ಐ3ಎಸ್ ತಂತ್ರಗಾರಿಕೆಯೊಂದಿಗೆ 2016 ಹೀರೊ ಅಚೀವರ್ 150 ಸಿಸಿ ಬೈಕ್ ಎಂಟ್ರಿ

ನೂತನ ಹೀರೊ ಅಚೀವರ್ 150 ಸಿಸಿ ಬೈಕ್ ಐಚ್ಛಿಕ ಬ್ರೇಕ್ ನೊಂದಿಗೂ ಲಭ್ಯವಾಗಲಿದ್ದು, 1000 ರುಪಾಯಿಗಳಷ್ಟು ದುಬಾರಿಯೆನಿಸಲಿದೆ. ಅಂದರೆ ದೆಹಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 62,800 ರು.ಗಳಾಗಿರಲಿದೆ.

ನೂತನ ಅಚೀವರ್ 150, ಹೊಸ ಹೆಡ್ ಲೈಟ್, ಟೈಲ್ ಲೈಟ್, ಟರ್ನ್ ಇಂಡಿಕೇಟರ್, ದೊಡ್ಡದಾದ ವೈಸರ್, ತಾಜಾ ಫೆಂಡರ್ ಮತ್ತು ಆಕರ್ಷಕ ಬಾಡಿ ಗ್ರಾಫಿಕ್ಸ್ ಗಳನ್ನು ಪಡೆಯಲಿದೆ.

ಹಿಂದಿನ ಆವೃತ್ತಿಗಿಂತಲೂ ದೊಡ್ಡಾದಾದ ಇಂಧನ ಟ್ಯಾಂಕ್ ಸಹ ಪಡೆದಿದೆ. ಇನ್ನು ಪರಿಷ್ಕೃತ ಸೀಟುಗಳು ಹೆಚ್ಚು ಆರಾಮದಾಯಕವೆನಿಸಲಿದೆ.

ಬಣ್ಣಗಳು: ಪ್ಯಾಂಥರ್ ಬ್ಲ್ಯಾಕ್ ಮೆಟ್ಯಾಲಿಕ್, ಕ್ಯಾಂಡಿ ಬ್ಲೇಜಿಂಗ್ ರೆಡ್ ಮತ್ತು ಎಬೋನಿ ಗ್ರೇ ಮೆಟ್ಯಾಲಿಕ್.

ಇವೆಲ್ಲದಕ್ಕೂ ಮಿಗಿಲಾಗಿ ಭಾರತ್ ಸ್ಟೇಜ್ 4 150 ಸಿಸಿ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ನೂತನ ಅಚೀವರ್, ಸ್ಪ್ಲೆಂಡರ್ ನಲ್ಲಿರುವುದಕ್ಕೆ ಸಮಾನವಾದ ಐ3ಎಸ್ (ಐಡಲ್ ಸ್ಟ್ಯಾರ್ಟ್ ಸ್ಟಾಪ್ ಸಿಸ್ಟಂ) ಎಂಜಿನ್ ಪಡೆಯಲಿದೆ. ಇದು ಹೆಚ್ಚಿನ ಇಂಧನ ಕ್ಷಮತೆ ಕಾಪಾಡಿಕೊಳ್ಳಲು ನೆರವಾಗಲಿದೆ.

ಇದಲ್ಲದೆ ಅತಿ ನೂತನ ಆಟೋಮ್ಯಾಟಿಕ್ ಹೆಡ್ ಲೈಟ್ ಆನ್ (ಎಎಚ್ ಒ) ವ್ಯವಸ್ಥೆಯು ಇದರಲ್ಲಿರುತ್ತದೆ. ಇದರ 149.2 ಸಿಸಿ 4 ಸ್ಟ್ರೋಕ್ ಸಿಂಗಲ್ ಸಿಲಿಂಡರ್ ಎಂಜಿನ್ 12.80 ಎನ್ ಎಂ ತಿರುಗುಬಲದಲ್ಲಿ 13.6 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ ಐದು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.

ಕೇವಲ ಐದು ಸೆಕೆಂಡುಗಳಲ್ಲೇ ಹೀರೊ ಅಚೀವರ್ ಗಂಟೆಗೆ 100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ಅದೇ ಹೊತ್ತಿಗೆ ದೇಶದ 70ನೇ ಸ್ವಾತಂತ್ರ್ಯ ವಾರ್ಷಿಕೋತ್ಸವದ ಸಂಭ್ರಮ ಹಾಗೂ ಸಂಸ್ಥೆಯ 70 ದಶಲಕ್ಷ ಯುನಿಟ್ ಗಳ ನಿರ್ಮಾಣದ ಮೈಲುಗಲ್ಲನ್ನು ವಿಶೇಷವಾಗಿ ಆಚರಿಸಿಕೊಳ್ಳಲು ನಿರ್ಧರಿಸಿರುವ ಹೀರೊ ಅತಿ ವಿಶಿಷ್ಟ ತ್ರಿವರ್ಣ ಬಣ್ಣದ ಅಚೀವರ್ 150 ಆವೃತ್ತಿ ಬಿಡುಗಡೆಗೊಳಿಸಿದೆ. ಇದು ಸೀಮಿತ 70 ಯುನಿಟ್ ಗಳನ್ನು ಮಾತ್ರ ಮಾರಾಟವಾಗಲಿದೆ.