ಇದೇನಾ ಸರ್ವಕಾಲಿಕ ಶ್ರೇಷ್ಠ ಪಲ್ಸರ್ ಕ್ರೀಡಾ ಬೈಕ್?

ಮೊದಲ ನೋಟದಲ್ಲಿ ಇದು ಪಲ್ಸರ್ ಬೈಕೇ ಎಂಬ ಸಂದೇಹ ನಿಮ್ಮಲ್ಲಿ ಮೂಡಬಹುದು. ಯಾಕೆಂದರೆ ಅಷ್ಟೊಂದು ಅಚ್ಚುಕಟ್ಟಾಗಿ ಶಕ್ತಿಶಾಲಿ ಕವಾಸಕಿ ಬೈಕ್ ನ ರೂಪವನ್ನು ಕಲ್ಪಿಸಿ ಕೊಡಲಾಗಿದೆ.

ಮುಂದುಗಡೆ ಟು ಪ್ಯಾಡ್ ಎಲ್ ಇಡಿ ಹೆಡ್ ಲೈಟ್ ಜೊತೆ ಕಸ್ಟಮ್ ವಿಂಡ್ ಶೀಲ್ಡ್, ಹೊಸತಾದ ಶಕ್ತಿಯುತ ಇಂಧನ ಟ್ಯಾಂಕ್ ಮತ್ತು ಹಿಂದುಗಡೆ ಚೂಪಾದ ವಿನ್ಯಾಸವನ್ನು ಕಾಪಾಡಿಕೊಳ್ಳಲಾಗಿದೆ.

ಪಲ್ಸರ್ 200 ಎನ್ ಎಸ್ ಮಾದರಿಯು ಕವಾಸಕಿ ಝಡ್1000 ಮಾದರಿಗೆ ಸಮಾನವಾದ ತ್ರಿಕೋನ ಎಲ್ ಇಡಿ ಟೈಲ್ ಲೈಟ್ ಗಳನ್ನು ಗಿಟ್ಟಿಸಿಕೊಂಡಿದೆ.

ಇಷ್ಟೆಲ್ಲ ಆದರೂ ಎಲ್ ಇಡಿ ಹೆಡ್ ಲೈಟ್ ಗಳ ಮಧ್ಯ ಭಾಗದಲ್ಲಿ ಮಸೆರಟಿ ಲಾಂಛನವನ್ನು ಲಗತ್ತಿಸರುವುದು ಗಮನಾರ್ಹವೆನಿಸುತ್ತದೆ. ಬಹುಶ: ಇದರ ಮಾಲಿಕ ಮಸೆರಟಿ ಸೂಪರ್ ಕಾರಿನ ಅಭಿಮಾನಿಯಾಗಿರಲೂಬಹುದು.

2012ನೇ ಸಾಲಿನಲ್ಲಿ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿರುವ ಪಲ್ಸರ್ 200 ಎನ್ ಎಸ್ ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಿತ್ತು. ಬಳಿಕ 2015ರಲ್ಲಿ ಮಾರಾಟವನ್ನು ಹಿಂಪಡೆಯಲಾಗಿತ್ತು.

ಅಂದ ಹಾಗೆ ವಿಯೆಟ್ನಾದಲ್ಲಿ ಈ ಮನಮೋಹಕ ಬೈಕ್ ಪ್ರತ್ಯಕ್ಷಗೊಂಡಿದೆ. ತನ್ಮೂಲಕ ವಿಯೆಟ್ನಾದಲ್ಲೂ ಪಲ್ಸರ್ ಪ್ರೇಮಕ್ಕೆ ಸಾಕ್ಷಿಯಾಗಿದೆ.

