ದೇಶದ ರಸ್ತೆಗೆ ವಿಕ್ಟರಿ ಬೈಕ್ ಬರೋದು ಗ್ಯಾರಂಟಿ

ವಿಕ್ಟರಿ ಮೋಟರ್ ಸೈಕಲ್ಸ್ ಕಂಪನಿಯು ದೇಶದಲ್ಲಿ ಘಟಕವನ್ನು ನಿರ್ಮಿಸುವ ಯೋಜನೆಯನ್ನೂ ಹೊಂದಿದೆ. ಆದರೆ ಆರಂಭಿಕವಾಗಿ ವಿಕ್ಟರಿ ಬೈಕ್ ಗಳನ್ನು ಆಮದು ಮಾಡಿಕೊಳ್ಳಲಾಗುವುದು. ನಂತರ ಗ್ರಾಹಕರ ಬೇಡಿಕೆಯನ್ನು ನೋಡಿಕೊಂಡು ದೇಶದಲ್ಲಿ ಘಟಕ ನಿರ್ಮಿಸಲಾಗುವುದು ಎಂದು ಕಂಪನಿ ತಿಳಿಸಿದೆ. ಮುಂದಿನ ವರ್ಷ ದೆಹಲಿಯಲ್ಲಿ ನಡೆಯಲಿರುವ ವಾಹನ ಪ್ರದರ್ಶನದಲ್ಲೂ ವಿಕ್ಟರಿ ಮೋಟರ್ ಸೈಕಲ್ ಇರಲಿದೆ.

ದೇಶದ ರಸ್ತೆಗಿಳಿಯುವ ಯೋಜನೆಯನ್ನು ಕಂಪನಿ ಈಗ ಬಹಿರಂಗಪಡಿಸಿದ್ದು, ಹೆಚ್ಚಿನ ಮಾಹಿತಿ ನೀಡಿಲ್ಲ. ಆದರೆ ವಿಕ್ಟರಿ ಅಮೆರಿಕದ ಹರ್ಲೆ ಡೇವಿಡ್ ಸನ್ ಜೊತೆಗಾರನಾಗಿ ದೇಶದ ಮಾರುಕಟ್ಟೆಯಲ್ಲಿ ಪೈಪೋಟಿ ನಡೆಸುವ ನಿರೀಕ್ಷೆಯಿದೆ. ದೇಶದಲ್ಲಿ ಕಂಪನಿ ಉತ್ಪಾದನಾ ಘಟಕ ಸ್ಥಾಪಿಸಿದರೆ ವಿಕ್ಟರಿ ಬೈಕ್ ದರ ಸುಮಾರು ಶೇ. 30ರಷ್ಟು ಅಗ್ಗವಾಗಲಿದೆ. ದೇಶದ ಗ್ರಾಹಕರಿಂದ ವಿಕ್ಟರಿ ಬೈಕ್ ಗೆ ಬರುವ ಬೇಡಿಕೆ ನೋಡಿಕೊಂಡು ಕಂಪನಿ ಘಟಕ ನಿರ್ಮಿಸುವ ಕುರಿತು ಅಂತಿಮ ನಿರ್ಧಾರ ತೆಗೆದುಕೊಳ್ಳುವ ನಿರೀಕ್ಷೆಯಿದೆ. ಸ್ಪೈನ್, ಫ್ರಾನ್ಸ್, ಜರ್ಮನಿ, ಅಮೆರಿಕ, ಇಂಗ್ಲೆಂಡ್. ನ್ಯೂಜಿಲ್ಯಾಂಡ್ ಮುಂತಾದ ದೇಶಗಳಲ್ಲಿ ವಿಕ್ಟರಿ ಜನಪ್ರಿಯ ಬೈಕಾಗಿದೆ.