ಡಿಸ್ಕವರ್ ಓವರ್‌ಟೇಕ್ ಮಾಡಿದ ಹೀರೊ ಸ್ಪೆಂಡರ್

ಚಿತ್ರಲೋಕ

ಈ ಹಿಂದೆ ಸೆಪ್ಟೆಂಬರ್ ತಿಂಗಳಲ್ಲಿ ದಾಖಲೆಯ 1.52 ಯುನಿಟ್ ಮಾರಾಟ ಕಂಡುಬಂದಿದ್ದ ಬಜಾಜ್ ಡಿಸ್ಕವರ್ ಮಾರುಕಟ್ಟೆಯಲ್ಲಿ ಹೊಸ ಬಿರುಗಾಳಿಯೆಬ್ಬಿಸಿತ್ತು. ಇದು ಸ್ಪೆಂಡರ್ ಕುಸಿತಕ್ಕೆ ಕಾರಣವಾಗಿತ್ತು.

ಒಟ್ಟಾರೆಯಾಗಿ ಅಕ್ಟೋಬರ್ ತಿಂಗಳ ವೇಳೆಗೆ ಹೀರೊ ಮೋಟೊಕಾರ್ಪ್ ಸೇಲ್ಸ್ 5 ಲಕ್ಷ ದಾಟಿದರೆ ಬಜಾಜ್ ಆಟೋ 2.62 ಯುನಿಟ್ ಮಾರಾಟ ಮಾಡಿವೆ. ಮೂರನೇ ಸ್ಥಾನ ಹೊಂದಿರುವ ಹೊಂಡಾ ಮೋಟಾರ್ ಸೈಕಲ್ ಹಾಗೂ ಸ್ಕೂಟರ್ 2.36 ಲಕ್ಷ ಯುನಿಟ್ ಸೇಲ್ ಮಾಡಿವೆ.

2012 ಎಪ್ರಿಲ್‌ನಿಂದ ಆರಂಭವಾಗಿರುವ ಆರ್ಥಿಕ ಸಾಲಿನಲ್ಲಿ ತಮ್ಮ ಪ್ರತಿಸ್ಪರ್ಧಿಗಳಿಗೆ ಹೋಲಿಸಿದರೆ ಹೀರೊ ಮೊಟೊಕಾರ್ಪ್ ಮಾರಾಟಕ್ಕೆ ಸವಾಲೆಸೆಯಲು ಇತರ ಕಂಪನಿಗಳಿಗೆ ಸಾಧ್ಯವಾಗಿಲ್ಲ.

ಎಪ್ರಿಲ್‌ನಿಂದ ಸೆಪ್ಟೆಂಬರ್ ತಿಂಗಳ ಅವಧಿಯಲ್ಲಿ ಹೀರೊ ಮಾರಾಟವು ಶೇಕಡಾ 42.7ರಷ್ಟು ಕುಸಿತ ಕಂಡಿತ್ತು. ಇದು ಕಳೆದ ವರ್ಷ 45.3ರಷ್ಟಿತ್ತು. ಆದರೆ ವಿಶ್ಲೇಷಕರ ಪ್ರಕಾರ ಶೇರುಗಳು ಮತ್ತಷ್ಟು ವರ್ಧಿಸಲಿದೆ. ಹಾಗಿದ್ದರೂ ಬೈಕ್ ಮಾರುಕಟ್ಟೆಯ ಬಹುತೇಕ ಶೇರು ವಶಪಡಿಸಿಕೊಳ್ಳುವುದು ಕಷ್ಟಕರವಾಗಿದೆ.

ಮತ್ತೊಂದೆಡೆ ಅಕ್ಟೋಬರ್ ತಿಂಗಳಲ್ಲಿ ಹೀರೊ ಸ್ಪೆಂಡರ್ ಬೇಡಿಕೆ ಹೆಚ್ಚಾಗಿರುವುದರ ಬಗ್ಗೆ ಬಜಾಜ್ ಆಟೋ ಚಿಂತತವಾಗಿಲ್ಲ. ಯಾಕೆಂದರೆ ಕಳೆದೊಂದು ವರ್ಷದಲ್ಲಿ ಡಿಸ್ಕವರ್ ಬೇಡಿಕೆ ಹೆಚ್ಚುತ್ತಲೇ ಇದ್ದು ಮುಂದಿನ ತಿಂಗಳಲ್ಲೂ ಮುಂದುವರಿಯುವ ನಿರೀಕ್ಷೆ ಹೊಂದಿದೆ.