ಮಹಿಳೆಯರ ಅಚ್ಚುಮೆಚ್ಚಿನ ಟಾಪ್ 5 ಸ್ಕೂಟರ್

ಟಿವಿಎಸ್ ಸ್ಕೂಟಿ ಸ್ಟ್ರೀಟ್

ದೇಶದ ಸ್ಕೂಟರ್ ತಯಾರಕ ಕಂಪನಿಗಳಲ್ಲಿ ಮುಂಚೂಣಿಯಲ್ಲಿರುವ ಟಿವಿಎಸ್‌ನ ಸ್ಕೂಟಿ ಬ್ರಾಂಡ್ ಅತಿ ಜನಪ್ರಿಯವೆನಿಸಿದೆ. ಸುಲಭವಾಗಿ ಹ್ಯಾಂಡ್ಲಿಂಗ್ ಮಾಡಬಹುದಾಗಿದ್ದರಿಂದ ಹೆಣ್ಣು ಮಕ್ಕಳು ಟಿವಿಎಸ್ ಸ್ಕೂಟಿ ಸ್ಟ್ರೀಟ್ ಸ್ಕೂಟರನ್ನು ಹೆಚ್ಚಾಗಿ ಇಷ್ಟಪಡುತ್ತಾರೆ. 90 ಸಿಸಿ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುವ ಸ್ಕೂಟಿ ಸ್ಪರ್ಧಾತ್ಮಕ ದರದಲ್ಲಿ ಅಂದರೆ 36.000 ರು.ಗಳಿಗೆ ಗ್ರಾಹಕರ ಕೈಸೇರುತ್ತದೆ.

ಟಿವಿಎಸ್ ಸ್ಕೂಟಿ ಪೆಪ್

ಇದು ಟಿವಿಎಸ್‌ನಿಂದಲೇ ನಿರ್ಮಾಣಗೊಂಡಿರುವ ಮತ್ತೊಂದು ಜನಪ್ರಿಯ ಸ್ಕೂಟರ್ ಆಗಿದೆ. ಕರೀನಾ ಕಪೂರ್ ಅವರಂತಹ ಸೆಕ್ಸಿ ಬೆಬೋಗಳನ್ನು ಪ್ರಚಾರ ರಾಯಭಾರಿಯನ್ನಾಗಿ ನೇಮಕ ಮಾಡುವ ಮೂಲಕ ಟಿವಿಎಸ್ ಪೆಪ್‌ಗೆ ಭಾರಿ ಪ್ರಚಾರವನ್ನೇ ನೀಡಿತ್ತು. ಸ್ಕೂಟರ್‌ಗಳ ಪೈಕಿ ಅತಿ ಜನಪ್ರಿಯವಾಗಿರುವ ಪೆಪ್ ಕೂಡಾ ಸ್ಕೂಟಿ ಸ್ಟ್ರೀಕ್ ತರಹನೇ 90 ಸಿಸಿ ಎಂಜಿನ್ ಹೊಂದಿದೆ. ಆದರೆ ಶೈಲಿಯಲ್ಲಿ ವಿಭಿನ್ನವಾಗಿರುವ ಪೆಪ್‌ಗೆ ಅನುಷ್ಕಾ ಶರ್ಮಾ ರೂಪದಲ್ಲಿ ನೂತನ ಬ್ರಾಂಡ್ ಅಂಬಾಸಿಡರ್ ನೇಮಕಗೊಂಡಿದ್ದಾರೆ. ಭಾರತೀಯ ಮಾರುಕಟ್ಟೆಯಲ್ಲಿ ಸ್ಕೂಟಿ ಪೆಪ್‌ಗೆ 41000 ರು.ಗಳಿವೆ.

ಯಮಹಾ ರೇ

ಜಪಾನ್ ಮೂಲಕ ಯಮಹಾ ಕಂಪನಿಯಿಂದ ದೇಶದಲ್ಲಿ ಬಿಡುಗಡೆಗೊಂಡ ಮೊದಲ ಸ್ಕೂಟರ್ ಯಮಹಾ ರೇ ಆಗಿದೆ. ವಿಶೇಷವಾಗಿಯೂ ಹೆಣ್ಣು ಮಕ್ಕಳಿಗಾಗಿ ರೂಪಿಸಲಾಗಿರುವ ಯಮಹಾ ರೇ ಎಕ್ಸ್ ಶೋ ದರ 46000 ರು.ಗಳಾಗಿವೆ. ಬಾಲಿವುಡ್ ಬೆಡಗಿ ದೀಪಿಕಾ ಪಡುಕೋಣೆ ಯಮಹಾ ರೇಯ ಪ್ರಧಾನ ಬ್ರಾಂಡ್ ಅಂಬಾಸಿಡರ್ ಆಗಿದ್ದಾರೆ.

ಹೊಂಡಾ ಡಿಯೊ

ಹೊಂಡಾ ಡಿಯೊ ಹೆಣ್ಣು ಮಕ್ಕಳು ಸೇರಿದಂತೆ ಹುಡುಗರಲ್ಲೂ ಹೆಚ್ಚು ಜನಪ್ರಿಯತೆ ಗಿಟ್ಟಿಸಿಕೊಂಡಿದೆ. ವಿಶ್ವಾಸಾರ್ಹ ನಿರ್ವಹಣೆ ಹಾಗೂ ವಿಶೇಷ ವಿನ್ಯಾಸಕ್ಕಾಗಿ ಹೊಂಡಾ ಡಿಯೊ ಹೆಚ್ಚಿನ ಗಮನ ಸೆಳೆದಿದೆ. 110 ಸಿಸಿ ಅಪ್‌ಗ್ರೇಡ್ ಎಂಜಿನ್ ಹೊಂದಿರುವ ಹೊಂಡಾ ಡಿಯೊ ಎಕ್ಸ್ ಶೋ ರೂಂ ದರ 46000 ರು.ಗಳಾಗಿವೆ.

ಮಹೀಂದ್ರ ಫ್ಲೈಟ್

ಹೆಣ್ಣು ಮಕ್ಕಳಿಗಾಗಿ ರಚಿಸಲಾದ ಪವರ್‌ಫುಲ್ ಸ್ಕೂಟರ್‌ಗಳ ಪೈಕಿ ಮಹೀಂದ್ರ ಫ್ಲೈಟ್ ಒಂದಾಗಿದೆ. 125 ಸಿಸಿ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುವ ಮಹೀಂದ್ರ ಫ್ಲೈಟ್ 8 ಬಿಎಚ್‌ಪಿ ಉತ್ಪಾದಿಸಲಿದೆ. ಐದು ಪೆಪ್ಪಿ ಕಲರ್ ಆಯ್ಕೆಗಳಲ್ಲಿ ಲಭ್ಯವಿರುವ ಮಹೀಂದ್ರ ಫ್ಲೈಟ್ ದೆಹಲಿ ಎಕ್ಸ್ ಶೋ ರೂಂ ದರ 41.200 ರು.ಗಳಾಗಿವೆ.

ಮೇಲೆ ಕೊಡಲಾದ ಎಲ್ಲ ಐದು ಸ್ಕೂಟರ್‌ಗಳು ಮಹಿಳೆಯರ ಪ್ರೀತಿಗೆ ಪಾತ್ರವಾಗಿದೆ.