ಹೊಸ ಅವತಾರದಲ್ಲಿ ಬರಲಿರುವ ಸುಜುಕಿ ಹಯಾಟೆ ಬೈಕ್

Published: Saturday, February 27, 2016, 16:44 [IST]

ಭಾರತದಲ್ಲಿ ಪ್ರಯಾಣಿಕ ಬೈಕ್ ಗಳಿಗೆ ಅತಿ ಹೆಚ್ಚು ಬೇಡಿಕೆಯಿರುವುದನ್ನು ಗಮನಿಸಿರುವ ಜಪಾನ್ ಮೂಲದ ಸುಜುಕಿ ಸಂಸ್ಥೆಯು ಈಗ ಮಾರುಕಟ್ಟೆಯಲ್ಲಿರುವ ಹಯಾಟೆ ಬೈಕ್‌ನ ಹೊಸ ಅವತಾರವನ್ನು ಬಿಡುಗಡೆಗೊಳಿಸಲಿದೆ.

ನೂತನ ಸುಜುಕಿ ಹಯಾಟೆ ಇಪಿ ಮಾದರಿಯು 2016 ಎಪ್ರಿಲ್ ವೇಳೆಯಾಗುವಾಗ ಮಾರುಕಟ್ಟೆ ಪ್ರವೇಶಿಸಲಿದೆ. ಈ ಮೂಲಕ ಪ್ರಯಾಣಿಕ ಬೈಕ್ ವಿಭಾಗಕ್ಕೆ ಭರ್ಜರಿ ಪುನರಾಗಮನ ಮಾಡಿಕೊಳ್ಳುವ ಇರಾದೆಯಲ್ಲಿದೆ.

ಹೊಸ ಅವತಾರದಲ್ಲಿ ಬರಲಿರುವ ಸುಜುಕಿ ಹಯಾಟೆ ಬೈಕ್

ನೂತನ ಹಯಾಟೆ ಬೈಕ್ ನಲ್ಲಿ ಸುಜುಕಿ ಇಕೊ ಫರ್ಫಮನ್ಸ್ ಅಥವಾ ಎಸ್ ಇಪಿ ತಂತ್ರಗಾರಿಕೆಯು ಆಳವಡಿಕೆಯಾಗಲಿದೆ. ಇದರಿಂದಾಗಿ ಹಯಾಟೆ ಇಪಿ ಎನಿಸಿಕೊಳ್ಳಲಿದೆ.

ಹಯಾಟೆ ಇಪಿ ಮಾದರಿಯು 113 ಸಿಸಿ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 9.3 ಎನ್ ಎಂ ತಿರುಗುಬಲದಲ್ಲಿ 8.7 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅಂತೆಯೇ ಫೋರ್ ಸ್ಪೀಡ್ ಗೇರ್ ಬಾಕ್ಸ್ ಇರಲಿದೆ.