ಹೀರೊದಿಂದ ಬೈಕನ್ನೇ ಮೀರಿಸುವ 80 ಸಾವಿರ ದುಬಾರಿ ಸೈಕಲ್

ವಿವಿಧ ಶೈಲಿ ಹಾಗೂ ಆಯ್ಕೆಗಳಲ್ಲಿ ಲಭ್ಯವಿರುವ ಹೀರೊ ಲೆಕ್ಟ್ರೊ ಸೈಕಲ್ ಗಳು ಬರೋಬ್ಬರಿ 43,000 ರು.ಗಳಿಂದ 83,000 ರು.ಗಳಷ್ಟು ದುಬಾರಿಯೆನಿಸಲಿದೆ.

ಮಕ್ಕಳಿಗೆ ಬೇಕಾದ ಸಣ್ಣ ಚಕ್ರಗಳಿಂದ ಕೂಡಿದ ಆವೃತ್ತಿಗಳಿಂದ ಹಿಡಿದು ವಯಸ್ಕರಿಗೆ ಯೋಗ್ಯವಾದ ದೊಡ್ಡ ಚಕ್ರಗಳನ್ನು ಹೊಂದಿರುವ ಸೈಕಲ್ ಗಳನ್ನು ಇದು ಒಳಗೊಂಡಿರುತ್ತದೆ.

ವಿವಿಧ ದೇಹ ಶೈಲಿಗೆ ಅನುಗುಣವಾಗಿ ವಿವಿಧ ಸೈಕಲ್ ವಿನ್ಯಾಸಗಳನ್ನು ಲೆಕ್ಟ್ರೊ ಹೊಂದಿದೆ.

ನಗರ ಪ್ರದೇಶಗಳಲ್ಲಿ ಇತ್ತೀಚೆಗೆ ಬಹಳಷ್ಟು ಟ್ರೆಂಡಿಂಗ್ ಆಗುತ್ತಿರುವ ಫಾಟ್-ವೀಲ್ ಚಕ್ರಗಳನ್ನು ಒಳಗೊಂಡಿರುವ ಸೈಕಲ್ ಗಳು ಇದರಲ್ಲಿವೆ.

ಹಿಂದುಗಡೆ ಚಕ್ರದ ಬಳಿ 250 ವ್ಯಾಟ್ ಸಾಮರ್ಥ್ಯದ ಎಲೆಕ್ಟ್ರಿಕ್ ಮೋಟಾರು ಮತ್ತು 48 ವೋಲ್ಟ್ ಅಥವಾ 36 ವೋಲ್ಟ್ ಬ್ಯಾಟರಿ ಪ್ಯಾಕ್ ಕೂಡಾ ಇರಲಿದೆ. ಈ ಪೈಕಿ 48 ವೋಲ್ಟ್ ಬ್ಯಾಟರಿ ಪ್ಯಾಕ್ ಸೈಕಲ್ ಫ್ರೇಮ್ ನಲ್ಲಿ ಹಾಗೂ ಟಾಪ್ ಎಂಡ್ ಮಾದರಿಯ ಹಿಂದುಗಡೆ ಇನ್ ಬಿಲ್ಟ್ ಬ್ಯಾಟರಿ ಪ್ಯಾಕ್ ಲಗತ್ತಿಸಲಾಗಿದೆ.

ಲೆಕ್ಟ್ರೊ ಶ್ರೇಣಿಯ ಸೈಕಲ್ ಗಳು ಒಂದೇ ಚಾರ್ಜ್ ನಲ್ಲಿ 50 ಕೀ.ಮೀ. ದೂರದ ವರೆಗಿನ ವ್ಯಾಪ್ತಿಯನ್ನು ನೀಡಬಲ್ಲದು. ಹಾಗೆಯೇ ಗಂಟೆಗೆ 25 ಕೀ.ಮೀ. ವೇಗದಲ್ಲಿ ಚಲಿಸಲಿದೆ.

ಲೆಕ್ಟ್ರೊ ಟಾಪ್ ಎಂಡ್ ಸೈಕಲ್ ಗಳು ಬ್ಲೂಟೂತ್ ಸಿಂಕ್ ವ್ಯವಸ್ಥೆ, ಎಲೆಕ್ಟ್ರಾನಿಕ್ ಹಬ್ ಲಾಕ್ ಮತ್ತು ಜಿಪಿಎಸ್ ಟ್ರ್ಯಾಕಿಂಗ್ ವ್ಯವಸ್ಥೆಗಳನ್ನು ಒಳಗೊಂಡಿರಲಿದೆ.

ಪೆಡಲ್ ತುಳಿಯುವ ಮುಖಾಂತರವೂ ಬ್ಯಾಟರಿ ಚಾರ್ಜ್ ಆಗಲಿದೆ. ಇದು ಒಟ್ಟಾರೆ ವ್ಯಾಪ್ತಿಯನ್ನು ಹೆಚ್ಚಿಸಲು ನೆರವಾಗಲಿದೆ.