ಹಳೆ ಕಬ್ಣ, ಹೊಸ ಸ್ಟಾಲಿಯೊ ನವೆಂಬರ್ ನಲ್ಲಿ ರಸ್ತೆಗೆ

ಇದು ಮಹೀಂದ್ರ ಕಂಪನಿಯ ಮೊದಲ ದ್ವಿಚಕ್ರ ವಾಹನವಾಗಿದೆ. ಈ ಹಿಂದೆ ರಸ್ತೆಗಿಳಿದ ಸ್ಟಾಲಿಯೊ ಗ್ರಾಹಕರಿಗೆ ಇಷ್ಟವಾಗಿರಲಿಲ್ಲ. ಸ್ಟಾಲಿಯೊ ನಿರ್ಮಾಣ ಗುಣಮಟ್ಟ ಮತ್ತು ಕಾರ್ಯನಿರ್ವಹಣೆ ಗ್ರಾಹಕರಿಗೆ ಇಷ್ಟವಾಗಿರಲಿಲ್ಲ. ಹಳೆಯ ಸ್ಟಾಲಿಯೊ ಮೇಲಿದ್ದ ಪ್ರಮುಖ ದೂರೆಂದರೆ ಅದರ ಟ್ರಾನ್ಸ್ ಮಿಷನ್ ಚೆನ್ನಾಗಿರಲಿಲ್ಲ ಎಂದಾಗಿತ್ತು.

ಈ ಹಿನ್ನೆಲೆಯಲ್ಲಿ ರಸ್ತೆಗಿಳಿದ ಒಂದೇ ವರ್ಷದಲ್ಲಿ ಕಂಪನಿಯು ಸ್ಟಾಲಿಯೊ ಉತ್ಪಾದನೆಯನ್ನು ಪ್ರಸಕ್ತ ವರ್ಷದ ಫೆಬ್ರವರಿ ತಿಂಗಳಲ್ಲಿ ಸ್ಥಗಿತಗೊಳಿಸಿತ್ತು. ಗ್ರಾಹಕರ ದೂರುಗಳನ್ನು ಪರಿಶೀಲಿಸಿ ತೊಂದರೆಗಳನ್ನು ಸರಿಪಡಿಸಿ, ಹೊಸ ಪರಿಷ್ಕೃತ ಆವೃತ್ತಿಯನ್ನು ಹೊರತರುವುದಾಗಿ ಪ್ರಕಟಿಸಿತ್ತು.

ಇದೀಗ ಕಂಪನಿ ಹೇಳುವ ಪ್ರಕಾರ ಹಳೆ ಕಬ್ಣ ಸ್ಟಾಲಿಯೊ ಮತ್ತೆ ನವೆಂಬರ್ ತಿಂಗಳಲ್ಲಿ ರಸ್ತೆಗಿಳಿಯಲಿದೆ. ಆದರೆ ಕಂಪನಿಯು 300 ಸಿಸಿಯ ಮೊಜೊ ಬೈಕ್ ಹೊರತರುವ ಕುರಿತು ಯಾವುದೇ ಮಾಹಿತಿ ನೀಡಿಲ್ಲ.