ಹೀರೊ ಮೊಟೊಕಾರ್ಪ್ ಮಾರಾಟ ಶೇ. 18.6 ಹೆಚ್ಚಳ

ಕಳೆದ ತಿಂಗಳು ಕಂಪನಿಯು ಲಂಡನಿನಲ್ಲಿ ನೂತನ ಲೊಗೊ ಅನಾವರಣ ಮಾಡಿತ್ತು. ಹೀರೋ ಮೋಟೊಕಾರ್ಪ್ ನ ಏಪ್ರಿಲ್ ನಿಂದ ಆಗಸ್ಟ್ ವರೆಗಿನ ಒಟ್ಟಾರೆ ದ್ವಿಚಕ್ರವಾಹನ ಮಾರಾಟ 25 ಲಕ್ಷ ಯೂನಿಟ್ ಗೆ ತಲುಪಿದ್ದು ಶೇಕಡ 21ರಷ್ಟು ಹೆಚ್ಚಳವಾಗಿದೆ. ಕಂಪನಿಯು ಕಳೆದ ವರ್ಷ ಇದೇ ಅವಧಿಯಲ್ಲಿ 2.08 ಲಕ್ಷ ದ್ವಿಚಕ್ರವಾಹನ ಮಾರಾಟ ಮಾಡಿತ್ತು.

ಕಂಪನಿಯು ಈ ವರ್ಷ 60 ಲಕ್ಷ ಬೈಕ್ ಮತ್ತು ಸ್ಕೂಟರ್ ಮಾರಾಟ ಮಾಡುವತ್ತ ದಾಪುಗಾಲಿಡುತ್ತಿದೆ ಎಂದು ಹೀರೋ ಮೊಟೊಕಾರ್ಪ್ ಪ್ರಕಟಣೆಯಲ್ಲಿ ತಿಳಿಸಿದೆ.

"ಆಗಸ್ಟ್ ತಿಂಗಳು ನಮಗೆ ಮರೆಯಲಾಗದ ಮತ್ತು ಯಾವತ್ತೂ ನೆನಪಿನಲ್ಲಿಟ್ಟುಕೊಳ್ಳಬೇಕಾದ ದಿನ. ಕಂಪನಿಗೆ ಹೊಸ ಹೆಸರು, ಹೊಸ ಐಡೆಂಟೆಟಿ ಮತ್ತು ಹೊಸ ಸ್ಥಾನಮಾನ ನೀಡಿದ ತಿಂಗಳದು. ಕಂಪನಿಯು ಹೊಸ ಬ್ರಾಂಡ್ ಐಡೆಂಟೆಟಿಯೊಂದಿಗೆ ಮುನ್ನಡೆಯಲಿದೆ" ಎಂದು ಕಂಪನಿಯ ಉಪಾಧ್ಯಕ್ಷ ಅನಿಲ್ ದುವಾ ಹೇಳಿದ್ದಾರೆ.