ಗಾಜುಗಳೇ ಇಲ್ಲದ ವಿಸ್ಮಯಕಾರಿ ವಿಮಾನ

ವಿಮಾನ ಪ್ರಯಾಣ ಅತ್ಯಂತ ರೋಚಕತೆಯಿಂದ ಕೂಡಿರುತ್ತದೆ. ಬಾನೆತ್ತರದಲ್ಲಿ ಬೆಳ್ಳಕ್ಕಿಯಂತೆ ಹಾರುವ ವಿಮಾನ ಪಯಣದ ವೇಳೆ ಇಡೀ ವಿಶ್ವದ ದರ್ಶನವಾಗುತ್ತಿದೆ. ಇದೇ ಪರಿಕಲ್ಪನೆಯನ್ನು ಮುಂದಿಟ್ಟುಕೊಂಡು ಬ್ರಿಟನ್ ಮೂಲದ ಸಂಶೋಧನಾ ಸಂಸ್ಥೆಯಾಗಿರುವ ಸೆಂಟರ್ ಫಾರ್ ಪ್ರೊಸೆಸ್ ಇನ್ನೋವೇಷನ್ (ಸಿಪಿಐ) ವಿಂಡೋಲೆಸ್ ವಿಮಾನದ ಮೊದಲ ಮಾದರಿಯನ್ನು ವಿನ್ಯಾಸಗೊಳಿಸಿದೆ.

ಗಾಜುಗಳೇ ಇಲ್ಲವೆಂದರೆ ಹೇಗಪ್ಪಾ?

ಇದಕ್ಕೂ ಇಲ್ಲಿದೆ ಪರಿಹಾರ. ಈ ವಿಮಾನವು ಸಾಂಪ್ರಾದಾಯಿಕ ಗಾಜುಗಳ ಬದಲು ಹೈ-ಡೆಫಿನಿಷನ್ ಹೊಂದಿಕೆಯಾಗುವ ಸ್ಕ್ರೀನ್‌ಗಳನ್ನು ಪಡೆದುಕೊಂಡಿದೆ. ಇದರ ಮುಖಾಂತರ ಹೊರಂಗಣ ಪ್ರದೇಶದ ದಿವ್ಯ ದರ್ಶನವಾಗಲಿದೆ.

ಇನ್ನೊಂದು ರೀತಿಯಲ್ಲಿ ಹೇಳುವುದಾದ್ದಲ್ಲಿ ಇದು ಕಿಟಕಿ ಗಾಜು ರಹಿತ ವಿಮಾನವಾಗಿದ್ದು, ಪಾರದರ್ಶಕ ಪ್ರಯಾಣಿಕ ವಿಭಾಗವನ್ನು ಹೊಂದಿರಲಿದೆ. ಹಾಗೆಯೇ ಮುಂದಿನ 10 ವರ್ಷದೊಳಗೆ ಲೋಕರ್ಪಣೆಯಾಗಲಿದೆ.

ಅಂದ ಹಾಗೆ ಇದು ಮೊದಲ ಬಾರಿಯೇನಲ್ಲ ಇಂತಹದೊಂದು ಪರಿಕಲ್ಪನೆ ಮೂಡಿ ಬರುತ್ತಿರುವುದು. ಇದಕ್ಕೂ ಮೊದಲು ಪ್ಯಾರಿಸ್ ಮೂಲದ ಸಂಸ್ಥೆಯೊಂದು ಇದಕ್ಕೆ ಸಮಾನವಾದ ಕಾನ್ಸೆಪ್ಟ್‌ನೊಂದಿಗೆ ಮುಂದೆ ಬಂದಿತ್ತು.

ಇನ್ನು ವಿಶೇಷವಾದ ಸಂಗತಿ ಏನೆಂದರೆ ಪ್ರಯಾಣಿಕರು ತಮ್ಮ ಅಗತ್ಯಕ್ಕೆ ಅನುಗುಣವಾಗಿ ಡಿಸ್‌ಪ್ಲೇ ಸೆಟ್ಟಿಂಗ್‌ನಲ್ಲಿ ಬದಲಾವಣೆ ತರಬಹುದಾಗಿದೆ. ಇದು ಪ್ಯಾನರೋಮಿಕ್ ನೋಟ, ವಿಮಾನ ಸಮಯ ಮುಂತಾದ ವ್ಯವಸ್ಥೆಗಳನ್ನು ಹೊಂದಿರುತ್ತದೆ.

ದೀರ್ಘ ಬಾಳ್ವಿಕೆಯ ನಿಟ್ಟಿನಲ್ಲಿ ಇದರಲ್ಲಿ ಒಎಲ್‌ಇಡಿ (ಹೈ ಎಂಡ್, ಥಿನ್ ಫಿಲ್ಮ್ ಡಿಸ್‌ಪ್ಲೇ ಟೆಕ್ನಾಲಜಿ) ಬಳಕೆ ಮಾಡಲಾಗಿದೆ. ಈ ಮೂಲಕ ಪ್ರಯಾಣಿಕರು ನೈಜ ಆಗು ಹೋಗುಗಳ ದರ್ಶನ ಪಡೆಯಬಹುದಾಗಿದೆ.

ಸಿಪಿಐ ಪ್ರಕಾರ ಇದು ಕಡಿಮೆ ದುಬಾರಿ ಕೂಡಾ ಆಗಿದೆ ಎಂಬುದನ್ನು ತಿಳಿಸಿದೆ. ಇದು ಒಟ್ಟಾರೆ ವಿಮಾನ ಭಾರವನ್ನು ಶೇಕಡಾ 1ರಷ್ಟು ಕಡಿಮೆ ಮಾಡುವುದಲ್ಲದೆ ಶೇಕಡಾ 0.75ರಷ್ಟು ಇಂಧನ ವೆಚ್ಚ ಸಹ ಕಡಿಮೆ ಮಾಡಲಿದೆ. ಇದರೊಂದಿಗೆ ತಯಾರಕರ ಜೊತೆಗೆ ಪ್ರಯಾಣಿಕರಿಗೂ ಲಾಭವನ್ನುಂಟುಮಾಡಲಿದೆ.

ಪಾರದರ್ಶಕ ವಿಮಾನದ ಆಕರ್ಷಕ ವೀಡಿಯೋ ವೀಕ್ಷಿಸಿ