ಹೀರೊ ಮೊಟೊಕಾರ್ಪ್ ಇಂಪಲ್ಸ್ ಬೈಕ್ ದೀಪಾವಳಿಗೆ ಬರುತ್ತಾ?

Published: Thursday, October 13, 2011, 17:44 [IST]

Will Hero MotoCorp Launch Impulse For Diwali?

ದೇಶದ ಬೃಹತ್ ಬೈಕ್ ತಯಾರಿಕಾ ಕಂಪನಿ ಹೀರೋ ಮೊಟೊಕಾರ್ಪ್ ನೂತನ ಬೈಕೊಂದು ಶೀಘ್ರದಲ್ಲಿ ರಸ್ತೆಗಿಳಿಯಲಿದೆ. ಇದು ಕಂಪನಿಯ ಮೊದಲ ಬೈಕ್. ಅಂದ್ರೆ ಜಪಾನಿನ ಹೋಂಡಾ ಕಂಪನಿಗೆ ವಿಚ್ಛೇದನ ನೀಡಿದ ನಂತರ ಬಂದ ಮೊದಲ ಬೈಕ್. ಹೆಸರು ಹೀರೋ ಇಂಪಲ್ಸ್. ಈ ಬೈಕ್ ದೀಪಾವಳಿ ಹಬ್ಬದ ಸಮಯದಲ್ಲಿ ಅನಾವರಣಗೊಳ್ಳುವ ನಿರೀಕ್ಷೆಯಿದೆ.

ಹೀರೋ ಇಂಪಲ್ಸ್ 150 ಸಿಸಿಯ ಆಕರ್ಷಕ ಬೈಕಾಗಿದೆ. ಇತ್ತೀಚೆಗೆ ಲಂಡನಿನಲ್ಲಿ ಕಂಪನಿಗೆ ನಾಮಕರಣವಾದ ಸಂದರ್ಭದಲ್ಲಿ ರಣಬೀರ್ ಕಪೂರ್ ಇದರ ಪಕ್ಕ ನಿಂತಿದ್ದು ನಿಮಗೆ ನೆನಪಿರಬಹುದು. ಅವರು ಈ ಬೈಕ್ ರಾಯಭಾರಿ. ವಾಹನ ವಿಶ್ಲೇಷಕರ ಪ್ರಕಾರ ಈ ಬೈಕ್ ಈ ದೀಪಾವಳಿ ಸಮಯದಲ್ಲಿ ರಸ್ತೆಗಿಳಿಯಬಹುದಂತೆ!

ಮುಂಜಾಲ್ ನೇತೃತ್ವದ ಹೀರೋ ಗ್ರೂಪ್ ಮತ್ತು ಜಪಾನಿನ ಹೀರೋ ಒಪ್ಪಂದದ ಪ್ರಕಾರ ಮುಂದಿನ ಮೂರು ವರ್ಷಗಳ ಕಾಲ ಜಪಾನ್ ಕಂಪನಿ ತಂತ್ರಜ್ಞಾನ ನೆರವು ನೀಡಲಿದೆ. ಹೀಗಾಗಿ ನೂತನ ಇಂಪಲ್ಸ್ ಬೈಕ್ ಸಂಪೂರ್ಣವಾಗಿ ಹೀರೋ ಮೊಟೊಕಾರ್ಪ್ ಉತ್ಪಾದನೆ ಅನ್ನಲು ಸಾಧ್ಯವಿಲ್ಲ. ಖಂಡಿತಾವಾಗಿಯೂ ಇದರಲ್ಲಿ ಜಪಾನ್ ಕಂಪನಿಯ ತಂತ್ರಜ್ಞಾನ ಇರಲಿದೆ.

Article Published On: Thursday, October 13, 2011, 17:44 [IST]

English summary

Hero MotoCorp is India's leading two-wheeler manufacturer and is all set to launch its first motorcycle after its split from Honda. According to several reports in the internet, the Hero Impulse, the first bike to be unveiled by Hero MotoCorp after its new name was announced in London, is expected to be launched before the end of the Festive season probably by Diwali.