ಹೀರೋ ಹೋಂಡಾ ಇನ್ನು ಮುಂದೆ ಹೀರೋ ಮೊಟೊಕಾರ್ಪ್

ಕಳೆದ ವರ್ಷ ಹೀರೋ ಗ್ರೂಪ್ ಮತ್ತು ಹೋಂಡಾ ಜಂಟಿ ಉದ್ಯಮಕ್ಕೆ ಮಂಗಳ ಹಾಡಿದ್ದವು. ಹೀರೋ ಮೋಟರ್ಸ್ ಕಂಪನಿಯು ಹೋಂಡಾದ ಶೇ. 26ರಷ್ಟು ಪಾಲನ್ನು ಸುಮಾರು 3,841.83 ಕೋಟಿ ರು.ಗೆ ಖರೀದಿಸಿತ್ತು.

ಇದರಿಂದಾಗಿ ಜಂಟಿಉದ್ಯಮದ ಹೆಸರನ್ನು ಬದಲಾಯಿಸುವ ಅವಶ್ಯಕತೆ ಹೀರೋ ಗ್ರೂಪ್ ಗಿತ್ತು. ಹೊಸ ಹೆಸರು ದೇಶಿ ವಾಹನ ಮಾರುಕಟ್ಟೆ ಮಾತ್ರವಲ್ಲದೇ ಜಾಗತಿಕವಾಗಿ ಗಮನ ಸೆಳೆಯುವಂತ್ತಿರಬೇಕೆಂದು ಕಂಪನಿ ಬಯಸಿತ್ತು. ಹೊಸ ಬ್ರಾಂಡ್ ಹೆಸರಿಗಾಗಿ ಕಂಪನಿಯು ಸಾಕಷ್ಟು ಶ್ರಮವಹಿಸಿತ್ತು.

"ಹೊಸ ಹೀರೋ ಮೊಟೊಕಾರ್ಪ್ ಹೆಸರಿಗೆ ಷೇರುದಾರರು ಸಮ್ಮತಿಸಿದ್ದಾರೆ. ಮೊಟೊಕಾರ್ಪ್ ಎಂಬ ಹೆಸರು ಕಂಪನಿಯ ಜಾಗತಿಕ ಮಹಾತ್ವಕಾಂಕ್ಷೆಗೆ ಸೂಕ್ತವಾದ ಹೆಸರಾಗಿದೆ" ಎಂದು ಹೀರೋ ಮೋಟರ್ಸ್ ಹೇಳಿದೆ. ಭಾರತದಲ್ಲಿ ಕಂಪನಿಯು ಮುಂದಿನ ವರ್ಷ ಹೊಸ ಘಟಕವೊಂದನ್ನು ತೆರೆಯಲಿದೆ.