ಹೀಗೂ ಉಂಟೇ? ಚಿತ್ರವಿಚಿತ್ರ ಸೈಕಲ್ ಲೋಕ

Posted By:
ಸೈಕಲ್ ಜಮಾನ ಸಾಕಷ್ಟು ಬದಲಾಗಿದೆ. ಸಾವಿರ ರುಪಾಯಿಂದ ಲಕ್ಷ ಲಕ್ಷ ರುಪಾಯಿವರೆಗೆ ಸೈಕಲ್ ದರವಿದೆ. ಸೈಕಲ್ ವಿನ್ಯಾಸದಲ್ಲೂ ಹೊಸ ಹೊಸ ಮಾರ್ಪಾಡುಗಳಾಗಿವೆ. ಆದರೆ ಇಲ್ಲೊಂದಿಷ್ಟು ಚಿತ್ರವಿಚಿತ್ರ ವಿನ್ಯಾಸದ ಸೈಕಲ್ ಇವೆ. ಯಾರಿಗೊತ್ತು? ಮುಂದೊಂದು ದಿನ ಇವು ನಮ್ಮ ರಸ್ತೆಯಲ್ಲಿ ಕಾಣಿಸಿಕೊಳ್ಳಬಹುದು. ಅದಕ್ಕೂ ಮುನ್ನ ಅವುಗಳನ್ನು ಪರಿಚಯಿಸಿಕೊಳ್ಳೋಣ.

ಟಾಗಾ: ಅಮ್ಮ ಮತ್ತು ಮಗು ಜೊತೆಯಾಗಿ ಕುಳಿತು ಸವಾರಿ ಮಾಡಬಹುದಾದ ಸೈಕಲಿದು. ಸೈಕಲ್ ಮುಂಭಾಗದಲ್ಲಿ ಮಗುವಿಗಾಗಿ ವಿಶೇಷ ಸೀಟ್ ಇದೆ.

ಎಲೆಪ್ಪಿಗೊ: ದೀರ್ಘ ವೃತ್ತಾಕಾರದ ಸಣ್ಣ ಚಕ್ರಗಳ ಸೈಕಲಿದು. ಜಾಗಿಂಗ್ ಮಾಡೋ ತರಹ ಇದ್ರಲ್ಲಿ ಪೆಡಲ್ ತುಳಿಯಬಹುದು. ಸೈಕಲ್ ಮೇಲೆಯೇ ಜಾಗ್ ಮಾಡಬಹುದು.

ಕೂಚ್ ಬೈಕ್: ಬಹುಶಃ ಯಾವುದೋ ಭಾಷೆಯಲ್ಲಿ ಕೂಚ್ ಅಂದ್ರೆ ಸೋಪಾ ಎಂದಿರಬಹುದು. ಯಾಕೆಂದ್ರೆ ಮೂರು ಚಕ್ರದ ಈ ಸೈಕಲ್ ಸೀಟಿನ ಸ್ಥಾನದಲ್ಲಿ ದೊಡ್ಡದಾದ ಸೋಪಾವಿದೆ. ಅದ್ರಲ್ಲಿ ಇಬ್ರು ಕುಳಿತುಕೊಂಡು ಪೆಡಲ್ ತುಳಿಯಬಹುದು.

ಕ್ಯಾಂಪರ್ ಬೈಕ್: ಇದು ಕ್ಯಾಂಪ್ ಮಾಡೋರಿಗೆ ಸೂಕ್ತ. ಯಾಕಂದ್ರೆ ಮೂರು ಚಕ್ರದ ಈ ಸೈಕಲ್ ಮೇಲೆ ಪುಟ್ಟ ಶೆಡ್ ಇದೆ. ದೂರದೂರಿಗೆ ಸೈಕಲ್ ಮೇಲೆ ಸಾಗಿ, ಅದ್ರಲ್ಲೇ ನಿದ್ದೆ, ಊಟ ಎಲ್ಲವೂ ಮಾಡಬಹುದು.

ರೆನೊವಾಟಿಯಾ: ಮರದ ಸುಂದರ ವಿನ್ಯಾಸದ ಫ್ರೇಮ್ ಹೊಂದಿರುವ ಈ ಸೈಕಲ್ ಆಕರ್ಷಕವಾಗಿದೆ. ಮರದ ಫ್ರೇಮ್ ಗಟ್ಟಿಮುಟ್ಟಾಗಿದೆಯೇ? ರೈಡ್ ಮಾಡುವಾಗ ಮುರಿದು ಬೀಳಬಹುದೇ? ಎಂಬ ಕುರಿತು ಖಚಿತತೆ ಇಲ್ಲ.

