ಇಗೊ ಬಂದಿದೆ ಸುಜುಕಿ ನ್ಯೂ ಜನರೇಷನ್ ಹಯಾಟೆ

ದೇಶದ ಮುಂಚೂಣಿಯ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಗಳಲ್ಲಿ ಒಂದಾಗಿರುವ ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ (ಎಸ್‌ಎಂಐಪಿಎಲ್), ದೇಶದ ಮಾರುಕಟ್ಟೆಗೆ ಹೊಸತಾದ ನ್ಯೂ ಜನರೇಷನ್ ಹಯಾಟೆ ಬೈಕನ್ನು ಬಿಡುಗಡೆಗೊಳಿಸಿದೆ.

ಸುಜುಕಿ ಇಂಡಿಯಾ ಪೈಕಿ ಅತಿ ಹೆಚ್ಚು ಮಾರಾಟ ಗಿಟ್ಟಿಸಿಕೊಂಡಿರುವ ಬೈಕ್ ಆಗಿರುವ ಹೊಸ ಹಯಾಟೆದಲ್ಲಿ ಕ್ರಾಂತಿಕಾರಿ ಬದಲಾವಣೆ ತರಲಾಗಿದ್ದು, ಆಕರ್ಷಣೆ, ಅನುಕೂಲತೆ ಮತ್ತು ನಯವಾದ ಚಾಲಣೆಯತ್ತ ಹೆಚ್ಚಿನ ಗಮನ ಕೇಂದ್ರಿಕರಿಸಲಾಗಿದೆ.

ಹಾಗಿದ್ದರೂ ಹೊಸ ಹಯಾಟೆ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ತರಲಾಗಿಲ್ಲ. ಇದು 4 ಸ್ಟ್ರೋಕ್, 112 ಸಿಸಿ ಎಂಜಿನ್ ಪಡೆದುಕೊಂಡಿದ್ದು, ಗಮನಾರ್ಹ ಮೈಲೇಜ್ ನೀಡಲಿದೆ. 2014 ಸೆಪ್ಟೆಂಬರ್ 3ರಿಂದ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿರುವ ಹೊಸ ಹಯಾಟೆ ದೆಹಲಿ ಎಕ್ಸ್ ಶೋ ರೂಂ ದರ 44,969 ರು.ಗಳಾಗಿದೆ.