ರಾಯಲ್ ಎನ್ ಫೀಲ್ಡ್ ಡಿಸ್ಪಾಚ್ ವಿಶೇಷ ಆವೃತ್ತಿ ಬಿಡುಗಡೆ

ನೂತನ ಡಿಸ್ಪಾಚ್ ಮಾದರಿಗಳು ಭಾರತೀಯ ಮಾರುಕಟ್ಟೆಯಲ್ಲಿ 2.24 ಲಕ್ಷ ರು. ಗಳಷ್ಟು (ಎಕ್ಸ್ ಶೋ ರೂಂ ಮುಂಬೈ) ದುಬಾರಿಯೆನಿಸಲಿದೆ.

ವಿಶಿಷ್ಟ ಹಾಲ್ ಮಾರ್ಕ್ ಗಳು ನೂತನ ಮಾದರಿಗಳ ಪ್ರತಿಷ್ಠೆಯನ್ನು ಮತ್ತಷ್ಟು ಹೆಚ್ಚಿಸಲಿದ್ದು, ವೈಯಕ್ತಿಕ ಸ್ಪರ್ಶ ವನ್ನು ತುಂಬಲಿದೆ.

ಸೀಟುಗಳು ಸಹ ವಿಶೇಷವೆನಿಸಿದ್ದು, ನೈಜ ಇಟಲಿಯನ್ ಲೆಥರ್ ನಿಂದ ನಿರ್ಮಿಸಲಾಗಿದೆ.

ಬದಿಯಲ್ಲಿ ಏರ್ ಫಿಲ್ಟರ್ ಬಾಕ್ಸ್ ಕಾಣಬಹುದಾಗಿದ್ದು, ಕಪ್ಪು ವರ್ಣದ ಇದನ್ನು ಗುಣಮಟ್ಟದ ಲೆಥರ್ ಬೆಲ್ಟ್ ಸುತ್ತುವರಿದಿದೆ.

ತಮ್ಮ ವ್ಯಕ್ತಿತ್ವವನ್ನು ತೋರಿಸುವ ನಿಟ್ಟಿನಲ್ಲಿ ವಿಶೇಷ ಶೈಲಿಯ ಎಕ್ಸಾಸ್ಟ್ ಕೊಳವೆಗಳನ್ನು ಕೊಡಲಾಗಿದೆ.

ಸಾಮಾನ್ಯ ರಾಯಲ್ ಎನ್ ಫೀಲ್ಡ್ ಬೈಕ್ ಗಿಂತಲೂ ವಿಭಿನ್ನವಾಗಿ ಅತ್ಯಂತ ಕಡಿಮೆ ಕ್ರೋಮ್ ಬಳಕೆ ಮಾಡಲಾಗಿದೆ.

ರಾಯಲ್ ಎನ್ ಫೀಲ್ಡ್ ಅತಿ ಪುರಾತನ ಕ್ಲಾಸಿಕ್ ಶೈಲಿಯ ಇನ್ಸ್ಟ್ರುಮೆಂಟ್ ಗೇಜ್ ಕಾಯ್ದುಕೊಳ್ಳಲಾಗಿದೆ. ಇದು ವಿಶ್ವ ಪ್ರಸಿದ್ಧ ಬೈಕ್ ನ ಸರಳತೆಗೆ ಕಾರಣವಾಗಲಿದೆ.

ಇನ್ನು ಅನುಕೂಲತೆಗೂ ಹೆಚ್ಚಿನ ಆದ್ಯತೆಯನ್ನು ಕೊಡಲಾಗಿದ್ದು ತನ್ನ ಮಾದರಿಗಳಲ್ಲಿ ಗ್ಯಾಸ್ ಶಾಕ್ಸ್ ಬಳಕೆ ಮಾಡಲಾಗಿದೆ.

ಒಟ್ಟಾರೆ ವಿನ್ಯಾಸವನ್ನು ಎನ್ ಫೀಲ್ಡ್ ಪ್ರತಿಷ್ಠೆಯನ್ನು ಹೆಚ್ಚಿಸಲಿದೆ. ಇದರ ಎರಡು ವಿಶಿಷ್ಟ ಮೈಬಣ್ಣವು ಪ್ರಮುಖ ಆಕರ್ಷಣೆಯಾಗಿರಲಿದೆ.

ಹಾಗೊಂದು ವೇಳೆ ನಿಮಗೂ ಇಷ್ಟವಾದ್ದಲ್ಲಿ ಆನ್ ಲೈನ್ ಮುಖಾಂತರ ಖರೀದಿಸಬಹುದಾಗಿದೆ. ಇಲ್ಲಿ ಡಿಸ್ಪಾಚ್ ಎಕ್ಸ್ ಕ್ಲೂಸಿವ್ ಜಾಕೆಟ್, ಶರ್ಟ್, ಶೂ, ಹೆಲ್ಮೆಟ್ ಮತ್ತು ಇತ್ಯಾದಿ ಆಕ್ಸೆಸರಿಗಳು ಸಹ ಲಭ್ಯವಾಗಲಿದೆ.

ಅಂದ ಹಾಗೆ 2015 ಜುಲೈ 15ರಿಂದ ಈ ಎರಡು ಮೋಟಾರ್ ಸೈಕಲ್ ಗಳು ಬುಕ್ಕಿಂಗ್ ಗೆ ಲಭ್ಯವಾಗಲಿದೆ. ತಾಜಾ ಸುದ್ದಿಗಾಗಿ ನಮ್ಮ ಫೇಸ್ ಬುಕ್ ಪುಟಕ್ಕೊಂದು ಲೈಕ್ ಒತ್ತಿರಿ.