ಸೈಕಲ್ ತುಳಿತದಿಂದ ದಣಿವಾಗಿದೆಯೇ? ಅತ್ಯಾಧುನಿಕ ಇ-ಬೈಕ್ ನಿಮ್ಮದಾಗಿಸಿ

ಪಿನಿನ್ ಫರಿನಾ ವಿನ್ಯಾಸಿತ ಈ ಕರಕುಶಲ ಸೈಕಲ್ ಅಭಿವೃದ್ಧಿಯಲ್ಲಿ 43 ಮಿಲನೊ ಕರಕುಶಲ ಕೆಲಸಗಾರರು ಪ್ರಮುಖ ಪಾತ್ರ ವಹಿಸಿದ್ದಾರೆ. ಈ ಐಷಾರಾಮಿ ಸೈಕಲ್ ನಲ್ಲಿ ಮೈಕ್ರೋ ಎಂಜಿನ್ ಆಳವಡಿಸಲಾಗಿದೆ.

ನಾವೀನ್ಯತೆಯ ಸಂಕೇತವಾಗಿರುವ ಈ ಪೆಡಲ್ ಪುಶರ್ ಸೈಕಲ್ ಯಾವುದೇ ಪರಿಸ್ಥಿತಿಯಲ್ಲೂ ಸುಲಭವಾದ ಚಾಲನೆಯನ್ನು ಒದಗಿಸಲಿದೆ.

ನಗರದಲ್ಲಿ ಫಿನಿನ್ ಫರಿನಾ ಸೈಕಲ್ ಹ್ಯಾಂಡಲ್ ಮಾಡುವುದು ಸರಳವಾಗಿದ್ದು, ಪ್ರವಾಸದ ಅಗತ್ಯಗಳನ್ನು ಪೂರೈಸಲಿದೆ ಎಂದು ತಯಾರಕರು ಅಭಿಪ್ರಾಯಪಡುತ್ತಾರೆ.

ನೈಜ ಲೆಥರ್ ಪರಿಕರಗಳೊಂದಿಗೆ ಇದರ ಹ್ಯಾಂಡಲ್ ಬಾರ್ ಹಾಗೂ ಸೀಟು ಮುಂತಾದ ಭಾಗಗಳನ್ನು ಅಭಿವೃದ್ಧಿಪಡಿಸಲಾಗಿದೆ.

ಪರಿಸರ ಸ್ನೇಹಿ ಎಂಬ ಬಿರುದಿಗೆ ಪಾತ್ರವಾಗಿರುವ ಈ ಸೈಕಲ್ ಅನ್ನು 1936ರ ಪಿನಿನ್ ಫರಿನಾ ಲಾನ್ಸಿಯಾ ಅಸ್ಟುರಾ ಬೊಕ್ಕಾಸ್ ನಿಂದ ಸ್ಪೂರ್ತಿ ಪಡೆದು ರಚಿಸಲಾಗಿದೆ.

ಇದರಲ್ಲಿ ಎಲೆಕ್ಟ್ರಿಕ್ ಮೋಟಾರು ಕೂಡಾ ಆಳವಡಿಸಲಾಗಿದ್ದು, ಪೆಡಲ್ ತುಳಿಯುವ ವೇಳೆ ಸ್ವಯಂಚಾಲಿತವಾಗಿ ಇದರಲ್ಲಿರುವ ಲಿಥಿಯಂ ಇಯಾನ್ ಬ್ಯಾಟರಿ ರಿಚಾರ್ಜ್ ಆಗಲಿದೆ.

ಇದಕ್ಕಾಗಿ ಜೆಹೂಸ್ (Zehus) ಬೈಕ್ ಪ್ಲಸ್ ತಂತ್ರಜ್ಞಾನವನ್ನು ಆಳವಡಿಸಲಾಗಿದ್ದು, ನಿಮ್ಮ ದೈನಂದಿನ ಪಯಣದಲ್ಲಿ ಸ್ವಯಂಚಾಲಿತವಾಗಿ ರಿಚಾರ್ಜ್ ಆಗುವ ಮೂಲಕ ನಿಮ್ಮ ಪೆಡಲಿಂಗ್ ದಣಿವನ್ನು ಕಡಿಮೆ ಮಾಡಲಿದೆ.

ಒಟ್ಟಾರೆಯಾಗಿ ಸಂಪೂರ್ಣ ನಾವೀನ್ಯ ತಂತ್ರಜ್ಞಾನವನ್ನು ಆಳವಡಿಸಲಾಗಿದ್ದು, ಸೀಮಿತ 30 ಯುನಿಟ್ ಗಳಷ್ಟು ಮಾತ್ರ ನಿರ್ಮಾಣವಾಗಲಿದೆ.