ಅತಿ ಶೀಘ್ರದಲ್ಲೇ ಟಿವಿಎಸ್ ಅಪಾಚಿ ಆರ್‌ಟಿಆರ್ 300 ಬಿಡುಗಡೆ

ಟಿವಿಎಸ್ ರೇಸಿಂಗ್ ಪರಂಪರೆಯನ್ನು ಮತ್ತಷ್ಟು ಎತ್ತರಕ್ಕೆ ಕೊಂಡೊಯ್ಯಲಿರುವ ಅಕುಲಾ 310 ಸಂಪೂರ್ಣ ಫೇರ್ಡ್ ಕ್ರೀಡಾ ಬೈಕ್ ನ ಕೆಲವು ಗಮನಾರ್ಹ ಅಂಶಗಳನ್ನು ಬಹಿರಂಗಪಡಿಸಲಾಗಿದೆ.

ರಷ್ಯಾ ಭಾಷೆಯಲ್ಲಿ 'ಅಕುಲಾ' ಅಂದರೆ 'ತಿಮಿಂಗಲ' ಎಂಬುದಾಗಿದೆ. ಈಗ ಟಿವಿಎಸ್ ರೇಸಿಂಗ್ ಚರಿತ್ರೆಯ 33ನೇ ವರ್ಷಾರಣೆಯ ಭಾಗವಾಗಿ ಹೊಸ ಶಾರ್ಕ್ ಭಾರತಕ್ಕೆ ದಾಪುಗಾಲನ್ನಿಡುತ್ತಿದೆ.

ಮುಖ್ಯಾಂಶಗಳು

ರೇಸ್ ಟ್ಯೂನ್ಡ್: 4ವಿ ಡಿಒಎಚ್‌ಸಿ, ಲಿಕ್ವಿಡ್ ಕೂಲ್ಡ್ 310 ಸಿಸಿ ಎಂಜಿನ್

ರೇಸ್ ಸ್ಪೆಕ್: ಅಲ್ಯೂಮಿನಿಯಂ ಟ್ರೆಲ್ಲಿಸ್ ಸಬ್ ಫ್ರೇಮ್,

ಗಿಲ್-ವೆಂಟ್ಸ್: ಥರ್ಮನ್ ಎಫಿಸಿಯೆನ್ಸಿ,

ರಾಮ್ ಏರ್: ಇಂಡಕ್ಷನ್

ತಮಿಳುನಾಡಿನಲ್ಲಿ ಸ್ಥಿತಗೊಂಡಿರುವ ಹೊಸೂರು ಘಟಕದಲ್ಲಿ ಅಕುಲಾ 310 ಕ್ರೀಡಾ ಬೈಕ್ ನಿರ್ಮಾಣವಾಗಲಿದೆ. ಇದು ಪ್ರಮುಖವಾಗಿಯೂ ಕೆಟಿಎಂ ಆರ್‌ಸಿ390, ಕವಾಸಕಿ ನಿಂಜಾ 300 ಮತ್ತು ಯಮಹಾ ಆರ್3 ಮಾದರಿಗಳಿಗೆ ಪೈಪೋಟಿಯನ್ನು ಒಡ್ಡಲಿದೆ.

ಯುಎಸ್ ಡಿ ಫ್ರಂಟ್ ಫಾರ್ಕ್, ರಿಯರ್ ಮೊನೊಶಾಕ್, ಡ್ಯುಯಲ್ ಚಾನೆಲ್ ಎಬಿಎಸ್ ಮತ್ತು ಸಂಪೂರ್ಣ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಪಡೆಯಲಿದೆ.

ಇದರಲ್ಲಿ ಬಿಎಂಡಬ್ಲ್ಯು ಮೊಟೊರಾಡ್ ಅಭಿವೃದ್ಧಿಪಡಿಸಿರುವ 313 ಸಿಸಿ ಸಿಂಗಲ್ ಸಿಲಿಂಡರ್ ಲಿಕ್ವಿಡ್ ಕೂಲ್ಡ್ ಪೆಟ್ರೋಲ್ ಎಂಜಿನ್ ಬಳಕೆಯಾಗಲಿದ್ದು, 28 ಎನ್ ಎಂ ತಿರುಗುಬಲದಲ್ಲಿ 34 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ ಆರು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.

ಇದು ಬಿಎಂಡಬ್ಲ್ಯು 310 ಆರ್ ಬೈಕ್ ನಲ್ಲಿರುವುದಕ್ಕೆ ಸಮಾನವಾಗಿದೆ. ಅಂದ ಹಾಗೆ ನೂತನ ಅಕುಲಾ 310, ಭಾರತದಲ್ಲಿ 2.2 ಲಕ್ಷ ರು.ಗಳಿಂದ 2.5 ಲಕ್ಷ ರು.ಗಳಷ್ಟು ದುಬಾರಿಯೆನಿಸುವ ಸಾಧ್ಯತೆಯಿದೆ.