ಬಜಾಜ್ ವಿ15 ಬೆನ್ನಲ್ಲೇ ಬರುತ್ತಿದೆ ಹೆಚ್ಚು ಶಕ್ತಿಶಾಲಿ ವಿ20, ವಿ40 ಬೈಕ್ಸ್

ಮಾರ್ಚ್ ತಿಂಗಳಾಂತ್ಯದ ವೇಳೆಯಲ್ಲಿ ಬಜಾಜ್ ವಿ15 ಮಾರುಕಟ್ಟೆ ಪ್ರವೇಶ ಪಡೆದಿತ್ತು. ಈಗ ಮುಂಬರುವ ಸೆಪ್ಟೆಂಬ್ ತಿಂಗಳಲ್ಲಿ ವಿ20 ಮತ್ತು 2017ನೇ ಸಾಲಿನ ಮಾರ್ಚ್ ವೇಳೆಯಾಗುವಾಗ ವಿ40 ಬೈಕ್ ಗಳು ಬಿಡುಗಡೆಯಾಗಲಿದೆ.

ಇಲ್ಲಿ ವಿ20 ಮತ್ತು ವಿ40 ಎಂಬುದು 200 ಸಿಸಿ ಮತ್ತು 400 ಸಿಸಿ ಎಂಜಿನ್ ಸಾಮರ್ಥ್ಯದ ಸಂಕ್ಷಿಪ್ತ ರೂಪವಾಗಿದೆ. ಅಂದರೆ ಕ್ರೀಡಾ ಸ್ನೇಹಿ ಗ್ರಾಹಕರನ್ನು ಹೆಚ್ಚು ಗುರಿ ಮಾಡಲಿದೆ.

ಪ್ರಯಾಣಿಕ ಬೈಕ್ ಮಾರುಕಟ್ಟೆಯಲ್ಲೂ ಹೆಚ್ಚೆಚ್ಚು ಮಾರಾಟ ಗಿಟ್ಟಿಸಿಕೊಳ್ಳುವುದು ಸಂಸ್ಥೆಯ ಗುರಿಯಾಗಿದೆ. ಈ ನಿಟ್ಟಿನಲ್ಲಿ 62,000 ರು.ಗಳ ಎಕ್ಸ್ ಶೋ ರೂಂ ಬೆಲೆಗಳಲ್ಲಿ ಬಿಡುಗಡೆಯಾಗಿರುವ ವಿ15 ಅತ್ಯುತ್ತಮ ಆಯ್ಕೆಯಾಗಿರಲಿದೆ.

1971ರ ಪಾಕಿಸ್ತಾನ ವಿರುದ್ಧದ ಯುದ್ಧದಲ್ಲಿ ಭಾರತಕ್ಕೆ ಐತಿಹಾಸಿಕ ಗೆಲುವನ್ನು ಒದಗಿಸಿಕೊಡುವಲ್ಲಿ ಐಎನ್‌ಎಸ್ ವಿಕ್ರಾಂತ್ ನಿರ್ಣಾಯಕ ಪಾತ್ರ ವಹಿಸಿತ್ತು. ಈಗ ಇದೇ ಹಡಗಿನ ಲೋಹದಿಂದ ವಿ ಬೈಕನ್ನು ನಿರ್ಮಿಸಲಾಗಿದೆ.

150 ಸಿಸಿ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಬಜಾಜ್ ವಿ15, 13 ಎನ್ ಎಂ ತಿರುಗುಬಲದಲ್ಲಿ 12 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

200 ಮತ್ತು 400 ಸಿಸಿ ವಿಭಾಗದಲ್ಲಿ ನೂತನ ಎಂಜಿನ್ ಗಳನ್ನು ಅಭಿವೃದ್ಧಿಪಡಿಸಿರುವುದರಿಂದ 'ವಿ' ತಳಹದಿಯಲ್ಲಿ ನಿರ್ಮಾಣವಾಗಲಿರುವ ನೂತನ ಬೈಕ್ ಗಳ ನಿರ್ಮಾಣ ವೆಚ್ಚವು ಇಳಿಕೆಯಾಗಲಿದೆ. ಇದು ಸ್ಪರ್ಧಾತ್ಮಕ ಬೆಲೆಗಳಲ್ಲಿ ಬಿಡುಗಡೆ ಮಾಡಲು ಸಹಕಾರಿಯಾಗಲಿದೆ.