ಸದ್ದಿಲ್ಲದೆ ಬಜಾಜ್ ಡಿಸ್ಕವರ್ 100, 100ಎಂ, 125 ಎಂ ಮಾರಾಟ ನಿಲುಗಡೆ

By Nagaraja

Published: Thursday, October 29, 2015, 16:17 [IST]

ಸದ್ದಿಲ್ಲದೆ ಡಿಸ್ಕವರ್ 100, ಡಿಸ್ಕವರ್ 100ಎಂ ಮತ್ತು ಡಿಸ್ಕವರ್ 125 ಎಂ ಮಾದರಿಗಳ ಮಾರಾಟವನ್ನು ಬಜಾಜ್ ಆಟೋ ನಿಲುಗಡೆಗೊಳಿಸಿದೆ. ಹಾಗಿದ್ದರೂ ಇತರ ಡಿಸ್ಕವರ್ ಶ್ರೇಣಿಯ ಬೈಕ್ ಗಳೊಂದಿಗೆ ಮಾರಾಟ ಮುಂದುವರಿಯಲಿದೆ.

ಪ್ರಸ್ತುತ ಬಜಾಜ್ ಆಟೋ ಅಧಿಕೃತ ವೆಬ್ ಸೈಟ್ ನಲ್ಲಿ ಡಿಸ್ಕವರ್ 125, ಡಿಸ್ಕವರ್ 150 ಎಸ್ ಮತ್ತು ಡಿಸ್ಕವರ್ 150 ಎಫ್ ಬೈಕ್ ಗಳು ಮಾತ್ರ ಮಾರಾಟಕ್ಕೆ ಲಭ್ಯವಾಗಲಿದೆ. ಈ ಹಿಂದೆ ಆರು ಶ್ರೇಣಿಯ ಡಿಸ್ಕವರ್ ಬೈಕ್ ಗಳು ಮಾರಾಟದಲ್ಲಿತ್ತು.

ಕಳಪೆ ಮಾರಾಟದ ಹಿನ್ನೆಲೆಯಲ್ಲಿ ಹಾಗೂ ನೂತನ ಡಿಸ್ಕವರ್ ಶ್ರೇಣಿಯ ಬೈಕ್ ಗಳ ತಾಜಾತನ ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಮೇಲೆ ತಿಳಿಸಿದ ಡಿಸ್ಕವರ್ ಬೈಕ್ ಗಳ ಮಾರಾಟಕ್ಕೆ ಕತ್ತರಿ ಪ್ರಯೋಗ ಮಾಡಲಾಗಿದೆ ಎಂಬುದು ತಿಳಿದು ಬಂದಿದೆ.

ಪ್ರಮುಖವಾಗಿಯೂ ದೇಶದ ಮಧ್ಯಮ ವರ್ಗದ ಜನರನ್ನು ಗುರಿಯಾರಿಸಿಕೊಂಡಿರುವ ಡಿಸ್ಕವರ್, ಪ್ರಯಾಣಿಕ ಬೈಕ್ ಸಾಲಿನಲ್ಲಿ ಕಂಡುಕೊಂಡಿದೆ. ಅಚ್ಚರಿಯೆಂಬಂತೆ ಪ್ಲಾಟಿನಾ 100 ಇಎಸ್ ಮತ್ತು ಸಿಟಿ 100 ಮಾದರಿಗಳ ಮಾರಾಟ ಮುಂದುವರಿಸಿರುವುದು ಕುತೂಹಲಕ್ಕೆ ಎಡೆ ಮಾಡಿಕೊಟ್ಟಿದೆ.

ಹೊಸ ಶ್ರೇಣಿಯ ಪಲ್ಸರ್ ಹಾಗೂ ಅವೆಂಜರ್ ಬೈಕ್ ಗಳನ್ನು ಬಿಡುಗಡೆ ಮಾಡಿರುವ ಬಜಾಜ್ ಆಟೋ, ನಿರ್ವಹಣಾ ವಿಭಾಗದ ಬೈಕ್ ಗಳಲ್ಲಿಯೂ ಹೆಚ್ಚು ಗಮನ ಕೇಂದ್ರಿಕರಿಸಿದೆ. ಈ ಎಲ್ಲದರ ಸಂಪೂರ್ಣ ವರದಿಗಾಗಿ ಕೆಳಗಡೆ ಕೊಟ್ಟಿರುವ ಲಿಂಕ್ ಕ್ಲಿಕ್ಕಿಸಿರಿ.

ಬಜಾಜ್ ಅವೆಂಜರ್ ಕ್ರೂಸ್ 220, ಸ್ಟ್ರೀಟ್ 220, ಸ್ಟ್ರೀಟ್ 150 ಬಿಡುಗಡೆ ಮುಂದಕ್ಕೆ ಓದಿ

ಬಜಾಜ್ ಪಲ್ಸರ್ ಎಎಸ್150 ಮತ್ತು ಎಎಸ್200 ಭರ್ಜರಿ ಬಿಡುಗಡೆ ಮುಂದಕ್ಕೆ ಓದಲು ಕ್ಲಿಕ್ ಮಾಡಿರಿ