'ಸಾವಿನ ರಸ್ತೆ' - ಇದುವೇ ವಿಶ್ವದ ಅತ್ಯಂತ ಅಪಾಯಕಾರಿ ರಸ್ತೆ!

ಸುಮ್ ಸುಮ್ನೆ ಚಿತ್ರ ಸೆರೆ ಹಿಡಿದ ಮಾತ್ರಕ್ಕೆ ಬೊಲಿವಿಯಾದ ಈ ರಸ್ತೆ ಅಪಾಯಕಾರಿ ರಸ್ತೆ ಎಂದೆನಿಸಿಕೊಂಡಿಲ್ಲ. ಬದಲಾಗಿ ಅಪಘಾತಗಳ ಅಂಕಿ ಅಂಶಗಳು ಇದಕ್ಕೆ ಪುಷ್ಠಿ ನೀಡುತ್ತದೆ.

ಇಂಟರ್ ಅಮೆರಿಕನ್ ಡೆವಲಪ್‌ಮೆಂಟ್ ಬ್ಯಾಂಕ್ ವರದಿ ಪ್ರಕಾರ, ಈ ಡೆಥ್ ರೋಡ್‌ನಲ್ಲಿ ವರ್ಷಂಪ್ರತಿ 200ರಿಂದ 300 ಮಂದಿ ಸಾವಿಗೆ ಶರಣಾಗುತ್ತಿದ್ದಾರೆ.

ಆಂಡಿಸ್ ಪರ್ವತದಿಂದ ಬೀಸುತ್ತಿರುವ ಗಾಳಿಯು ಈ ಸಾವಿನ ರಸ್ತೆಯನ್ನು ಇನ್ನಷ್ಟು ಭೀಕರ ಸ್ವರೂಪ ತಾಳುವಂತೆ ಮಾಡುತ್ತಿದೆ.

ಇಲ್ಲಿನ ರಸ್ತೆ ಪ್ರತಿ ಪರ್ವತದ ಸುತ್ತ ಅನೇಕ ವಕ್ರಾಕೃತಿ ಪಡೆದ ತಿರುವುಗಳನ್ನು ಪಡೆದುಕೊಂಡಿದ್ದು, ಎದುರುಗಡೆಯಿಂದ ಬರುವ ವಾಹನಗಳನ್ನು ಗುರುತಿಸಿವುದು ತುಂಬಾನೇ ಕಷ್ಟಕರವೆನಿಸುತ್ತದೆ.

ವಿಚಿತ್ರವೆಂದರೆ ಕೆಲವು ಚಾಲಕರು ಧೈರ್ಯ ತೋರಿ ರಾತ್ರಿ ವೇಳೆಯಲ್ಲೂ ಈ ಡೆಥ್ ರೋಡ್‌ನಲ್ಲಿ ಪಯಣಿಸುವ ದುಸ್ಸಾಹಸಕ್ಕೆ ಮುಂದಾಗುತ್ತಾರೆ.

ಈ ಎಲ್ಲ ವಿಚಾರಗಳನ್ನು ಕೇಳಿದಾಗ ಈ ಸಾವಿನ ರಸ್ತೆಯನ್ನು ಮುಚ್ಚುಗಡೆಗೊಳಿಸದೇ ಯಾತಕ್ಕಾಗಿ ಸಾರ್ವಜನಿಕ ಪ್ರಯಾಣಕ್ಕೆ ತೆರೆದಿಟ್ಟುಕೊಳ್ಳಲಾಗಿದೆ ಎಂಬ ಪ್ರಶ್ನೆ ಸಹಜವಾಗಿಯೇ ನಿಮ್ಮ ಮನದಲ್ಲಿ ಮೂಡಬಹುದಾಗಿದೆ. ಇದಕ್ಕೆ ಬಹುಶ: ಅಧಿಕಾರಿಗಳೇ ಸೂಕ್ತ ಉತ್ತರ ನೀಡಬಹುದಾಗಿದೆ.

ಇವೆಲ್ಲದರ ನಡುವೆ ಬೊಲಿವಿಯಾದ ಈ ರಸ್ತೆ ಸದ್ಯ ಪ್ರವಾಸಿ ಆಕರ್ಷಣೆಯ ಕೇಂದ್ರ ಬಿಂದುವಾಗಿದೆ. ಇಲ್ಲಿ ವಿವಿಧ ಸಂಸ್ಥೆಗಳು 'ಮೌಂಟೆನ್ ಬೈಕಿಂಗ್' ಕ್ರೀಡೆಯನ್ನು ಪ್ರೋತ್ಸಾಹಿಸುತ್ತಿದೆ.

ಅಮೇಜೋನ್ ರೈನ್ ಫಾರೆಸ್ಟ್ ಪ್ರದೇಶವನ್ನು ಸಂಪರ್ಕಿಸುವ ಈ ಸಿಂಗಲ್ ಲೇನ್ ರಸ್ತೆಯು ನವೆಂಬರ್‌ನಿಂದ ಮಾರ್ಚ್ ವರೆಗಿನ ಮಳೆಗಾಲದ ಸಂದರ್ಭದಲ್ಲಿ ಅತಿ ಹೆಚ್ಚು ಮಂಜಿನಿಂದ ಆವೃತ್ತವಾಗಿರುತ್ತದೆಯಲ್ಲದೆ ಸಾವನ್ನು ಕೈಬೀಸಿ ಕರೆಯುತ್ತದೆ.

ಇನ್ನೊಂದೆಡೆ ಬೇಸಿಗೆ ಕಾಲದಲ್ಲಂತೂ ಪರ್ವತ ಕಣಿವೆಯಲ್ಲಿ ಕಲ್ಲು ಬಂಡೆಗಳ ಕುಸಿತ ಸರ್ವೆ ಸಾಮಾನ್ಯ ದೃಶ್ಯವಾಗಿರುತ್ತದೆ.

ಇದೀಗ ನೀವು ಸಂಚರಿಸಿರುವ ಪೈಕಿ ಅತ್ಯಂತ ಅಪಾಯಕಾರಿ ರಸ್ತೆಗಳ ಬಗ್ಗೆ ಅನುಭವವನ್ನು ನಮ್ಮ ಜತೆ ಹಂಚಿಕೊಳ್ಳಲು ಮರೆಯದಿರಿ...ಸದ್ಯ ಸಾವಿನ ರಸ್ತೆ ರೋಚಕ ವೀಡಿಯೋಗಳಿಗಾಗಿ ಮುಂದಿನ ಸ್ಲೈಡರ್ ಕ್ಲಿಕ್ಕಿಸಿರಿ...

ಸಾವಿನ ರಸ್ತೆಯಲ್ಲಿ ಜಗತ್ತಿನ ಪ್ರಾಖ್ಯಾತ ಆಟೋ ಮ್ಯಾಗಜೀನ್ ಟಾಪ್ ಗೇರ್ ಹಮ್ಮಿಕೊಂಡಿರುವ ರೋಚಕ ಪಯಣ

ಸಾವಿನ ರಸ್ತೆಯಲ್ಲಿ ಮಿಟ್ಸುಬಿಸಿ ಸೆರೆಹಿಡಿದ ಜಾಹೀರಾತು

ಬೊಲಿವಿಯಾ ಸಾವಿನ ರಸ್ತೆಯಲ್ಲೊಂದು ಪಯಣ