ಸೊಗಸಾದ ಮತ್ತು ಪ್ರಬಲ ಟಿವಿಎಸ್ ಸ್ಕೂಟಿ ಜೆಸ್ಟ್ ಸ್ಕೂಟರ್ ಲಾಂಚ್

By Nagaraja

Published: Wednesday, August 20, 2014, 16:35 [IST]

ದೇಶದ ಮಾರುಕಟ್ಟೆಗೆ ಮಗದೊಂದು ಅತ್ಯಾಕರ್ಷಕ ಸ್ಕೂಟರ್‌ನ ಪರಿಚಯವಾಗಿದೆ. ಹೌದು, ಭಾರತದ ಮುಂಚೂಣಿಯ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿರುವ ಟಿವಿಎಸ್, ಸೊಗಸಾದ ಮತ್ತು ಪ್ರಬಲ ಸ್ಕೂಟಿ ಜೆಸ್ಟ್ 110 ಸಿಸಿ ಸ್ಕೂಟರನ್ನು ಬಿಡುಗಡೆಗೊಳಿಸಿದೆ.

ದರ ಮಾಹಿತಿ: 42,300 ರು. (ದೆಹಲಿ ಎಕ್ಸ್ ಶೋ ರೂಂ)

ಇದರೊಂದಿಗೆ ಐಕಾನಿಕ್ ಸ್ಕೂಟಿ ವಿಭಾಗಕ್ಕೆ ಮಗದೊಂದು ಸ್ಕೂಟರ್‌ನ ಸೇರ್ಪಡೆಯಾಗಿದೆ. ನೂತನ ಜೆಸ್ಟ್ 110 ಸಿಸಿ ಸ್ಕೂಟರ್ ಗ್ರಾಹಕರಿಗೆ ಅತ್ಯುತ್ತಮ ಸಮತೋಲನ, ನಿರ್ವಹಣೆ, ಚಾಲನಾ ಗುಟ್ಟಮಟ್ಟತೆ ಮತ್ತು ಉತ್ತಮ ಹ್ಯಾಂಡ್ಲಿಂಗ್ ನೀಡಲಿದೆ.

ಸೊಗಸಾದ ಮತ್ತು ಪ್ರಬಲ ಟಿವಿಎಸ್ ಸ್ಕೂಟಿ ಜೆಸ್ಟ್ ಸ್ಕೂಟರ್ ಲಾಂಚ್

ಹೊಸ ಟಿವಿಎಸ್ ಸ್ಕೂಟಿ ಜೆಸ್ಟ್, ತಾಜಾ ಹಾಗೂ ಆಧುನಿಕ ಸ್ಟೈಲಿಂಗ್, ರೋಮಾಂಚಕ ಗ್ರಾಫಿಕ್ಸ್‌ನೊಂದಿಗೆ ಕಣ್ಮಣ ಸೆಳೆಯುವ ಬಣ್ಣಗಳೊಂದಿಗೆ ಲಭ್ಯವಾಗಲಿದೆ.

ಟಿವಿಎಸ್‌ನ ಜನಪ್ರಿಯ ಸ್ಕೂಟಿ ಫ್ಯಾಮಿಲಿಯಿಂದ ಬಂದಿರುವ ಹೊಸ ಜೆಸ್ಟ್ ಸ್ಕೂಟರ್ 109.7 ಸಿಸಿ ಎಂಜಿನ್ ಪಡೆದುಕೊಳ್ಳಲಿದ್ದು, 11.1 ಸೆಕೆಂಡುಗಳಲ್ಲಿ ಗಂಟೆಗೆ 0-60 ಕೀ.ಮೀ. ಮೈಲ್ ವೇಗವರ್ಧಿಸುವ ಸಾಮರ್ಥ್ಯ ಹೊಂದಿರಲಿದೆ.

ಟಿವಿಎಸ್ ಸ್ಕೂಟಿ ಜೆಸ್ಟ್ 110 ಸ್ಕೂಟರ್ ಮಹಿಳಾ ಪ್ರಯಾಣಿಕರಿಗೆ ಆನಂದದೊಂದಿಗೆ ಅತ್ಯುತ್ತಮ ಚಾಲನಾ ಅನುಭವ ನೀಡಲಿದೆ. ಅದೇ ರೀತಿ ಸೀಟು ಕೆಳಗಡೆ 19 ಲೀಟರ್ ಸ್ಟೋರೆಜ್ ಜಾಗವಿರಲಿದೆ.

ಹೆಚ್ಚು ಉದ್ದಗಲದ ಡಬಲ್ ಸ್ಟಿಚ್ ಆರಾಮದಾಯಕ ಸೀಟು, ಟೆಲಿಸ್ಕಾಪಿಕ್ ಫ್ರಂಟ್ ಸಸ್ಪೆಷನ್, ಹೈಡ್ರಾಲಿಕ್ ಮೊನೊ ಶಾಕ್ ರಿಯರ್ ಸ್ಪ್ರಿಂಗ್ ಸಸ್ಪೆಷನ್ ಚಾಲಕರಿಗೆ ಒತ್ತಡ ರಹಿತ ಚಾಲನೆ ಪ್ರದಾನ ಮಾಡಲಿದೆ.

ವೈಶಿಷ್ಟ್ಯಗಳು

ಬ್ಯಾಕ್‌ಲಿಟ್ ಸ್ಪೀಡೋಮೀಟರ್,

ಹೊಸ ಎಲ್‌ಇಡಿ ಟೈಲ್ ಲ್ಯಾಂಪ್,

ಹೊಸ ಟ್ವಿಲೈಟ್ ಮ್ಯಾಪ್,

ಫ್ಲೋರ್ ಬೋರ್ಡ್,

ವೈಶಿಷ್ಟ್ಯಗಳು

ಪೈಂಟಡ್ ಸ್ವಿಚ್ ಪ್ಯಾನೆಲ್,

ಎಲೆಯಾಕಾರದ ಕನ್ನಡಿ,

ಕಾಂಪಾಕ್ಟ್ ಮಫ್ಲರ್,

ಸ್ಟೈನ್‌ಲೆಸ್ ಸ್ಟೀಲ್ ಗಾರ್ಡ್

ಇನ್ನು ಸೀಟು ಕೆಳಗಡೆ ಹಿಂತೆಗೆದುಕೊಳ್ಳಬಹುದಾದ ಬ್ಯಾಕ್ ಹೂಕ್ಸ್ ಸಹ ಆಳವಡಿಸಲಾಗಿದೆ. ಅದೇ ರೀತಿ ಹೆಚ್ಚು ಉಪಯುಕ್ತ ಓಪನ್ ಗ್ಲೋವ್ ಬಾಕ್ಸ್ ಸಹ ಇರಲಿದೆ.

ಮೈಲೇಜ್

ಸಂಸ್ಥೆಯ ಪ್ರಕಾರ ಹೊಸತಾದ ಟಿವಿಎಸ್ ಸ್ಕೂಟಿ ಜೆಸ್ಟ್ 110 ಸಿಸಿ ಸ್ಕೂಟರ್ ಪ್ರತಿ ಲೀಟರ್‌ಗೆ 62 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ. ಇದರಲ್ಲಿರುವ ಇಕೆನೊಮೀಟರ್ ಸೌಲಭ್ಯದಿಂದ ಇನ್ನು ಹೆಚ್ಚಿನ ಇಂಧನ ಕ್ಷಮತೆ ಗಿಟ್ಟಿಸಿಕೊಳ್ಳಬಹುದಾಗಿದೆ.