ಸುಜುಕಿ ಆಕ್ಸೆಸ್ 125 ವಿಶೇಷ ಆವೃತ್ತಿ ಬಿಡುಗಡೆ; ವೈಶಿಷ್ಟ್ಯಗಳೇನು?

ಟಿವಿಎಸ್ ಭಾರತದಲ್ಲಿ ಮಾರಾಟ ಮಾಡುತ್ತಿರುವ ಸ್ಕೂಟರ್ ಗಳ ಪೈಕಿ ಅತಿ ಹೆಚ್ಚು ಯಶಸ್ಸು ಪಡೆದಿರುವ ಮಾದರಿಗಳಲ್ಲಿ ಆಕ್ಸೆಸ್ 125 ಒಂದಾಗಿದೆ. ಇದನ್ನೇ ಗಮನದಟ್ಟಿಟ್ಟುಕೊಂಡಿರುವ ಸಂಸ್ಥೆಯು ವಿಶೇಷ ಆವೃತ್ತಿಯನ್ನು ನೆಚ್ಚಿನ ಗ್ರಾಹಕರಿಗಾಗಿ ಒದಗಿಸುತ್ತಿದೆ.

ನೂತನ ಸುಜುಕಿ ಆಕ್ಸೆಸ್ 125 ವಿಶೇಷ ಆವೃತ್ತಿಯಲ್ಲಿ ಕಂಡುಬಂದಿರುವ ಕೆಲವೊಂದು ಗಮನಾರ್ಹ ವೈಶಿಷ್ಟ್ಯಗಳೆಂದರೆ ಕ್ರೋಮ್ ನಿಂದ ಸುತ್ತುವರಿಯಲ್ಪಟ್ಟ ರಿಯರ್ ವ್ಯೂ ಮಿರರ್, ಕೆಂಗಂದು ಬಣ್ಣದ ಲೆಥರ್ ಸೀಟು ಕವರ್, ವಿಶೇಷ ಎಡಿಷನ್ ಲಾಂಛನಗಳು ಹಾಗೂ ಕಂದು ವರ್ಣದ ಫೂಟ್ ಬೋರ್ಡ್ ಕಂಡುಬರಲಿದೆ.

ಸ್ಟ್ಯಾಂಡರ್ಡ್ ಮಾದರಿಯಂತೆ ಬೆಳ್ಳಿ ಬಣ್ಣದ ಲೋಹಕ್ಕೆ ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಕ್ರೋಮ್ ಸ್ಪರ್ಶದ ಹೆಡ್ ಲೈಟ್ ಕ್ಲಸ್ಟರ್ ಹಾಗೂ ಎಕ್ಸಾಸ್ಟ್ ಸಹ ಕ್ರೋಮ್ ಹಾಗೂ ಅಲ್ಯೂಮಿನಿಯಂನಿಂದ ಸುತ್ತುವರಿಯಲ್ಪಡಲಿದೆ.

ಇತರೆಲ್ಲ ವೈಶಿಷ್ಟ್ಯಗಳು ಸಮಾನವಾಗಿರಲಿದ್ದು, ಅನಲಾಗ್ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಸೆಲ್ಪ್ ಸ್ಟ್ಯಾರ್ಟ್, ಸೀಟು ಕೆಳಗಡೆ ಸ್ಟೋರೆಜ್ ಜಾಗ, ಒನ್ ಪ್ರೆಸ್ ಲಾಕ್ ವ್ಯವಸ್ಥೆ ಹಾಗೂ ಮೊಬೈಲ್ ಚಾರ್ಜಿಂಗ್ ವ್ಯವಸ್ಥೆಗಳು ಇರಲಿದೆ.

ನೂತನ ಸುಜುಕಿ ಆಕ್ಸೆಸ್ 125 ವಿಶೇಷ ಆವೃತ್ತಿಯು 124 ಸಿಸಿ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 10.2 ಎನ್ ಎಂ ತಿರುಗುಬಲದಲ್ಲಿ 8.58 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಮುಂಭಾಗದಲ್ಲಿ ಟೆಲಿಸ್ಕಾಪಿಕ್ ಫಾರ್ಕ್ ಹಾಗೂ ಡಿಸ್ಕ್ ಬ್ರೇಕ್ ಮತ್ತು ಹಿಂಭಾಗದಲ್ಲಿ ಐಚ್ಛಿಕ ಡ್ಯುಯಲ್ ಡ್ರಮ್ ಬ್ರೇಕ್ ಗಳ ಸೌಲಭ್ಯವಿರುತ್ತದೆ.

ಸಂಸ್ಥೆಯ ಪ್ರಕಾರ ಸುಜುಕಿ ಆಕ್ಸೆಸ್ 125 ಸ್ಕೂಟರ್ ಪ್ರತಿ ಲೀಟರ್ ಗೆ 64 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ಬೆಲೆ ಮಾಹಿತಿ (ಎಕ್ಸ್ ಶೋ ರೂಂ ದೆಹಲಿ)

ಡ್ರಮ್ ಬ್ರೇಕ್: 55,589 ರು.

ಡಿಸ್ಕ್ ಬ್ರೇಕ್: 58,900 ರು.

ಭಾರತ ಮಾರುಕಟ್ಟೆಯಲ್ಲಿ ಸುಜುಕಿ ಆಕ್ಸೆಸ್ 125 ಆವೃತ್ತಿಯು ಪ್ರಮುಖವಾಗಿಯೂ ಹೋಂಡಾ ಆಕ್ಟಿವಾ 125 ಹಾಗೂ ವೆಸ್ಪಾ ವಿಎಕ್ಸ್ ಮುಂತಾದ ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ.