ಸದ್ದು ಮಾಡಿದ ಡಿಎಸ್‌ಕೆ ಬೆನೆಲ್ಲಿ ಬಿಎಕ್ಸ್ 250 ಬೈಕ್

ಭಾರತ ವಾಹನ ಮಾರುಕಟ್ಟೆಯ ಪ್ರಭಾವ ಅರಿತುಕೊಂಡಿರುವ ಬೆನೆಲ್ಲಿ ಬಿಎಕ್ಸ್ 250 ಮೋಟಾರ್ಡ್ ಪರಿಚಯಿಸುವ ಮೂಲಕ ಭರ್ಜರಿ ಎಂಟ್ರಿ ಕೊಟ್ಟಿದೆ.

ಇದರ 250 ಸಿಸಿ ಫೋರ್ ಸ್ಟ್ರೋಕ್ ಸಿಂಗಲ್ ಸಿಲಿಂಡರ್ ಲಿಕ್ವಿಡ್ ಕೂಲ್ಡ್ ಎಂಜಿನ್ 21 ಎನ್ ಎಂ ತಿರುಗುಬಲದಲ್ಲಿ 25 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅಂತೆಯೇ ಆರು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರಲಿದೆ.

ಕೇವಲ 132 ಕೆ.ಜಿ ಗಳಷ್ಟು ಮಾತ್ರ ತೂಕವನ್ನು ಹೊಂದಿರುವ ಬೆನೆಲ್ಲಿ ಬಿಎಕ್ಸ್ 250 ನಿಮಗೆ ಅದ್ಬುತ ಚಾಲನಾ ಅನುಭವ ನೀಡಲಿದೆ ಎಂಬುದರಲ್ಲಿ ಸಂಶಯವೇ ಇಲ್ಲ.

ಸ್ಟೀಲ್ ಟ್ಯೂಬುಲರ್ ಫ್ರೇಮ್ ಜೊತೆ ಜೊತೆಗೆ ಯುಎಸ್ ಡಿ ಫ್ರಂಟ್ ಫಾರ್ಕ್ ಮತ್ತು ಹಿಂದುಗಡೆ ಮೊನೊಶಾಕ್ ಸಸ್ಪೆನ್ಷನ್ ವ್ಯವಸ್ಥೆಯು ಕಂಡುಬರಲಿದೆ.

ಆರಾಮದಾಯಕ ಸಿಟ್ಟಿಂಗ್ ವ್ಯವಸ್ಥೆಯನ್ನು ಇದರಲ್ಲಿ ಕೊಡಲಾಗಿದ್ದು, ಭಾರತೀಯ ರಸ್ತೆ ಪರಿಸ್ಥಿತಿಗೆ ಹೆಚ್ಚು ಹೊಂದಿಕೆಯಾಗಲಿದೆ.

ಪ್ರಸಕ್ತ ಸಾಲಿನಲ್ಲೇ ಭಾರತ ಪ್ರವೇಶಿಸುವ ನಿರೀಕ್ಷೆ ಹೊಂದಿರುವ ಬಿಎಕ್ಸ್ 250, ಸ್ವಲ್ಪ ದುಬಾರಿ ಬೈಕ್ ಖರೀದಿಗಾರರ ಪಾಲಿಗೆ ನೆಚ್ಚಿನ ಆಯ್ಕೆಯಾಗಿರಲಿದೆ.

ಮೋಟಾರ್ಡ್ 250 ಎಂಬ ಹೆಸರಿನಿಂದಲೂ ಅರಿಯಲ್ಪಡುವ ಬೆನೆಲ್ಲಿ ಬಿಎಕ್ಸ್ 250 ಡರ್ಟ್ ಬೈಕ್ ಪ್ರಮುಖವಾಗಿಯೂ ಯುವ ಗ್ರಾಹಕರನ್ನು ಗುರಿಯಾಗಿಸಿಕೊಂಡಿದೆ.