ಮತ್ತೆ ಮೋಡಿ ಮಾಡಲಿರುವ ಕರಿಜ್ಮಾ ಭರ್ಜರಿ ರಿ ಎಂಟ್ರಿಗೆ ರೆಡಿ

ಅಚೀವರ್ 150 ಬಿಡುಗಡೆ ವೇಳೆಯಲ್ಲಿ ಹೀರೊ ಇದನ್ನು ಖಚಪಡಿಸಿದೆ. ಕ್ರೀಡಾ ಬೈಕ್ ಪ್ರೇಮಿಗಳಿಗಂತೂ ಕರಿಜ್ಮಾ ಮರು ಪ್ರವೇಶ ಸುದ್ದಿಯು ಸಂಭ್ರಮವನ್ನು ಇಮ್ಮಡಿಗೊಳಿಸಿದೆ.

ನಿಕಟ ಭವಿಷ್ಯದಲ್ಲೇ ಕರಿಜ್ಮಾ ಬಿಡುಗಡೆಯಾಗುವ ನಿರೀಕ್ಷೆಯಲ್ಲಿದೆ. ಎಲ್ಲ ನೂತನ ತಳಹದಿಯಲ್ಲಿ ನಿರ್ಮಾಣಗೊಳ್ಳಲಿದೆಯೇ ಎಂಬುದು ಕುತೂಹಲವೆನಿಸಿದೆ.

ಇದಕ್ಕೂ ಮೊದಲು ಪ್ರಸಕ್ತ ಸಾಲಿನಲ್ಲಿ 15 ಪರಿಷ್ಕೃತ ಹಾಗೂ ಹೊಸ ಮಾದರಿಗಳನ್ನು ಬಿಡುಗಡೆ ಮಾಡುವುದಾಗಿ ಹೀರೊ ಘೋಷಿಸಿತ್ತು. ಕರಿಜ್ಮಾ ಕೂಡಾ ಈ ಪಟ್ಟಿಯಲ್ಲಿ ಗುರುತಿಸಿಕೊಳ್ಳುವ ಸಾಧ್ಯತೆಯಿದೆ. ಅಂದರೆ ಇದೇ ವರ್ಷದಲ್ಲಿ ಬಿಡುಗಡೆಯಾಗಲಿದೆ.

2003ನೇ ಸಾಲಿನಲ್ಲಿ ಪರಿಚಯವಾಗಿರುವ ಹೀರೊ ಕರಿಜ್ಮಾ 220 ಸಿಸಿ ಬೈಕ್ ಯುವ ಗ್ರಾಹಕರನ್ನು ಅತಿ ಹೆಚ್ಚು ಆಕರ್ಷಿಸಿತ್ತು. ಈ ಪೈಕಿ ಕರಿಜ್ಮಾ ಝಡ್ ಎಂಆರ್ ಹಾಗೂ ಸ್ಟ್ಯಾಂಡರ್ಡ್ ಕರಿಜ್ಮಾ ಈಗ ಮಾರಾಟದಲ್ಲಿದೆ.

ಈಗ ಮಾರಾಟದಲ್ಲಿರುವ ಕರಿಜ್ಮಾದಲ್ಲಿರುವ 223 ಸಿಸಿ ಫೋರ್ ಸ್ಟ್ರೋಕ್ ಸಿಂಗಲ್ ಸಿಲಿಂಡರ್ ಎಂಜಿನ್, ಐದು ಸ್ಪೀಡ್ ಗೇರ್ ಬಾಕ್ಸ್ ಪಡೆದುಕೊಂಡಿದೆ.

ಮುಂಭಾಗದಲ್ಲಿ ಟೆಲಿಸ್ಕಾಪಿಕ್ ಫಾರ್ಕ್ ಜೊತೆ ಹಿಂದುಗಡೆ ಟ್ವಿನ್ ಸ್ಪ್ರಿಂಗ್ ಶಾಕ್ ಅಬ್ಸಾರ್ಬರ್ ಜೋಡಣೆ ಮಾಡಲಾಗಿದೆ.