ಕೇವಲ ಹೊರಮೈ ವಿನ್ಯಾಸ ಮಾತ್ರವಲ್ಲದೆ ಇಲ್ಲಿ 200 ಎನ್ ಎನ್ ಪಲ್ಸರ್ ಬೈಕ್ ನ ಎಂಜಿನನ್ನು ಶಕ್ತಿಶಾಲಿ 350 ಸಿಸಿ ಎಂಜಿನ್ ಆಗಿ ಮಾರ್ಪಾಡುಗೊಳಿಸಲಾಗಿದೆ.

ಬಜಾಜ್ ಪಲ್ಸರ್ 200 ಎನ್ ಎಸ್ ನಲ್ಲಿರುವ ಎಂಜಿನ್ 18.3 ಎನ್ ಎಂ ತಿರುಗುಬಲದಲ್ಲಿ 21 ಅಶ್ವಶಕ್ತಿ ಉತ್ಪಾದಿಸುತ್ತದೆ. ಆದರೆ ಈ ಬದಲಾದ ಪಲ್ಸರ್ ಎಂಜಿನ್ ತಾಂತ್ರಿಕತೆಗಳ ಬಗೆಗಿನ ವಿವರಗಳು ತಿಳಿದು ಬಂದಿಲ್ಲ.

ಇನ್ನುಳಿದಂತೆ 180 ರಿಯರ್ ಚಕ್ರಗಳು, ಬ್ರೆಂಬೊ ಬ್ರೇಕ್ ಕ್ಯಾಲಿಪರ್, ಆಸ್ಟನ್ ರೇಸಿಂಗ್ ಮತ್ತು ವಿನೂತನ ಶೈಲಿಯ ಎಕ್ಸಾಸ್ಟ್ ಕೊಳವೆಗಳನ್ನು ಜೋಡಿಸಲಾಗಿದೆ.

ಕಾರ್ಬನ್ ಫೈಬರ್ ಹೋದಿಕೆಯ ಹ್ಯಾಂಡಲ್ ಬಾರ್, ಹೊಸತಾದ ಸೀಟುಗಳು, ಪೆಡಲ್ ಡಿಸ್ಕ್ ಮತ್ತು ಪರಿಷ್ಕೃತ ಇನ್ಸ್ಟ್ರುಮೆಂಟ ಕ್ಲಸ್ಟರ್ ಸಹ ಗಮನ ಸೆಳೆಯುತ್ತದೆ.

ದೇಶದಲ್ಲಿ ಅತೀವ ಬೇಡಿಕೆಯನ್ನು ಪರಿಗಣಿಸಿ ಬಜಾಜ್ 200 ಎನ್ ಎಸ್ ಹೊಸ ವಿನ್ಯಾಸದೊಂದಿಗೆ ಮಾರುಕಟ್ಟೆಗೆ ಮರು ಪ್ರವೇಶ ಮಾಡಿದ್ದಲ್ಲಿ ಅಚ್ಚರಿಪಡಬೇಕಿಲ್ಲ.

ಹಾಗೊಂದು ವೇಳೆ ಭಾರತಕ್ಕೆ ರಿ ಎಂಟ್ರಿ ಕೊಟ್ಟಲ್ಲಿ ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಂ, ಎಲ್ ಇಡಿ ಬೆಳಕಿನ ಸೇವೆ, ಫ್ಯೂಯಲ್ ಇಂಜೆಕ್ಟಡ್ ತಂತ್ರಜ್ಞಾನದೊಂದಿಗೆ ಆಗಮನವಾಗುವ ಸಾಧ್ಯತೆ ಹೆಚ್ಚಾಗಿದೆ.

ಪ್ರಸ್ತುತ ಪಲ್ಸರ್ ಕ್ರೀಡಾ ಬೈಕ್ ಬಗ್ಗೆ ನಿಮ್ಮ ಅಮೂಲ್ಯವಾದ ಅನಿಸಿಕೆಗಳನ್ನು ನಮ್ಮ ಜೊತೆ ಹಂಚಿಕೊಳ್ಳಲು ಮರೆಯದಿರಿ.