50 ಸಾವ್ರಕ್ಕಿಂತ ಕಡಿಮೆಗೆ ಸಿಗೋ ಬೆಸ್ಟ್ ಬೈಕ್ಸ್

ಕನಸಲ್ಲ: ಹೋಂಡಾ ಡ್ರೀಮ್ ಯುಗ

ಹೋಂಡಾ ಕಂಪನಿಯು ಇತ್ತೀಚೆಗೆ ಪರಿಚಯಿಸಿದ ಡ್ರೀಮ್ ಯುಗ ಅಗ್ಗದ ಬೈಕ್. ಇದರ ದರ ಸುಮಾರು 44 ಸಾವಿರ ರು. ಇದೆ. ಇದು 110(ಕರೆಕ್ಟಾಗಿ ಹೇಳ್ಬೆಕಂದ್ರೆ 109 ಸಿಸಿ) ಸಿಸಿ ಎಂಜಿನ್ ಹೊಂದಿದೆ. ಇದರ ಮೈಲೇಜ್ ಸುಮಾರು 72 ಕಿ.ಮೀ. ಆಸುಪಾಸಿನಲ್ಲಿದೆ. ಇದು ಕಿಕ್ ಡ್ರಮ್ ಅಲಾಯ್, ಸೆಲ್ಫ್ ಡ್ರಮ್ ಅಲಾಯ್ ಆಯ್ಕೆಗಳಲ್ಲೂ ದೊರಕುತ್ತದೆ.

ಸಿಬಿ ಟ್ವಿಸ್ಟರಿಗೆ ರೇಟು ಎಷ್ಟು?

ಹೋಂಡಾ ಸಿಬಿ ಟ್ವಿಸ್ಟರ್ ಸಹ ಅಗ್ಗದ ಬೈಕ್. ಇದರ ದರ ಸುಮಾರು 43,285 ರು.ನಿಂದ 49,152 ರು.ವರೆಗಿದೆ.

ಸುಜುಕಿ ಹಯಾಟೆಗೆ ಹಾಯ್ ಎನ್ನಿ

ಇದರ ದರ ಸುಮಾರು 40,162 ರು. ಪ್ರತಿಲೀಟರಿಗೆ ಸುಮಾರು 55 ಕಿ.ಮೀ. ಮೈಲೇಜ್ ನೀಡುತ್ತದೆ. 112.8 ಸಿಸಿ ಎಂಜಿನ್ ಹೊಂದಿದೆ.

ಬಜಾಜ್ ಬಾಕ್ಸರ್ ರೇಟ್ ಏನ್ಸಾರ್?

ಬಜಾಜ್ ಬಾಕ್ಸರ್ ಸಹ ದೇಶದ ಅಗ್ಗದ ಜನಪ್ರಿಯ ಬೈಕ್. ಇದರ ದರ ಸುಮಾರು 42 ಸಾವಿರ ರು. ಆಸುಪಾಸಿನಲ್ಲಿದೆ.

ಬಜಾಜ್ ಪ್ಲಾಟಿನಾ

ಪ್ಲಾಟಿನಾ ಬೈಕ್ ಸಹ ಕಡಿಮೆ ದರಕ್ಕೆ ದೊರಕುತ್ತದೆ. ಇದರ ದರ ಸುಮಾರು 38,019 ರು.ನಿಂದ 39,580 ರು.ವರೆಗಿದೆ. ಇದು 100 ಮತ್ತು 125 ಸಿಸಿ ಆಯ್ಕೆಗಳಲ್ಲಿ ಲಭ್ಯವಿದೆ.

ಸುಜುಕಿ ಸ್ಲಿಂಗ್ ಶಾಟ್

ಇದರ ದರ ಸುಮಾರು 43,945 ರು.ನಿಂದ 48,485 ರು.ವರೆಗಿದೆ. ಇದು 124 ಸಿಸಿ ಎಂಜಿನ್ ಹೊಂದಿದೆ.

ಹೀರೊ ಹೋಂಡಾ ಸ್ಪ್ಲೆಂಡರ್ ಪ್ಲಸ್

ಇದರ ದರ 41,200 ರು.ನಿಂದ 46,950 ರು.ವರೆಗಿದೆ. ಆನ್ ರೋಡ್ ದರ 50 ಸಾವಿರ ರು. ದಾಟಿದರೂ ಅಚ್ಚರಿಯಿಲ್ಲ. 100 ಮತ್ತು 125 ಸಿಸಿ ಎಂಜಿನ್ ಆಯ್ಕೆ ಮಾಡಿಕೊಳ್ಳಬಹುದು.

ಟಿವಿಎಸ್ ಜೈವ್, ಸ್ಟಾರ್, ಸ್ಪೋರ್ಟ್, ಫ್ಲೇಮ್

ಟಿವಿಎಸ್ ಜೈವ್ ದರ ಸುಮಾರು 42 ಸಾವಿರ ರು., ಸ್ಟಾರ್ ಮತ್ತು ಸ್ಪೋರ್ಟ್ ದರವೂ 40 ಸಾವಿರ ರು. ಆಸುಪಾಸಿನಲ್ಲಿದೆ. ಫ್ಲೇಮ್ ದರ ಸುಮಾರು 47 ಸಾವಿರ ರು. ಆಸುಪಾಸಿನಲ್ಲಿದೆ.

ಹೋಂಡಾ ಶೈನ್: ಫೈನಾಗಿದೆ!

ಹೋಂಡಾ ಶೈನ್ ಬೈಕನ್ನೂ ಅಗ್ಗದ ಬೈಕ್ ಲಿಸ್ಟಿಗೆ ಸೇರಿಸಬಹುದು. ಇದರ ಎಕ್ಸ್ ಶೋರೂಂ ದರ 44 ಸಾವಿರ ರು.ನಿಂದ ಆರಂಭವಾಗುತ್ತದೆ. ಆನ್ ರೋಡ್ ದರ ಮಾತ್ರ 50 ಸಾವಿರಕ್ಕಿಂತ ಕೊಂಚ ಹೆಚ್ಚಾಗಬಹುದು. ಇದು 125 ಸಿಸಿ ಬೈಕ್.

ಕ್ರಷಾಗಬಹುದು ನಿಮಗೆ: ಯಮಹಾ ಕ್ರಷ್

ಯಮಹಾ ಕ್ರಷ್ ಬೈಕ್ ದರ 32 ಸಾವಿರ ರು.ನಿಂದ 40 ಸಾವಿರ ರು.ವರೆಗಿದೆ. ಇದು 105.6 ಸಿಸಿ ಎಂಜಿನ್ ಹೊಂದಿದೆ. ಮೈಲೇಜ್: 62.3 ಕಿ.ಮೀ.

ಹೀರೋ ಹೋಂಡಾ ಫ್ಯಾಷನ್, ಸಿಡಿ ಡೌನ್

ಹೀರೋ ಹೋಂಡಾ ಸಿಡಿ ಡೌನ್ ದರ 40 ಸಾವಿರ ರು. ಆಸುಪಾಸಿನಲ್ಲಿದೆ. ಆದರೆ ಫ್ಯಾಷನ್ ಪ್ರೊ ಆನ್ ರೋಡ್ ದರ 50 ಸಾವಿರ ರು.ಗಿಂತ ಕೊಂಚ ಹೆಚ್ಚಾಗಬಹುದು.