ಹೀರೊ ಮುಂದಿನ ಗುರಿ; ಎಕ್ಸ್ ಟ್ರೀಮ್ 200 ಸಿಸಿ ನೆಕ್ಡ್ ಬೈಕ್

ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನಗೊಂಡಿರುವ ಎಕ್ಸ್ ಟ್ರೀಮ್ ಬೈಕ್, 200 ಸಿಸಿ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುತ್ತಿದ್ದು, 17.2 ಎನ್ ಎಂ ತಿರುಗುಬಲದಲ್ಲಿ 18.6 ಅಶ್ವಶಕ್ತಿಯನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ನಿಸ್ಸಂಶವಾಗಿಯೂ 2018ರಲ್ಲಿ ಮುಂದಿನ ಆಟೋ ಎಕ್ಸ್ ಪೋ ಆಯೋಜನೆಯಾಗುವುದರ ಮುಂಚಿತವಾಗಿ ಹೊಸ ಹೀರೊ ಎಕ್ಸ್ ಟ್ರೀಮ್ 200 ಸಿಸಿ ನೆಕ್ಡ್ ಬೈಕ್ ದೇಶದಲ್ಲಿ ಬಿಡುಗಡೆಯಾಗಲಿದೆ.

ಡೈಮಂಡ್ ಫ್ರೇಮ್ ಚಾಸೀ, ಸಂಪ್ರದಾಯಿಕ ಫಾರ್ಕ್, ಮೊನೊಶಾಕ್ ರಿಯರ್ ಸಸ್ಪೆನ್ಷನ್ ನಿಂದ ನಿರ್ಮಾಣಗೊಂಡಿರುವ ಹೀರೊ ಎಕ್ಸ್ ಟ್ರೀಮ್ ನಲ್ಲಿ ಐದು ಸ್ಪೀಡ್ ಗೇರ್ ಬಾಕ್ಸ್ ಲಗತ್ತಿಸಲಾಗಿದೆ.

ಎರಡು ಬದಿಗಳಲ್ಲೂ ಡಿಸ್ಕ್ ಬ್ರೇಕ್ ಹೊಂದಿರಲಿರುವ ಹೀರೊ ಎಕ್ಸ್ ಟ್ರೀಮ್, ಮಲ್ಟಿ ಸ್ಪೋಕ್ ಅಲಾಯ್ ಚಕ್ರಗಳಿಂದ ಕೂಡಿರಲಿದೆ.

ಪ್ರಮುಖವಾಗಿಯೂ ಕೆಟಿಎಂ ಡ್ಯೂಕ್ 200 ಮತ್ತು ಟಿವಿಎಸ್ ಅಪಾಚಿ 200 4ವಿ ಮಾದರಿಗಳಿಗೆ ಹೊಸ ಎಕ್ಸ್ ಟ್ರೀಮ್ ಪೈಪೋಟಿಯನ್ನು ಒಡ್ಡಲಿದೆ. ಸದ್ಯ ಚೆನ್ನೈ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ ಕೆಟಿಎಂ ಡ್ಯೂಕ್ 1.41 ಲಕ್ಷ ರು.ಗಳಷ್ಟು ದುಬಾರಿಯೆನಿಸುತ್ತದೆ.