ಕಾರ್ಟೀಡರ್: ಮಾಲ್ ಗಳಲ್ಲಿ ಖರೀದಿಸಿದ ವಸ್ತುಗಳನ್ನು ತೆಗೆದುಕೊಂಡು ಹೋಗಲು ತಳ್ಳುವ ಗಾಡಿ ಇರುತ್ತದೆ. ಅದೇ ತಳ್ಳುವ ಗಾಡಿಯ ಮೇಲೆ ಕುಳಿತುಕೊಂಡು ರೈಡ್ ಮಾಡಬಹುದಾದ ವಿಚಿತ್ರ ವಿನ್ಯಾಸದ ಸೈಕಲಿದು.

ಸೀಸಾ ಬೈಕ್: ಇದು ನಿಜಕ್ಕೂ ವಿಚಿತ್ರ ಸೈಕಲ್. ಎರಡು ಸೈಕಲ್ ಗಳನ್ನು ಎದುರುಬದುರಾಗಿ ಜೋಡಿಸಲಾಗಿದೆ. ಮೂರೇ ಚಕ್ರವಿರುವ ಈ ಸೈಕಲಿಗೆ ಎರಡು ಫ್ರೇಮ್ ಇದೆ. ಇಬ್ರು ಉಲ್ಟಾ ಪಲ್ಟಾ ಕುಳಿತುಕೊಂಡು ಇದನ್ನು ರೈಡ್ ಮಾಡಬಹುದು.

ಇನ್ನೆಸೆಂಟಿ: ಸೂಪರ್ ಬೈಕ್ ತರಹ ಕಾಣೋ ಸೈಕಲ್. ಇದ್ರಲ್ಲಿ ಮೂರು ಚಕ್ರವಿದೆ. ಆದ್ರೆ ಒಂದು ಚಕ್ರ ಸೀಟ್ ಭಾಗದಲ್ಲಿದೆ. ಇದು ವ್ಯಾಯಾಮ ಮಾಡಲು ಅತ್ಯುತ್ತಮ ಸೈಕಲ್ ಅಂತೆ.

ಸ್ಕಾಂಗ್ ಬೈಕ್: ಇದು ಉದ್ದವಾದ ಸೈಕಲ್. ಇದರ ಮುಂಭಾಗದ ಚಕ್ರ ಸುಮಾರು ಎರಡೂ ಫೀಟ್ ಉದ್ದವಿದೆ.

ಅಸ್ಥಿಪಂಜರ್ ಸೈಕಲ್: ಅಣ್ಣಬಾಂಡ್ ಬೈಕಿನಂತೆ ಇದು ಅಸ್ಥಿಪಂಜರ ವಿನ್ಯಾಸದ ಸೈಕಲ್ ಆಗಿದೆ.

ಫೋರ್ಕ್ ಲೆಸ್ ಕ್ರೂಷರ್: ಈ ಸೈಕಲ್ ವಿಶೇಷತೆಯೆಂದರೆ ಇದರ ಹ್ಯಾಂಡಲ್ ಮುಂಭಾಗದ ಚಕ್ರಕ್ಕೆ ಜಾಯಿಂಟ್ ಆಗಿಲ್ಲ.

ಕಾನ್ಫರೆನ್ಸ್ ಬೈಕ್: ಎರಡು ಚಕ್ರದ ಈ ವೃತಾಕಾರದ ಸೈಕಲಿನಲ್ಲಿ ಸುಮಾರು ಏಳೆಂಟು ಜನರು ಕುಳಿತು ಮೀಟಿಂಗ್ ಮಾಡಬಹುದು.

English summary
Funny Bicycle Variations: Camper Bike, Renovatia, Taga, ElliptiGO, Treadmill Bike, Cartrider, SeeSaw Bike, Innesenti, Schlooooong Bike, Skeleton Bike, Forkless Cruiser and Conference Bike.
Story first published: Saturday, June 2, 2012, 12:24 [IST]

Latest Photos

ಕರ್ನಾಟಕ ವಿಧಾನಸಭೆ ಚುನಾವಣೆ 2018

ತಕ್ಷಣದ ಆಟೊ ಸುದ್ದಿಗಳನ್ನು ಡ್ರೈವ್ಸ್ಪಾರ್ಕ್ನಲ್ಲಿ ಪಡೆದುಕೊಳ್ಳಿ- Kannada DriveSpark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more