ಇಸವಿಯಲ್ಲಿ ವೈಬ್ ಕಸ್ಟಮೈಸ್ಡ್ ಡ್ರೆಡ್ ಡೆಮೊ ಕಾರು ಅನಾವರಣಗೊಂಡಿತ್ತು. ಇದು ಮುಂದಿನ ದಿನಗಳಲ್ಲಿ ವೈಬ್ ಆಡಿಯೋವನ್ನು ನೂತನ ಎತ್ತರಕ್ಕೆ ಕೊಂಡೊಯ್ಯುವಲ್ಲಿ ಅಕ್ಷರಶ ನೆರವಾಗಿತ್ತು.

ಸಂಪೂರ್ಣವಾಗಿ ಆಡಿಯೋ ಸಿಸ್ಟಂ ಲಗ್ಗತ್ತಿಸಲಾದ ಡ್ರೆಡ್ ಟ್ರಕ್‌ನಲ್ಲಿ 50 ರಷ್ಟು ಸ್ಪೀಕರುಗಳನ್ನು ಆಳವಡಿಸಲಾಗಿತ್ತು.

ಜಗತ್ತಿ ಆಡಿಯೋ ಡಿಮೋ ಕಾರುಗಳ ಪೈಕಿ ಒಂದಾಗಿರುವ ವೈಬ್ ಡ್ರೆಡ್ ಈಗಾಗಲೇ ಇತಿಹಾಸ ಪುಟಗಳಲ್ಲಿ ಸೇರ್ಪಡೆಗೊಂಡಿದೆ.

ಸಂಪೂರ್ಣವಾಗಿ ಕೆಟ್ಟುಹೋಗಿದ್ದ ಹೊಗಿದ್ದ ಲ್ಯಾಂಡ್ ರೋವರ್ 101 ಕಾರಿಗೆ ಹೊಸ ಲುಕ್ ನೀಡುವಲ್ಲಿ ವೈಬ್ ಯಶಸ್ವಿಯಾಗಿತ್ತು.

ವೈಡ್ ಡ್ರೆಡ್ ವಿಶೇಷತೆಗಳು

BlackAir 50 Speakers x 4

BlackAir 69 Speakers x 4

BlackAir 6 Speakers x 4

QB69 Speakers x 4

Space II 12″ Subwoofers x 24

BlackBox Stereo 4 x 12

BlackBox Bass 1 x 12

ಹೀಗೆ ಕಳೆದೆರಡು ದಶಕಗಳಿಂದ ಹತ್ತು ಹಲವಾರು ಕಸ್ಟಮೈಸ್ಡ್ ವಾಹನಗಳಿಗೆ ಆಡಿಯೋ ಸಿಸ್ಟಂ ಆಳವಡಿಸುತ್ತಿರುವ ವೈಬ್ ಆಡಿಯೋ ಈಗಲೂ ಕಾರ್ಯಪ್ರವೃತವಾಗಿದೆ.