ಬದಲಾದ ರೂಪದಲ್ಲಿ ಮನಸೆಳೆದ ಸುಜುಕಿ ಜಿಕ್ಸರ್

ಭಾರತ ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿ ಕ್ರಾಂತಿಕಾರಿ ಬದಲಾವಣೆಗೆ ಕಾರಣವಾಗಿರುವ ಸುಜುಕಿ ಜಿಕ್ಸರ್ ತನ್ನ ಕ್ರೀಡಾತ್ಮಕ ವಿನ್ಯಾಸದಿಂದಲೇ ಜನಪ್ರಿಯತೆಗೆ ಪಾತ್ರವಾಗಿತ್ತು.

ಗರಿಷ್ಠ ಮಾರಾಟವನ್ನು ಕಾಪಾಡಿಕೊಂಡಿರುವ ಸುಜುಕಿ ಬೈಕ್ ಗೆ ಪಾಂಡಿಚೇರಿಯ ಜಿಕ್ಸರ್ ಕ್ಲಬ್ ವಿಶೇಷ ವಿನ್ಯಾಸ ಕಲ್ಪಿಸಿಕೊಡುವಲ್ಲಿ ಯಶಸ್ವಿಯಾಗಿದೆ.

ಸುಜುಕಿ ಜಿಕ್ಸರ್ ಸ್ಟಾಂಡರ್ಡ್ ಹಾಗೂ ಎಸ್ ಎಫ್ ಮಾದರಿಗಳು ಗಮನಾರ್ಹ ಮಾರಾಟವನ್ನು ದಾಖಲಿಸುತ್ತಿದೆ. ಇದು 150 ಸಿಸಿ ವಿಭಾಗದಲ್ಲಿ ತನ್ನ ಪ್ರತಿಸ್ಪರ್ಧಿಗಳಿಗೆ ಸವಾಲೊಡ್ಡುತ್ತಿದೆ.

ಟೂರಿಂಗ್ ಬೈಕ್ ಗೆ ಸಮಾನವಾಗಿ ಸುಜುಕಿ ಜಿಕ್ಸರ್ 155 ಮಾರ್ಪಾಡುಗೊಳಿಸಲಾಗಿದೆ. ಇದರಲ್ಲಿ ಟ್ವಿನ್ ಹೆಡ್ ಲ್ಯಾಂಪ್ ಪ್ರಮುಖ ಆಕರ್ಷಣೆಯಾಗಿದೆ.

ಇನ್ನು ಬಜಾರ್ ನಿಂದ ಖರೀದಿಸಿದ ರಿಯರ್ ವ್ಯೂ ಮಿರರ್, ಕ್ರೋಮ್ ಹ್ಯಾಂಡಲ್ ಬಾರ್, ಕ್ರಾಶ್ ಗಾರ್ಡ್ ಇತ್ಯಾದಿ ಘಟಕಗಳನ್ನು ಜೋಡಿಸಲಾಗಿದೆ.

ಸುಜುಕಿ ಜಿಕ್ಸರ್ ಹಿಂಭಾಗವನ್ನು ಸಂಪೂರ್ಣವಾಗಿ ಬದಲಾಯಿಸಲಾಗಿದೆ. ಒಟ್ಟಿನಲ್ಲಿ ವೈವಿಧ್ಯತೆ ಕಾಪಾಡಿಕೊಳ್ಳುವ ಪ್ರಯತ್ನ ಮಾಡಲಾಗಿದೆ.

ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ. ಇದರ 155 ಸಿಸಿ ಎಂಜಿನ್ 14 ಎನ್ ಎಂ ತಿರುಗುಬಲದಲ್ಲಿ 14.5 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.