ಬರುತ್ತಿದೆ ಇನ್ನೊಂದು ಮೈಲೇಜ್ ಬೈಕ್ ಸ್ಲ್ಪೆಂಡರ್ ಐ-ಸ್ಮಾರ್ಟ್

ದೇಶದ ಅತಿ ದೊಡ್ಡ ವಾಹನ ತಯಾರಕ ಸಂಸ್ಥೆಯಾಗಿರುವ ಹೀರೊ ಮೊಟೊಕಾರ್ಪ್, ತನ್ನ ಜನಪ್ರಿಯ ಸ್ಪ್ಲೆಂಡರ್ ಆವೃತ್ತಿಯ ನೂತನ ಐ-ಸ್ಮಾರ್ಟ್ ವರ್ಷನ್ ಸದ್ಯದಲ್ಲೇ ಬಿಡುಗಡೆ ಮಾಡಲಿದೆ. ಇದರಂತೆ ಬಿಡುಗಡೆ ಮುನ್ನವೇ ದರ ಇತ್ಯಾದಿ ಕುತೂಹಲಕಾರಿ ಮಾಹಿತಿಗಳು ಲೀಕ್ ಆಗಿವೆ.

ಬಲ್ಲ ಮೂಲಗಳ ಪ್ರಕಾರ ಸ್ಪ್ಲೆಂಡರ್ ಐ-ಸ್ಮಾರ್ಟ್ 2014 ಜನವರಿ 29ರಂದು ಲಾಂಚ್ ಆಗಲಿದೆ. ಇದರ ಎಕ್ಸ್ ಶೋ ರೂಂ ದರ 57.200 ರು.ಗಳಾಗಿರಲಿದೆ. ಇದು ಟಾಪ್ ಎಂಡ ಸ್ಪ್ಲೆಂಡರ್ ಆವೃತ್ತಿಗಿಂತಲೂ 2000 ರು.ಗಳಷ್ಟು ದುಬಾರಿಯಾಗಿರಲಿದೆ. ಹಾಗೆಯೇ ಬುಕ್ಕಿಂಗ್ ಮಾಡಿದ ಒಂದೆರೆಡು ವಾರಗಳಲ್ಲಿ ಗ್ರಾಹಕರ ಕೈ ಸೇರಲಿದೆ.

ಹೊಸತಾದ ಬಾಡಿ ಗ್ರಾಫಿಕ್ಸ್, ಎಲೆಕ್ಟ್ರಿಕ್ ಸ್ಟಾರ್ಟ್, ಇನ್ಸ್ಟ್ರುಮೆಂಟ್, ಕಪ್ಪು ವರ್ಣದ ಅಲಾಯ್ ವೀಲ್, ಪವರ್ ಸ್ಟಾರ್ಟ್ ಮತ್ತು ಸ್ಟೈಲಿಷ್ ಮೀಟರ್ ಕನ್ಸೋಲ್‌ಗಳಂತಹ ಆಕರ್ಷಕ ಫೀಚರ್ಸ್‌ಗಳನ್ನು ನೂತನ ಬೈಕ್ ಪಡೆಯಲಿದೆ. ಇನ್ನುಳಿದಂತೆ 97.2 ಸಿಸಿ, ಸಿಂಗಲ್ ಸಿಲಿಂಡರ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ. ಇದು 7.8 ಪಿಎಸ್ ಪವರ್ (8.04 ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಬಜಾಜ್‌ನ ಡಿಸ್ಕವರ್ 100ಎಂ ಆವೃತ್ತಿಗೆ ಪೈಪೋಟಿ ಒಡ್ಡಲಿದೆ.