ಡಿಎಸ್‌ಕೆ ಬೆನೆಲ್ಲಿ 5 ಬೈಕ್ಸ್ ಬಿಡುಗಡೆ; ಪ್ರಾರಂಭಿಕ ಬೆಲೆ 2.83 ಲಕ್ಷ ರು.

By Nagaraja

Published: Thursday, March 19, 2015, 14:29 [IST]

ಇಟಲಿಯ ಮಗದೊಂದು ಐಕಾನಿಕ್ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಬೆನೆಲ್ಲಿ ಸಂಸ್ಥೆಯು ಭಾರತಕ್ಕೆ ಭರ್ಜರಿ ಎಂಟ್ರಿ ಕೊಟ್ಟಿದೆ. ಡಿಎಸ್‌ಕೆ ಮುಖಾಂತರ ಭಾರತ ಪ್ರವೇಶ ಪಡೆದಿರುವ ಬೆನೆಲ್ಲಿ ದೇಶದಲ್ಲಿ ಐದು ಹೊಸ ಮಾದರಿಗಳನ್ನು ಬಿಡುಗಡೆ ಮಾಡಿದೆ. ಅವುಗಳೆಂದರೆ,

ಟಿಎನ್‌ಟಿ 302
ಟಿಎನ್‌ಟಿ 600 ಐ
ಟಿಎನ್‌ಟಿ 600 ಜಿಟಿ
ಟಿಎನ್‌ಟಿ 899
ಟಿಎನ್‌ಟಿಆರ್ (1130)

ಬೆಲೆ ಮಾಹಿತಿ (ಎಕ್ಸ್ ಶೋ ರೂಂ ದೆಹಲಿ)

ಟಿಎನ್‌ಟಿ 302 - 2.83 ಲಕ್ಷ ರು.
ಟಿಎನ್‌ಟಿ 600 ಐ - 5.15 ಲಕ್ಷ ರು.
ಟಿಎನ್‌ಟಿ 600 ಜಿಟಿ - 5.62 ಲಕ್ಷ ರು.
ಟಿಎನ್‌ಟಿ 899 - 9.48 ಲಕ್ಷ ರು.
ಟಿಎನ್‌ಟಿಆರ್ (1130) - 11.81 ಲಕ್ಷ ರು.

ವಾಹನ ವಿಮರ್ಶಕರ ಪ್ರಕಾರ ಬೆನೆಲ್ಲಿ 300 ಹಾಗೂ 600 ಸಿಸಿ ಬೈಕ್‌ಗಳಿಗೆ ದೇಶದಲ್ಲಿ ಅತ್ಯುತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಲಿದೆ. ಯಾಕೆಂದರೆ ಇದರ ಏಕ್ಸ್ ಶೋ ರೂಂ ಬೆಲೆ ಅನುಕ್ರಮವಾಗಿ 2.88 ಹಾಗೂ 5.15 ಲಕ್ಷ ರು.ಗಳಿಷ್ಟಿದೆ. ಬೆಳೆದು ಬರುತ್ತಿರುವ ಭಾರತ ಮಾರುಕಟ್ಟೆಯಲ್ಲಿ ಹೈ ಎಂಡ್ ಮೋಟಾರುಸೈಕಲ್‌ಗಳಿಗೂ ಬೇಡಿಕೆ ಹೆಚ್ಚುತ್ತಲೇ ಇದೆ.

ಕಂಪ್ಲೀಟ್ ನೌಕ್ಡ್ ಡೌನ್ (ಸಿಕೆಡಿ) ಮುಖಾಂತರ ದೇಶ ಪ್ರವೇಶಿಸಲಿರುವ ಬೆನೆಲ್ಲಿ ಬೈಕ್‌ಗಳು ಪ್ರಸಕ್ತ ಸಾಲಿನಲ್ಲಿ 3000 ಯುನಿಟ್‌ಗಳನ್ನು ಮಾರಾಟದ ಗುರಿಯಿರಿಸಿಕೊಂಡಿದೆ. ಈ ನಿಟ್ಟಿನಲ್ಲಿ ಡಿಎಸ್‌ಕೆ ಬೆನೆಲ್ಲಿ ಶೋ ರೂಂಗಳು ಕಾರ್ಯ ನಿರ್ವಹಿಸಲಿದೆ. ನಿಮ್ಮ ಮಾಹಿತಿಗಾಗೆ ನಾಳೆ ಶುಕ್ರವಾರ (ಫೆ. 19ರಂದು) ಬೆನೆಲ್ಲಿ ಎಕ್ಸ್ ಕ್ಲೂಸಿವ್ ಶೋ ರೂಂ ಬೆಂಗಳೂರಿನಲ್ಲಿ ಉದ್ಘಾಟನೆಗೊಳ್ಳಲಿದೆ. ಇದೇ ಸಂದರ್ಭದಲ್ಲಿ ಈ ಎಲ್ಲ ಐದು ಬೈಕ್‌ಗಳ ಪ್ರದರ್ಶನವಾಗಲಿದೆ. ಅಂತೆಯೇ ಪ್ರಸಕ್ತ ಸಾಲಿನಲ್ಲೇ 20 ಡೀಲರ್‌ಶಿಪ್‌ಗಳನ್ನು ತೆರೆಯುವ ಯೋಜನೆ ಹೊಂದಿದೆ. ಈ ಪೈಕಿ ಬೆಂಗಳೂರು, ಪುಣೆ, ದೆಹಲಿ, ಮುಂಬೈ, ಚೆನ್ನೈ, ಅಹಮಾಬಾದ್, ಕೋಲ್ಕತ್ತಾ, ಗೋವಾ ಸೇರಿದ ಒಂಬತ್ತು ಶೋ ರೂಂ ಬಾಗಿಲು ತೆರೆದುಕೊಳ್ಳಲು ಸಜ್ಜಾಗಿ ನಿಂತಿದೆ.