ಹೊಸ ರೂಪದೊಂದಿಗೆ ಮತ್ತೆ ಬಂದ ಹೀರೋ ಸ್ಪ್ಲೆಂಡರ್

ಹೊಸ ಬೈಕಿನ ಎಂಜಿನ್ ಮಾದರಿಯನ್ನು ಈ ಹಿಂದೆ 2017ರಲ್ಲಿ ಬಿಡುಗಡೆಗೊಂಡಿದ್ದ ಹೀರೋ ಗ್ಲಾಮರ್ ಬೈಕಿನ 124.7ಸಿಸಿ ನಾನ್ ಸ್ಲೋಪರ್ ಎಂಜಿನ್ ಮಾದರಿಯನ್ನೇ ಆಧರಿಸಿದ್ದು, ದೇಶೀಯ ಮೋಟಾರ್ ಸೈಕಲ್ ಮಾರುಕಟ್ಟೆಯಲ್ಲಿ ಶೇ.50ರಷ್ಟು ಮಾರಾಟ ದಾಖಲೆ ಹೊಂದಿರುವ ಹೀರೋ ಮೋಟೋಕಾರ್ಪ್ ಸಂಸ್ಥೆಯು ಹೊಸ ಸೂಪರ್ ಸ್ಲೆಂಡರ್‍ ಮೂಲಕ ಮತ್ತಷ್ಟು ಗ್ರಾಹಕರನ್ನು ಸೆಳೆಯುವ ತವಕದಲ್ಲಿದೆ.

ಎಂಜಿನ್ ಸಾಮರ್ಥ್ಯ

2018ರ ಸೂಪರ್ ಸ್ಪ್ಲೆಂಡರ್ ಬೈಕ್ ಮಾದರಿಯು 124.7ಸಿಸಿ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ಪಡೆದುಕೊಂಡಿದ್ದು, 11.2ಬಿಹೆಚ್‍ಪಿ ಮತ್ತು 11ಎನ್ಎಂ ಟಾರ್ಕ್‍ಅನ್ನು ಬಿಡುಗಡೆ ಮಾಡುವ ಶಕ್ತಿಯನ್ನು ಪಡೆದಿದೆ.

ಜೊತೆಗೆ ಹೊಸ ಬೈಕ್ ಮಾದರಿಯಲ್ಲಿ ಹಿಂದಿನ ಮಾದರಿಗಿಂತ 1.87 ಬಿಹೆಚ್‍ಪಿ ಮತ್ತು 0.65 ಟಾರ್ಕ್ ಹೆಚ್ಚಿಸಲಾಗಿದ್ದು, ಹೀರೋ ಐ3ಎಸ್ ತಂತ್ರಜ್ಞಾನವನ್ನು ಸಹ ಜೋಡಣೆ ಹೊಂದಿದೆ.

ಹೊಸ ಬೈಕಿನ ಎಂಜಿನ್ ಅನ್ನು 4 ಸ್ಪೀಡ್ ಗೇರ್ ಬಾಕ್ಸಿಗೆ ಜೋಡಿಸಲಾಗಿದ್ದು, ಔಟ್‍‍ಗೋಯಿಂಗ್ ಮಾಡೆಲ್‍‍ಗಿಂತ 3 ಕಿಲೋಗ್ರಾಂ ಹೆಚ್ಚಾಗಿದ್ದು, ಒಟ್ಟಾರೆ 124 ಕಿಲೋಗ್ರಾಂ ತೂಕವನ್ನು ಪಡೆದಿದೆ.

ಸೂಪರ್ ಸ್ಪ್ಲೆಂಡರ್ 2018 ಬೈಕ್ ಇಂಜಿನ್ ಹೊರತುಪಡಿಸಿ ಹೊಸ ಸ್ಪೋರ್ಟಿಯರ್ ರೂಪ ಪಡೆದಂತ ಸೀಟ್‍‍ಗಳನ್ನು ಹೊಂದಿದ್ದು, ಯುವ ಗ್ರಾಹಕರನ್ನು ಸಹ ಸೆಳೆಯುವ ಎಲ್ಲಾ ಗುಣಲಕ್ಷಣಗಳನ್ನು ಹೊಂದಿರಲಿದೆ.

ಬೈಕಿನ ವೈಶಿಷ್ಟಯತೆಗಳು

ಬೈಕಿನ ಸಿಡ್ ಪ್ಯಾನೆಲ್‍‍ಗಳನ್ನು ಪುನರುತ್ತಾನಗೊಳಿಸಲಾಗಿದ್ದು, ಟೈಲ್ ಸೆಕ್ಷನ್ ಎಲ್ಇಡಿ ಟೈಲ್‍‍ಲೈಟ್ ಪಡೆದಿದೆ. ಇದರೊಂದಿಗೆ ಆಲ್ ಟೈಮ್ ಹೆಡ್‍‍ಲ್ಯಾಂಪ್, ಸೈಡ್ ಸ್ಟಾಂಡ್ ಇಂಡಿಕೇಟರ್, ಅಗಲವಾದ ರೀರ್ ಟೈರ್ ಮತ್ತು ಉದ್ದವಾದ ಸೀಟ್ ಶೇಕರಣೆ ಜೊತೆಗೆ ಲಾಕ್ ಮಾಡಬಹುದಾದ ಯುಲಿಟಿ ಬಾಕ್ಸ್ ಸಹ ಇರಲಿದೆ.

ಹೀರೋ ಸಂಸ್ಥೆಯು ಮತ್ತೆ ಮಾರುಕಟ್ಟೆಯಲ್ಲಿ ಸದ್ದು ಮಾಡಲು ತನ್ನ ಹೊಸ 2018ರ ಸೂಪರ್ ಸ್ಪ್ಲೆಂಡರ್ ಬೈಕನ್ನು ಬಿಡುಗಡೆ ಮಾಡಿದ್ದು, 125ಸಿಸಿ ಎಂಜಿನ್ ಸರಣಿಯ ಬೈಕುಗಳಿಗೆ ಪೈಪೋಟಿ ನೀಡಲಿದೆ.