ಎಕ್ಸ್ ಕ್ಲೂಸಿವ್; ಬರುತ್ತಿದೆ ಮಹೀಂದ್ರ 155 ಸಿಸಿ ಅಗ್ಗದ ಬೈಕ್

ಎಲ್ಲ ಬೈಕ್ ವಿಭಾಗದಲ್ಲೂ ಸಾನಿಧ್ಯ ವ್ಯಕ್ತಪಡಿಸುವುದು ಮಹೀಂದ್ರ ಇರಾದೆಯಾಗಿದೆ. ಸದ್ಯಕ್ಕೆ ಮಹೀಂದ್ರ 155 ಸಿಸಿ ಉಪಯುಕ್ತ ಬೈಕ್ ಪ್ರತ್ಯಕ್ಷಗೊಂಡಿದ್ದು, ಮುಂಬರುವ ದಿನಗಳಲ್ಲಿ ಕ್ರೀಡಾತ್ಮಕ ಹಾಗೂ ಪ್ರಯಾಣಿಕ ಆವೃತ್ತಿಯು ಆಗಮನವಾಗುವ ಸಾಧ್ಯತೆಯಿದೆ.

ಅತ್ತ 150 ಸಿಸಿ ವಿಭಾಗದ ಬೈಕ್ ಗಳಿಗೆ ಬೇಡಿಕೆ ಹೆಚ್ಚುತ್ತಿದೆ. ಗ್ರಾಹಕರು ಪ್ರಯಾಣಿಕ ವಿಭಾಗದಿಂದ ನಿಧಾನವಾಗಿ ಹೆಚ್ಚು ಶಕ್ತಿಶಾಲಿ 150 ಕ್ರೀಡಾ ಬೈಕ್ ಗಳತ್ತ ವಾಲುತ್ತಿದ್ದಾರೆ.

ಸಾಂಪ್ರದಾಯಿಕ ಶೈಲಿಯನ್ನು ಕಾಪಾಡಿಕೊಂಡಿರುವ ಮಹೀಂದ್ರ 155 ಸಿಸಿ ಬೈಕ್ ಸ್ಪೋಕ್ ವೀಲ್ ಗಳನ್ನು ಪಡೆದುಕೊಂಡಿದೆ. ವೃತ್ತಕಾರಾದ ಹೆಡ್ ಲೈಟ್ ಬೈಕ್ ಗೆ ಕ್ಲಾಸಿಕ್ ನೋಟ ನೀಡುತ್ತಿದೆ.

ಮಹೀಂದ್ರ ಸೆಂಚುರೊದಿಂದ ಸ್ಪೂರ್ತಿ ಪಡೆದ ಇಂಧನ ಟ್ಯಾಂಕ್, ದೊಡ್ಡದಾದ ಸೈಡ್ ಪ್ಯಾನೆಲ್, ಸ್ಟೀಲ್ ಫೂಟ್ ರೆಸ್ಟ್ ಇನ್ನಿತರ ವೈಶಿಷ್ಟ್ಯಗಳಾಗಿದೆ.

ಇದಕ್ಕೆ ಹೆಚ್ಚು ಉದ್ದಗಲವನ್ನು ಹೊಂದಿರುವ ಸೀಟುಗಳನ್ನು ಜೋಡಿಸಲಾಗಿದೆ. ಇನ್ನು ಹಿಂದುಗಡೆ ಲಗ್ಗೇಜೆ ಕೇರಿಯರ್ ಕೂಡಾ ಲಗತ್ತಿಸಲಾಗಿದೆ.

ಸಿಂಗಲ್ ಡೌನ್ ಟ್ಯೂಬ್ ಫ್ರೇಮ್ ಚಾಸೀಯನ್ನು ಕಾಣಬಹುದಾಗಿದೆ. ಟೆಲಿಸ್ಕಾಫಿಕ್ ಫ್ರಂಟ್ ಫಾರ್ಕ್ ಹಾಗೂ ರಿಯರ್ ಹೈಡ್ರಾಲಿಕ್ ಶಾಕ್ಸ್ ಸಸ್ಪೆನ್ಷನ್ ವ್ಯವಸ್ಥೆಯನ್ನು ನೋಡಿಕೊಳ್ಳಲಿದೆ.

ಮಹೀಂದ್ರ 155 ಸಿಸಿ ಬೈಕ್ ನ್ಲಲಿರುವ ಎಂಜಿನ್ 13ರಿಂದ 15ರಷ್ಟು ಅಶ್ವಶಕ್ತಿ ಉತ್ಪಾದಿಸಲಿದೆ. ಭಾರತ ಸೇರಿದಂತೆ ಅಂತರಾಷ್ಟ್ರೀಯ ಮಾರುಕಟ್ಟೆಗೂ ಪರಿಚಯಿಸುವ ಇರಾದೆಯನ್ನು ಮಹೀಂದ್ರ ಹೊಂದಿದೆ.

ಇನ್ನು ಬಿಡುಗಡೆ ದಿನಾಂಕ ಬಗ್ಗೆ ಯಾವುದೇ ಅಧಿಕೃತ ಪ್ರಕಟಣೆಗಳು ಬಂದಿಲ್ಲ. ಇವೆಲ್ಲದಕ್ಕೂ ಮಹೀಂದ್ರ ಸಂಸ್ಥೆಯೇ ಉತ್ತರಿಸಬೇಕಿದೆ. ಒಟ್ಟಿನಲ್ಲಿ ಸದ್ಯದಲ್ಲೇ ಮಗದೊಂದು ಆಕರ್ಷಕ ಬೈಕ್ ದೇಶದ ರಸ್ತೆಗೆ ಪ್ರವೇಶವಾಗಲಿದೆ.