ವೆಸ್ಪಾ ಶಕ್ತಿಶಾಲಿ 300 ಸಿಸಿ ಪ್ರೀಮಿಯಂ ಸ್ಕೂಟರ್ ಭಾರತಕ್ಕೆ ?

ಕಾರಣಾಂತರಗಳಿಂದಾಗಿ ಭಾರತದಲ್ಲಿ ವೆಸ್ಪಾ ಜಿಟಿಎಸ್ 300 ಬಿಡುಗಡೆಯನ್ನು ಮುಂದೂಡಲಾಗಿತ್ತು. ಆದರೂ ಪ್ರಸಕ್ತ ಸಾಲಿನಲ್ಲೇ ಜನಪ್ರಿಯ ಸ್ಕೂಟರ್ ಬಿಡುಗಡೆ ಮಾಡುವ ಯೋಜನೆಯನ್ನು ಸಂಸ್ಥೆಯು ಹೊಂದಿದೆ.

ಇದರೊಂದಿಗೆ ದೇಶದಲ್ಲಿ ಬಿಡುಗಡೆಯಾಗಲಿರುವ ಅತ್ಯಂತ ಶಕ್ತಿಶಾಲಿ ಸ್ಕೂಟರ್ ಎಂಬ ಕೀರ್ತಿಗೆ ವೆಸ್ಪಾ ಜಿಟಿಎಸ್ 300 ಪಾತ್ರವಾಗಲಿದೆ. ಇದರಲ್ಲಿರುವ 278 ಸಿಸಿ ಫೋರ್ ಸ್ಟ್ರೋಕ್ ಲಿಕ್ವಿಡ್ ಕೂಲ್ಡ್ ಎಂಜಿನ್ 22 ಎನ್ ಎಂ ತಿರುಗುಬಲದಲ್ಲಿ 21 ಅಶ್ವಶಕ್ತಿ ಉತ್ಪಾದಿಸಲಿದ್ದು, ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಸಹ ಇರುತ್ತದೆ.

ಇನ್ನು ಸಿಂಗಲ್ ಆರ್ಮ್ ಫ್ರಂಟ್ ಸಸ್ಪೆನ್ಷನ್ ಹಾಗೂ ಹಿಂದುಗಡೆ ಡ್ಯುಯಲ್ ಸ್ಪ್ರಿಂಗ್ ಏಡಡ್ ಶಾಕ್ ಅಬ್ಸಾರ್ಬರ್ ವ್ಯವಸ್ಥೆಯು ಇರುತ್ತದೆ.

ವೆಸ್ಪಾ ಜಾಗತಿಕ ಸ್ಕೂಟರ್ ಸಾಲಿನಲ್ಲಿ ಪ್ರೀಮಿಯಂ ಜೀವನ ಶೈಲಿ ಸ್ಕೂಟರ್ ಎನಿಸಿಕೊಂಡಿರುವ ಜಿಟಿಎಸ್ 300 ಮಾದರಿಯಲ್ಲಿ 220 ಎಂಎಂ ಡಿಸ್ಕ್ ಬ್ರೇಕ್ ಸೇವೆಯೂ ಇರುತ್ತದೆ.

ಅಂತೆಯೇ ಕ್ರೀಡಾತ್ಮಕ ಸೀಟು, ಕ್ರೋಮ್ ಸ್ಪರ್ಶ, ಮ್ಯಾಟ್ ಫಿನಿಶ್ ದೇಹ ಭಾಷೆ ಎಲ್ಲವೂ ಪ್ರೀಮಿಯಂ ಸ್ಕೂಟರ್ ಗೆ ಆಕರ್ಷಣೆ ತುಂಬಲಿದೆ.

ಹಾಗೊಂದು ವೇಳೆ ಭಾರತದಲ್ಲಿ ಬಿಡುಗಡೆಯಾದ್ದಲ್ಲಿ ವೆಸ್ಪಾ ಜಿಟಿಎಸ್ 300 ಸ್ಕೂಟರ್ ಗೆ ಯಾವುದೇ ನೇರ ಎದುರಾಳಿಗಳಿರುವುದಿಲ್ಲ.

ಅಂದ ಹಾಗೆ ವೆಸ್ಪಾ ಜಿಟಿಎಸ್ 300 ಸ್ಕೂಟರ್ ಅಂದಾಜು ಎರಡು ಲಕ್ಷ ರು.ಗಳ ಅಸುಪಾಸಿನಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.