ಅಕ್ಷಯ್ ಭೇಟಿಯಾಗಲಿರುವ ಡ್ರೀಮ್ ನಿಯೋ ಸೂಪರ್ ಸ್ಟಾರ್ ವಿಜೇತರು

ಹೆಚ್ಚಿನ ಸಂಖ್ಯೆಯ ಡ್ರೀಮ್ ಬೈಕ್ ಗ್ರಾಹಕರ ಪಾಲುದಾರಿಕೆಯನ್ನು ಗುರಿಯಿರಿಸಿಕೊಂಡಿದ್ದ ಹೋಂಡಾ ಮೋಟಾರ್‌ಸೈಕಲ್ ಆಂಡ್ ಸ್ಕೂಟರ್ ಇಂಡಿಯಾ (ಎಚ್‌ಎಂಎಸ್‌ಐ) ಸಂಸ್ಥೆಯು ಇತ್ತೀಚೆಗಷ್ಟೇ ದೇಶದ್ಯಾಂತ ಡ್ರೀಮ್ ನಿಯೋ ಸೂಪರ್ ಬೈಕ್ ಸ್ಪರ್ಧೆಯನ್ನು ಏರ್ಪಡಿಸಿತ್ತು.

ಇದರಂತೆ ದೆಹಲಿ ಮೂಲದ ಸುಧೀರ್ ಕುಮಾರ್ ವಿಜೇತರಾಗಿ ಹೊರಹೊಮ್ಮಿದ್ದಾರೆ. ಸುಧೀರ್ ಜೊತೆ ಜೊತೆಗೆ ಒಟ್ಟು 20 ವಿಜೇತರನ್ನು ಘೋಷಿಸಲಾಗಿದೆ.

ಸಂಸ್ಥೆಯು ಪ್ರಕಟಣೆಯಲ್ಲಿ ತಿಳಿಸಿರುವ ಪ್ರಕಾರ, ಹೋಂಡಾ ಡ್ರೀಮ್ ನಿಯೋ ಸೂಪರ್ ಸ್ಟಾರ್ ಸ್ಪರ್ಧೆಗೆ ದೇಶದಿಂದ ವ್ಯಾಪಕ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಒಟ್ಟಾರೆಯಾಗಿ 10,000ಕ್ಕೂ ಹೆಚ್ಚು ಮಂದಿ ಹೆಸರು ನೊಂದಾಯಿಸಿಕೊಂಡಿದ್ದರು.

ಈ ಮೂಲಕ ಹೋಂಡಾ ತನ್ನ ಜನಪ್ರಿಯ ಪ್ರಯಾಣಿಕ ಬೈಕ್ ಡ್ರೀಮ್ ನಿಯೋ ಯಶಸ್ಸನ್ನು ಆಚರಿಸಿಕೊಂಡಿದೆ. ಇದು 100ರಿಂದ 110ಸಿಸಿ ಪ್ರಯಾಣಿಕ ಬೈಕ್‌ಗಳಲ್ಲಿ ಹೆಚ್ಚು ಮನ್ನಣೆಗೆ ಪಾತ್ರವಾಗಿದೆ.