ಇಂಡಿಯಾ ಬೈಕ್ ವೀಕ್‌ನಲ್ಲಿ ಶೆಲ್ ಎಂಜಿನ್ ಆಯಿಲ್

ಗೋವಾದ ವ್ಯಾಗಟಾರ್ ಸಮುದ್ರ ತೀರ ಪ್ರದೇಶದಲ್ಲಿ 2015 ಇಂಡಿಯಾ ಬೈಕ್ ವೀಕ್ ಯಶಸ್ವಿಯಾಗಿ ಆಯೋಜನೆಗೊಂಡಿದೆ. ಇಲ್ಲಿ ಅನೇಕ ವಾಹನ ತಯಾರಕ ಸಂಸ್ಥೆಗಳಿಂದ ಹೊಸ ಹೊಸ ಮಾದರಿಗಳು ಸಹ ಪ್ರದರ್ಶನಗೊಂಡಿವೆ.

ಹಾಗಿರುವಾಗ ಮುಂಚೂಣಿಯ ವಾಹನ ಆಯಿಲ್ ಹಾಗೂ ಲ್ಯೂಬ್ರಿಕ್ಯಾಂಟ್ (ಕೀಲೆಣ್ಣೆ) ಸಂಸ್ಥೆಯಾಗಿರುವ ಶೆಲ್, ಅತ್ಯಂತ ಆಧುನಿಕ ಎಂಜಿನ್ ಆಯಿಲ್ ಪರಿಚಯಿಸಿದೆ.

ಈ ಸಂದರ್ಭದಲ್ಲಿ ಮಾತನಾಡಿರುವ ಶೆಲ್ ಲ್ಯೂಬ್ರಿಕ್ಯಾಂಟ್ಸ್ ಇಂಡಿಯಾ ವ್ಯವಸ್ಥಾಪಕ ನಿರ್ದೇಶಕರಾಗಿರುವ ನಿತಿನ್ ಪ್ರಸಾದ್, ಶೆಲ್ ಅಡ್ವಾನ್ಸ್ ಅಲ್ಟ್ರಾ ಪ್ಯೂರ್ ಪ್ಲಸ್ ಟೆಕ್ನಾಲಜಿ ಬಿಡುಗಡೆ ಮಾಡಲು ಹೆಮ್ಮೆಯಾಗುತ್ತಿದ್ದು, ಇದು ವಾಹನಗಳ ಎಂಜಿನ್ ಆಯಿಲ್‌ಗಳ ಪೈಕಿ ಕ್ರಾಂತಿಯನ್ನುಂಟು ಮಾಡಲಿದೆ ಎಂದಿದ್ದಾರೆ.