ಬಜಾಜ್‌ ಬಂಪರ್; ಮುಂಬರುವ 6 ತಿಂಗಳಲ್ಲಿ 6 ಹೊಸ ಮಾದರಿ

ದೇಶಕ್ಕೆ ನಂ.1 ಕ್ರೀಡಾ ಬೈಕ್ ಪಲ್ಸರ್‌ಗಳಂತಹ ಜನಪ್ರಿಯ ಮಾದರಿಗಳನ್ನು ದೇಶಕ್ಕೆ ಕೊಡುಗೆಯಾಗಿ ನೀಡಿರುವ ಬಜಾಜ್ ಆಟೋ, ಮುಂಬರುವ ಆರು ತಿಂಗಳಲ್ಲಿ ಆರು ಹೊಸ ಉತ್ಪನ್ನಗಳನ್ನು ಪರಿಚಯಿಸುವ ಯೋಜನೆ ಹೊಂದಿದೆ.

ಈ ಮೂಲಕ ಕಳೆಗುಂದಿರುವ ಮಾರಾಟಕ್ಕೆ ಉತ್ತೇಜನ ನೀಡುವುದರೊಂದಿಗೆ ಭರ್ಜರಿ ಪುನರಾಗಮನದ ನಿರೀಕ್ಷೆಯನ್ನಿಟ್ಟುಕೊಂಡಿದೆ.

ಇದನ್ನು ಖಚಿತಪಡಿಸಿರುವ ಬಜಾಜ್ ಆಟೋ ಅಧ್ಯಕ್ಷ (ವಾಣಿಜ್ಯ ಅಭಿವೃದ್ಧಿ ಹಾಗೂ ಖಾತರಿ) ಎಸ್ ರವಿಕುಮಾರ್, "ಮುಂದಿನ ಆರು ತಿಂಗಳ ವರೆಗೂ ಪ್ರತಿ ತಿಂಗಳಲ್ಲೂ ಹೊಸ ಮಾದರಿ ಬಿಡುಗಡೆಯಾಗಲಿದೆ" ಎಂದಿದ್ದಾರೆ.

ಬಜಾಜ್ ಸಂಸ್ಥೆಯು ತನ್ನ ಜನಪ್ರಿಯ ಬ್ರಾಂಡ್ ಪಲ್ಸರ್ ಮೇಲೆ ಅತಿ ಹೆಚ್ಚು ನೆಚ್ಚಿಕೊಂಡಿದೆ. ಈ ಹಿನ್ನೆಲೆಯಲ್ಲಿ ಪಲ್ಸರ್ ಪರಿಷ್ಕೃತ ಮಾದರಿಗಳು ಸದ್ಯದಲ್ಲೇ ಎಂಟ್ರಿ ಕೊಡಲಿದೆ ಎಂಬುದು ಬಹುತೇಕ ಖಚಿತವಾಗಿದೆ.