ಬೈಕ್ ಪ್ರೇಮಿಗಳಿಗಾಗಿ 2017 ಬಜಾಜ್ ಪಲ್ಸರ್ 220ಎಫ್ ಬಿಡುಗಡೆ

ಪ್ರಮುಖವಾಗಿಯೂ ಪಲ್ಸರ್ 220ಎಫ್ ಅಂದತೆಯಲ್ಲಿ ಬದಲಾವಣೆಗಳನ್ನು ತರಲಾಗಿದೆ. ಇದು ಹೊಸತಾದ ಗ್ರಾಫಿಕ್ಸ್ ಮತ್ತು ಸ್ಟಿಕ್ಕರ್ ಸೇವೆಗಳನ್ನು ಗಿಟ್ಟಿಸಿಕೊಂಡಿದೆ.

ಹಾಗಿದ್ದರೂ ತಾಂತ್ರಿಕವಾದ ಬದಲಾವಣೆಗಳ ಬಗ್ಗೆ ಹೆಚ್ಚಿನ ವಿವರಗಳು ಇನ್ನಷ್ಟೇ ಲಭ್ಯವಾಗಬೇಕಿದೆ. ಇದು ಹಿಂದಿನಗಿಂತಲೂ ಹೆಚ್ಚು ಪರಿಣಾಮಕಾರಿಯೆನಿಸಿಕೊಂಡಿದೆ.

ಈಗಿರುವ ಬಜಾಜ್ ಪಲ್ಸರ್ ಗಿಂತಲೂ ಹೆಚ್ಚು ಪ್ರಭಾವಶಾಲಿ 220 ಸಿಸಿ ಸಿಂಗಲ್ ಸಿಂಡರ್ 4 ಸ್ಟ್ರೋಕ್ ಡಿಟಿಎಸ್-ಐ ಎಂಜಿನ್ ಪಡೆದಿದೆ. ಇದು 19.12 ಎನ್ ಎಂ ತಿರುಗುಬಲದಲ್ಲಿ 21 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ನೂತನ ಪಲ್ಸರ್ 220ಎಫ್ ಫೈವ್ ಸ್ಪೀಡ್ ಗೇರ್ ಬಾಕ್ಸ್ ಗಿಟ್ಟಿಸಿಕೊಳ್ಳಲಿದೆ. ಇನ್ನು ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ನಲ್ಲಿ ಬದಲಾವಣೆ ಕಂಡುಬರಲಿದ್ದು, ನೀಲಿ ಬೆಳಕಿನ ಸೇವೆಯಿರಲಿದೆ.

ಮೃದುವಾದ ಸೀಟು, ಕೆಂಪು ಮತ್ತು ಕಪ್ಪು ಪಟ್ಟಿ, ಮ್ಯಾನುವಲ್ ಚೋಕ್, ಅಲಾಯ್ ಚಕ್ರಗಳು ಮತ್ತು ಮ್ಯಾಟ್ ಬ್ಲ್ಯಾಕ್ ಫಿನಿಶಿಂಗ್ ಎಕ್ಸಾಸ್ಟ್ ಕೊಳವೆಗಳಿರಲಿದೆ.

ನೂತನ ಬಜಾಜ್ ಪಲ್ಸರ್ 220ಎಫ್ ಥಾಣೆ ಎಕ್ಸ್ ಶೋ ರೂಂ ಬೆಲೆಯು 91,000 ರು.ಗಳಷ್ಟು ದುಬಾರಿಯೆನಿಸಲಿದ್ದು, ಆನ್ ರೋಡ್ ಬೆಲೆ ಅಂದಾಜು 1.03 ಲಕ್ಷ ರುಪಾಯಿಗಳಿಗೆ ತಲುಪಲಿದೆ. ಅಂದರೆ ಈಗಿರುವ ಮಾದರಿಗಿಂತಲೂ ಸರಿ ಸುಮಾರು 4,000 ರು.ಗಳಷ್ಟು ಹೆಚ್ಚು ದುಬಾರಿಯೆನಿಸಲಿದೆ.

ದೇಶದಲ್ಲಿ ಪಲ್ಸರ್ ಶ್ರೇಣಿಯ ಬೈಕ್ ಗಳು 135 ರಿಂದ ಆರಂಭಿಸಿ, 150, 180, ಆರ್ ಎಸ್ 200 ಹಾಗೂ 220 ಎಫ್ ವರೆಗೂ ಹರಡಿದ್ದು, ಇದಕ್ಕೀಗ 400 ಸಿಸಿ ಸಹ ಸೇರ್ಪಡೆಗೊಳ್ಳಲಿದೆ.