ಪಲ್ಸರ್ ಅಲೆ; ಮತ್ತೆರಡು ಮಾಡೆಲ್ ಸದ್ಯದಲ್ಲೇ ಲಾಂಚ್

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ದೇಶದಲ್ಲಿ ಅತಿ ಹೆಚ್ಚು ಯಶಸ್ಸು ಸಾಧಿಸಿರುವ ಪಲ್ಸರ್‌ನ ಎರಡು ನೂತನ ಮಾಡೆಲ್ ಲಾಂಚ್ ಮಾಡಲು ಬಜಾಜ್ ಆಟೋ ಯೋಜನೆ ರೂಪಿಸಿದೆ. ಪಲ್ಸರ್ ಸೇರಿದಂತೆ ಡಿಸ್ಕವರ್ ಆವೃತ್ತಿಗಳು ಸಹ ಆಗಮನವಾಗಲಿದೆ.

ಪಲ್ಸರ್ ದೇಶದ ನಂ.1 ಸ್ಪೋರ್ಟ್ಸ್ ಬೈಕಾಗಿದೆ. ಪ್ರಸಕ್ತ ಆರ್ಥಿಕ ಸಾಲಿನ ಮಧ್ಯಂತರ ಅವಧಿಯಲ್ಲಿ ಮತ್ತೆರಡು ಸೂಪರ್ ಸ್ಪೋರ್ಟ್ಸ್ ಬೈಕ್‌ಗಳನ್ನು ಲಾಂಚ್ ಮಾಡುವುದಾಗಿ ಕಂಪನಿ ತಿಳಿಸಿದೆ. ಅಂದರೆ ಮುಂದಿನ ಒಂದೆರಡು ತಿಂಗಳಲ್ಲಿ ಪಲ್ಸರ್ ನೂತನ ಮಾಡೆಲ್ ರಸ್ತೆಗಿಳಿಯಲಿದೆ.

ಈಗಾಗಲೇ ಪಲ್ಸರ್ 390 ಆಗಮನವಾಗುವುದು ಖಚಿತವಾಗಿದೆ. ಇದರ ಜತೆಗೆ ಸಬ್ ಪಲ್ಸರ್ 200 ಎನ್‌ಎಸ್ ಮಾಡೆಲ್ ಕೂಡಾ ಎಂಟ್ರಿ ಕೊಡುವ ಸಾಧ್ಯತೆಯಿದೆ. ಇದರ ಜತೆಗೆ ಮುಂದಿನ ಕೆಲವು ತಿಂಗಳೊಳಗೆ ಡಿಸ್ಕವರ್‌ನ ಹಲವು ಪ್ರಯಾಣಿಕ ಮಾದರಿಗಳನ್ನು ಪರಿಚಯಿಸುವುದಾಗಿ ಕಂಪನಿ ತಿಳಿಸಿದೆ.