ಬಜಾಜ್ ವಿ15 ಬೈಕ್ ಗೆ ಕಿಚ್ಚು ಹಚ್ಚಿದ ಸಾಗರ ನೀಲಿ ಬಣ್ಣ

By Nagaraja

Published: Tuesday, October 18, 2016, 9:49 [IST]

ಎರಡು ಲಕ್ಷ ಮಾರಾಟ ಮೈಲುಗಲ್ಲನ್ನು ತಲುಪಿರುವ ಅತಿ ನೂತನ ಬಜಾಜ್ ವಿ15 ಬೈಕ್ ಗೆ ಹೂಸತಾದ ಸಾಗರ ನೀಲಿ ಬಣ್ಣದ ಆಯ್ಕೆಯನ್ನು ಸೇರ್ಪಡೆಗೊಳಿಸಲಾಗಿದೆ. ಇದು ಭಾರತ ಪಾಕಿಸ್ತಾನ ಯುದ್ಧದ ಐತಿಹಾಸಿಕ ಐಎನ್ ಎಸ್ ವಿಕ್ರಾಂತ್ ಹಡಗಿನಿಂದ ನಿರ್ಮಾಣಗೊಂಡಿರುವ ಬಜಾಜ್ ವಿ15 ಬೈಕ್ ಮತ್ತಷ್ಟು ಜನಪ್ರಿಯತೆ ಗಿಟ್ಟಿಸಿಕೊಳ್ಳಲು ಸಾಧ್ಯವಾಗಲಿದೆ.

ಬಜಾಜ್ ವಿ15 ಬೈಕ್ ಗೆ ಕಿಚ್ಚು ಹಚ್ಚಿದ ಸಾಗರ ನೀಲಿ ಬಣ್ಣ

ಬಿಡುಗಡೆಯಾದ ಮೊದಲ ತಿಂಗಳಲ್ಲೇ ದೇಶದ ಅಗ್ರ 10 ಮಾರಾಟವಾಗುವ ಬೈಕ್ ಗಳ ಸಾಲಲ್ಲಿ ಗುರುತಿಸಿಕೊಂಡಿರುವ ಬಜಾಜ್ ವಿ15, ನಾಲ್ಕು ತಿಂಗಳ ಅವಧಿಯೊಳಗೆ ಒಂದು ಲಕ್ಷ ಮಾರಾಟ ಮೈಲುಗಲ್ಲನ್ನು ತಲುಪಿತ್ತು.

ಈ ನಡುವೆ ಹೀರೊಯಿಕ್ ರೆಡ್ ಬಣ್ಣದಲ್ಲೂ ಅಪ್ ಡೇಟ್ ಮಾಡಲಾಗಿತ್ತು. ಈಗ ಎಂಟು ತಿಂಗಳ ಅವಧಿಯಲ್ಲಿ ಎರಡು ಲಕ್ಷ ಮಾರಾಟವನ್ನು ತಲುಪಿರುವಂತೆಯೇ ಸಾಗರ ನೀಲಿ ಬಣ್ಣದ ಆಯ್ಕೆಯನ್ನು ಕೊಡಲಾಗಿದೆ.

ಇದರೊಂದಿಗೆ ಬಜಾಜ್ ವಿ ಬಣ್ಣಗಳ ಸಂಖ್ಯೆ ನಾಲ್ಕಕ್ಕೆ ಏರಿಕೆಯಾಗಿದೆ. ಅವುಗಳೆಂದರೆ,

ಎಬೋನಿ ಬ್ಲ್ಯಾಕ್,

ಪಿಯರ್ಲ್ ವೈಟ್,

ಹೀರೊಯಿಕ್ ರೆಡ್ ಮತ್ತು

ನ್ಯೂ ಓಷಿಯನ್ ಬ್ಲೂ.

149.5 ಸಿಸಿ ಡಿಟಿಎಸ್-ಐ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸ್ಪಡುವ ಬಜಾಜ್ ವಿ15, 13 ಎನ್ ಎಂ ತಿರುಗುಬಲದಲ್ಲಿ 12 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ. ಇದು ಐದು ಸ್ಪೀಡ್ ಗೇರ್ ಬಾಕ್ಸ್ ಪಡೆದಿದೆ.

36 ವರ್ಷಗಳ ಸೇವೆಯ ಬಳಿಕ ನಿವೃತ್ತಿ ಹೊಂದಿದ ಐಎನ್ ಎನ್ ವಿಕ್ರಾಂತ್ ಲೋಹವನ್ನು ಬಳಸಿಕೊಂಡು ಬಜಾಜ್ ವಿ15 ಬೈಕನ್ನು ನಿರ್ಮಿಸಲಾಗಿತ್ತು.

1971ರ ಭಾರತ-ಪಾಕಿಸ್ತಾನ ಯುದ್ಧದಲ್ಲಿ ಐಎನ್ ಎಸ್ ವಿಕ್ರಾಂತ್ ಹಡಗು ನಿರ್ಣಾಯಕ ಪಾತ್ರ ವಹಿಸಿತ್ತು. ಹಾಗಾಗಿ ಇದೇ ಹಡಗಿನಿಂದ ನಿರ್ಮಿತ ಬೈಕ್ ದೇಶ ನಿವಾಸಿಗಳಿಗೆ ಹೆಮ್ಮೆ ಪಟ್ಟುಕೊಳ್ಳುವಂತಾಗಿದೆ.